ព័ត៌មានជាតិ

រដ្ឋបាលសង្កាត់ចោមចៅទី ៣ ចុះរៀបចំសណ្ដាប់ធ្នាប់ផ្សារត្រពាំងពោធិ៍

បានផុស

២ years មុន

នៅ

ថ្ងៃសុក្រ ២២ វិច្ឆិកា ២០២៤

ដោយ

កាលពីរសៀលថ្ងៃទី ២១ ខែវិច្ឆិកា ឆ្នាំ ២០២៤ កម្លាំងគណៈបញ្ជាការឯកភាពសង្កាត់ចោមចៅទី ៣ សហការជាមួយកម្លាំងប្រជាការពារភូមិត្រពាំងពោធិ៍ បានចុះរៀបចំសណ្ដាប់ធ្នាប់ចាប់ពីផ្សារត្រពាំងពោធិ៍ ស្ថិតក្នុងភូមិត្រពាំងពោធិ៍ រហូតដល់ព្រំប្រទល់ភូមិចាក់ជ្រូក សង្កាត់ចោមចៅទី ៣ ខណ្ឌពោធិ៍សែនជ័យ ដើម្បីជៀសវាងស្ទះចរាចរណ៍ដល់អ្នកដំណើរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយទទួលបានបទបញ្ជាពី លោក សក់ ច័ន្ទកញ្ញារិទ្ធ អភិបាល នៃគណៈអភិបាលខណ្ឌពោធិ៍សែនជ័យ បានសហការជាមួយកម្លាំងសណ្ដាប់ធ្នាប់សង្កាត់ចោមចៅទី ៣ ចុះរៀបចំសណ្ដាប់ធ្នាប់នៅលើដងផ្លូវ មុខផ្សារត្រពាំងពោធិ៍ ស្ថិតក្នុងភូមិត្រពាំងពោធិ៍ សង្កាត់ចោមចៅទី ៣ រហូតទៅដល់ព្រំប្រទល់ភូមិចាក់ជ្រូក សង្កាត់សំរោងក្រោម ខណ្ឌពោធិ៍សែនជ័យ ដើម្បីណែនាំឱ្យអាជីវករយល់ដឹងពីការដាក់លក់ដូររំលោភលើផ្លូវ។

អាជ្ញាធរបានឱ្យដឹងថា អាជីវករបានយល់ដឹងច្រើនក្នុងការដាក់លក់លើដងផ្លូវ ជៀសវាងការកកស្ទះពេលកម្មករចេញពីធ្វើការរោងចក្រនៅតំបន់នោះ តែអាជីវករមួយចំនួនតូចក៏មិនស្តាប់ការណែនាំរបស់អាជ្ញាធរដែរ ដូចនេះអាជ្ញាធរសូមអាជីវករទាំងអស់ចូលរួមសហការ និងស្តាប់ការណែនាំផង។

ជាមួយគ្នានេះដែរ អាជ្ញាធរ បានណែនាំបន្ថែមទៀត ដើម្បីឱ្យអាជីវករកាន់តែយល់ច្បាស់អំពីសណ្ដាប់ធ្នាប់។ បន្ថែមនោះ អាជ្ញាធរក៏បានអរគុណដល់អាជីវករដែលបានចូលរួមសហការផងដែរ៕

អត្ថបទ ៖ សុខា