ព័ត៌មានជាតិ

អភិបាលខេត្តតាកែវចុះត្រួតពិនិត្យស្ថានភាពទូទៅនៃការចេញ-ចូល របស់ពលរដ្ឋនៅស្រុកជាប់ព្រំប្រទល់ខេត្តកណ្តាល

បានផុស

៤ years មុន

នៅ

ថ្ងៃសុក្រ ១៩ មីនា ២០២១

ដោយ

នៅថ្ងៃទី១៨ ខែមីនា ឆ្នាំ២០២១ លោក អ៊ូច ភា អភិបាលនៃគណៈអភិបាលខេត្តតាកែវ អមដំណើរដោយ លោក ខាន់ សុខា អភិបាលរងខេត្ត និងមន្ត្រីពាក់ព័ន្ធ បានចុះត្រួតពិនិត្យស្ថានភាពទូទៅ របស់ពលរដ្ឋ ចេញ ឬចូល ព្រំប្រទល់ ស្រុកព្រៃកប្បាស ស្រុកបាទី របស់ខេត្តតាកែវ ដែលមានព្រំប្រទល់ជាប់ ស្រុកកណ្ដាលស្ទឹង ស្រុកកោះធំ និងស្រុកស្អាង ដើម្បីចូលរួមបង្ការ ទប់ស្កាត់ការឆ្លងរីករាលដាល នៃជំងឺកូវីដ-១៩ កុំឲ្យកើតមានឡើងចូលក្នុងសហគមន៍ ជាពិសេសព្រឹត្តិការណ៍២០កុម្ភៈ កុំឲ្យបន្តកើនឡើងនៅសហគមន៍បន្តទៀត ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មានប្រសាសន៍ណែនាំដល់កងកម្លាំងឈរជើងប្រចាំការនៅព្រំប្រទល់នាឱកាសនោះដែរ លោកអភិបាលខេត្ត បានថ្លែងថា ការចុះពិនិត្យនេះ គឺក្នុងគោលបំណងបង្កើនការរឹតបន្តឹងលើការត្រួតពិនិត្យ និងការគ្រប់គ្រងទីតាំងក្នុងគោលដៅនីមួយៗធានាបាននូវប្រសិទ្ធភាពនៃការចូលរួមប្រយុទ្ធប្រឆាំងបង្ការទប់ស្កាត់ជាមួយរាជរដ្ឋាភិបាល និងអនុវត្តនូវវិធានការ និងសេចក្ដីណែនាំរបស់ក្រសួងសុខាភិបាល។ ហើយលោកក៏សូមសំដែងការកោតសរសើរ និងលើកទឹកចិត្តចំពោះ គណៈកម្មាការប្រយុទ្ធប្រឆាំងជំងឺកូវីដ-១៩ ខេត្ត និងស្រុក ព្រមទាំងមន្ត្រី និងកងកម្លាំង ជាពិសេសលោកគ្រូពេទ្យ ដែលជាកម្លាំងជួរមុខក្នុងគោលដៅទាំងអស់ ដែលបានប្រឹងប្រែងអស់ពីកម្លាំងកាយចិត្តក្នុងបេសកកម្មនេះ។

ក្នុងឱកាសចុះត្រួតពិនិត្យនោះដែរ លោកអភិបាលខេត្តតាកែវ ក៏បានឧបត្ថម្ភនូវថវិកាមួយចំនួន ដល់អាជ្ញាធរ និងកងកម្លាំងឈរជើងប្រចាំការនៅតាមគោលដៅសំខាន់ៗ នីមួយៗផងដែរ៕

អត្ថបទ ៖ វីរៈ