ព័ត៌មានជាតិ
ប.ស.ស ក្រើនរំលឹកថៅកែសហគ្រាសមានបុគ្គលិក ឬ កម្មករ ចាប់ពីម្នាក់ឡើងទៅ ត្រូវចុះឈ្មោះចូលជាសមាជិក ប.ស.ស
បេឡាជាតិសន្តិសុខសង្គម(ប.ស.ស.) បានក្រើនរំលឹកដល់និយោជក ថៅកែ ឬ ម្ចាស់សហគ្រាស គ្រឹះស្ថាន ដែលមានបុគ្គលិក ឬ កម្មករ-និយោជិត បម្រើការងារចាប់ពីម្នាក់ឡើងទៅ ត្រូវមានកាតព្វកិច្ចផ្តល់ការធានារ៉ាប់រងដល់បុគ្គលិក ឬ កម្មករ-និយោជិតរបស់ខ្លួន តាមរយៈការចុះឈ្មោះចូលជាសមាជិក ប.ស.ស។
បេឡាជាតិសន្តិសុខសង្គម បានបន្តថា បន្ទាប់ពីបានចុះឈ្មោះ បុគ្គលិក ឬ កម្មករ-និយោជិត ចូលជាសមាជិក ប.ស.ស និងមានប័ណ្ណសមាជិក ប.ស.ស រួចរាល់នោះ ពួកគេទាំងអស់ នឹងទទួលបានការធានារ៉ាប់រងរបបសន្តិសុខសង្គមដូចជា ទទួលបានការធានារ៉ាប់រងផ្នែកហានិភ័យការងារ។ ទទួលបានការធានារ៉ាប់រងផ្នែកថែទាំសុខភាព និងទទួលបានប្រាក់សោធន ពេលចាស់ធ្វើការលែងកើត (ចាប់ពីអាយុ ៦០ ឆ្នាំ ឡើងទៅ)។
លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានមានប្រសាសន៍ថា រហូតមកទល់ពេលនេះ ប.ស.ស មានសមាជិកកើនឡើងដល់ជាង ២,៧ លាននាក់ហើយ នៅទូទាំងប្រទេស ក្នុងនោះបុគ្គលស្ថិតក្នុងវិស័យសាធារណៈមានចំនួនជិត ៥០ ម៉ឺននាក់ បុគ្គលក្រោមបទប្បញ្ញត្តិច្បាប់ស្ដីពីការងារមានចំនួនជាង ១,៦ លាននាក់ បុគ្គលស្វ័យនិយោជន៍មានចំនួនជាង ៤៣ ម៉ឺននាក់ និងអ្នកក្នុងបន្ទុកសមាជិក ប.ស.ស ចំនួនជិត ១៤ ម៉ឺននាក់ ដោយជាសហព័ទ្ធ (ប្រពន្ធ ឬ ប្តី) មានចំនួន ៣៦ ៦១២ នាក់ និងកូនមានចំនួន ១០២ ៧៨៨ នាក់៕
អត្ថបទ ៖ សំអឿន
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៦ ម៉ោង agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ១ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ