ព័ត៌មានជាតិ

អតិថិជនទៅដល់វាលវែងក៏មានស្វ័យសេវាធនាគារដែរ

បានផុស

៥ years មុន

នៅ

ថ្ងៃអាទិត្យ ១៤ មីនា ២០២១

ដោយ

ចាប់ពីពេលនេះតទៅអតិថិជនរបស់ធនាគារអេស៊ីលីដាភីអិលស៊ីដែលធ្វើដំណើរទៅលេងស្រុកវាលវែងខេត្តពោធិ៍សាត់នឹងលែងបារម្ភពីការប្រើប្រាស់សេវាធនាគារទៀតហើយព្រោះធនាគារបានរៀបចំបំពាក់ប្រព័ន្ធសុវត្ថិភាពនិងមានម៉ាស៊ីនATM, VTMជាច្រើនគ្រឿងសម្រាប់ដកប្រាក់ ដាក់ប្រាក់និងបើកគណនីបម្រើជូនអតិថិជននៅទីនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី សុខ សោភា នាយិកាប្រតិបត្តិជាន់ខ្ពស់ទីផ្សារនៃធនាគារអេស៊ីលីដាបានមានប្រសាសន៍ថា«ការបង្កើតឲ្យមានកន្លែងបម្រើសេវាកម្មធនាគារស្វ័យប្រវត្តិ នេះគឺដើម្បីបំពេញទៅតាមតម្រូវការរបស់អតិថិជនដែលលោកតែងតែធ្វើដំណើរឆ្លងកាត់ទៅលេងស្រុកវាលវែងខេត្តពោធិ៍សាត់ងាយស្រួលក្នុងការប្រើប្រាស់សេវាកម្មធនាគារតាមតម្រូវការភ្លាមៗដោយមិនចាំបាច់ចំណាយពេលធ្វើដំណើរទៅខេត្តឡើយពិសេសបងប្អូនប្រជាពលរដ្ឋនៅក្នុងស្រុកវាលវែងផ្ទាល់តែម្តង»។

លោកស្រីបានបន្តថាសេវាកម្មធនាគារស្វ័យ ប្រវត្តិនេះគឺអតិថិជនអាចធ្វើដោយខ្លួនឯងបាន២៤ម៉ោងលើ២៤ម៉ោងតាមតម្រូវការដូចជាការដាក់ប្រាក់ ផ្ទេរប្រាក់ឬបើកគណនីយជាដើម។

លោកស្រីបានបញ្ជាក់ថាការដាក់ឲ្យប្រើប្រាស់សេវាកម្មធនាគារដោយប្រវត្តិនៅស្រុកវាលវែងនេះដោយសារស្រុកវាលវែងជាស្រុកសម្បូរទៅដោយធនធានធម្មជាតិមានជាតំបន់ទេសចរណ៍ធម្មជាតិច្រើនដែលមានទេសភាពល្អស្រស់ត្រកាលនារដូវរំហើយពិសេសជាតំបន់ដែលមានសក្ដានុពលសេដ្ឋកិច្ចដ៏សំខាន់មួយនៅក្នុងខេត្តពោធិសាត់ដោយសារវាមានព្រំប្រទល់ដែនជាប់នឹងព្រំដែនថៃមានទេសចរជាតិអន្តរជាតិឆ្លងកាត់យ៉ាងច្រើន។

លោកស្រីបានបន្ថែមថាលើសពីនេះទៅទៀតធនាគារអេស៊ីលីដាជាប្រជាធនាគារនិងជាទីទំនុកចិត្តរបស់ប្រជាពលរដ្ឋ។ដូច្នេះហើយ ទោះនៅទីណាក៏មានសេវាធនាគារ អេស៊ីលីដាដែរ៕

Related Topics:ធនាគាអេស៊ីលីដា