ព័ត៌មានជាតិ
លោក អ៊ូច ភា៖ អាជីវកម្មជីកត្បូងក្នុងខេត្តតាកែវ បានផ្អាកដំណើរការទាំងស្រុងហើយ
ការធ្វើអាជីវកម្មរុករកត្បួង បានកើតឡើងនៅតាមភូមិសាស្រ្តមួយចំនួននៅក្នុងទឹកដីខេត្តតាកែវ។ ប៉ុន្តែបើតាមការគូសបញ្ជាក់ដោយផ្ទាល់ពីលោក អ៊ូច ភា អភិបាលនៃគណៈអភិបាលខេត្តតាកែវ បច្ចុប្បន្នអាជីវកម្មជីកយកត្បូងនៅក្នុងខេត្តមិនមានទៀតទេ។
![](https://www.kampucheathmey.com/wp-content/uploads/2023/03/334179897_965586481093738_8162726788801244898_n-4-1024x683.jpg)
លោក អ៊ូច ភា អភិបាលខេត្តតាកែវ ឆ្លើយតបតាមសំណួរ«កម្ពុជាថ្មី» ក្នុងសន្និសីទសារព័ត៌មានស្តីពី ភាពជោគជ័យរយៈពេល ៥ ឆ្នាំ របស់រដ្ឋបាលខេត្តកាលពីម្សិលមិញនេះថា ពាក់ព័ន្ធនឹងអាជីវកម្មជីកត្បូងនៅក្នុងខេត្ត នាពេលកន្លងមកពិតជាធ្លាប់មាន ប៉ុន្តែរយៈពេលប្រមាណ ៤-៥ ឆ្នាំ ចុងក្រោយនេះ រដ្ឋបាលខេត្តមិនអនុញ្ញាតឱ្យធ្វើទៀតទេ ព្រោះការជីកត្បូងអាចធ្វើឲ្យរលាយឬបាត់បង់បន្តិចម្តង ដែលជាធនធានមិនងាយកើតឡើងវិញ។
![](https://www.kampucheathmey.com/wp-content/uploads/2023/03/vuth_1567070094_32078_35563-1024x768.jpg)
«ធ្លាប់មានការវិនិយោគនៅក្នុងខេត្តពិតប្រាកដមែន ប៉ុន្តែខណៈពេលបរិបទនៃជំងឺកូវីដ១៩ បានរីករាលដាលបានធ្វើឱ្យសិប្បកម្មត្បូងផ្អាកដំណើរការទាំងស្រុង និងលែងមានតទៅទៀត គួបផ្សំនឹងបញ្ហាគ្មានទីផ្សារគ្រប់គ្រាន់»។
ទន្ទឹមនេះ ចំពោះតំបន់ដែលអាចមានត្បូង លោក អ៊ូច ភា ក៏បានគូសបញ្ជាក់ថា តំបន់ទាំងអស់នោះគឺមិនត្រូវបានអាជីវកម្មឯកជនណាមួយបានលួចទៅដំណើរការធ្វើអាជីវកម្មទៀតដែរ។
ប៉ុន្មានឆ្នាំមុននេះ មានការល្បីស្រុកមួយចំនួនក្នុងខេត្តតាកែវមានការរកឃើញត្បូង។ មានចម្ងាយជាង ៤០ គីឡូម៉ែត្រពីទីរួខេត្ត ស្រុកគីរីវង់ត្រូវបានអះអាងថាបានរកឃើញត្បូងដ៏មានតម្លៃ។
ជាក់ស្តែងនៅរមណីយដ្ឋានទឹកជ្រោះផ្អោក ស្ថិតនៅឃុំព្រះបាទជាន់ជុំ ស្រុកគីរីវង់ មានបងប្អូនអាជីវករបានដាក់លក់ត្បូងដែលរកឃើញក្នុងខេត្តតាកែវ ក្នុងទូរកញ្ចក់យ៉ាងច្រើនមានទាំងកែច្នៃរួចនិងមិនទាន់កែច្នៃ សម្រាប់ពលរដ្ឋនិងអ្នកទេសចរ។
ត្បូងដែលត្រូវបានរកឃើញដោយអ្នកស្រុកនិងដាក់លក់ដូរយ៉ាងចំហមានដូចជាប្រភេទត្បូងនឹល ត្បូងតូប៉ាស់ ត្បូងអាកូម៉ារីន ត្បូងស៊ីទ្រីន ហើយតម្លៃខុសៗគ្នាតាមប្រភេទនិងការកែច្នៃ៕
-
សន្តិសុខសង្គម៦ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៦ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៦ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៥ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៦ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៣ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច២ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ៥ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ