ព័ត៌មានជាតិ

តើការធ្វើអាជីវកម្មរ៉ែថ្មអារនៅកម្ពុជា ទទួលបានការលើកទឹកចិត្តអ្វីខ្លះពីរដ្ឋាភិបាល?

បានផុស

១ year មុន

នៅ

ថ្ងៃអាទិត្យ ១៦ កុម្ភៈ ២០២៥

ដោយ

តាមរបាយការណ៍របស់អគ្គនាយកដ្ឋានរ៉ែបានបង្ហាញថា នៅប្រទេសកម្ពុជាបច្ចុប្បន្នមានក្រុមហ៊ុនកំពុងធ្វើអាជីវកម្មរ៉ែថ្មអារមានចំនួន ៦៨ ក្រុមហ៊ុន ស្ថិតនៅក្នុងខេត្តចំនួន ១១ នៅលើផ្ទៃដីទំហំប្រហែល ៥ ១២៥ ១៣០ ហិកតា។

ខណៈកន្លងទៅ អាជីវកម្មវិស័យរ៉ែថ្មអារក្នុងស្រុកបានជួបប្រទះនូវវិបត្តិយ៉ាងធ្ងន់ធ្ងរ បណ្តាលមកពីការរាតត្បាតនៃជំងឺកូវីដ-១៩ បូករួមភាពតានតឹងផ្នែកភូមិសាស្ត្រនយោបាយ និងសេដ្ធកិច្ចធ្លាក់ចុះ បានធ្វើឲ្យអាជីវកម្មរ៉ែថ្មអារទទួលរងសម្ពាធរហូតឈានទៅដល់ការផ្អាក និងបិទដំណើរការរោងចក្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ ការដាក់ចេញគោលនយោបាយគាំទ្ររបស់រដ្ឋាភិបាល បានជួយស្រោចស្រង់ស្ថានភាពឧស្សាហកម្មថ្មអារក្នុងប្រទេសកម្ពុជាដែលស្ទើរតែដួលរលំទៅហើយនោះឲ្យរស់រានឡើងវិញ តាមរយៈការបន្ធូរបន្ថយពន្ធ រួមទាំងការសម្រួលនីតិវិធីនាំចេញ ដែលបានជួយឲ្យអាជីវកម្មរ៉ែថ្មអារមានសន្ទុះរីកចម្រើន និងរុញច្រានធ្វើឲ្យខ្សែសង្វាក់ផលិតកម្មកើនឡើងគុណជា ៤។

បន្ថែមពីនេះ ប្រមុខរដ្ឋាភិបាលបានណែនាំឲ្យមានការសហការគ្នារវាងក្រសួង ស្ថាប័នពាក់ព័ន្ធនានា ជាមួយសមាគមថ្មអារកម្ពុជា ដើម្បីធ្វើឲ្យអាជីវកម្មរ៉ែថ្មអារកាន់តែរីកចម្រើន កុំឲ្យមានការបិទ រឺផ្អាក ដែលនាំឲ្យប៉ះពាល់ដំណើរការអាជីវកម្មវិស័យថ្មអារនៅក្នុងប្រទេសកម្ពុជា។

ថ្មអារ សំដៅដល់ប្រភេទថ្មសំនង់ធម្មជាតិដែលកាត់ចេញពីភ្នំ និង ភាគច្រើនគាស់យកចេញពីក្នុងដី មានសណ្ឋានជាថ្មប្លុក អាចកែចច្នៃអារជ្រៀកជាថ្មបន្ទះ ឬថ្មសន្លឹក ឬថ្មដុំធំៗ ឬថ្មដុំតូចៗ (ការ៉ូឡា) ឬថ្មកែច្នៃជារូបចម្លាក់ គ្រឿងសង្ហារឹមផ្សេងៗជាដើម ដែលប្រើប្រាស់ក្នុងការងារសាងសង់ ឬការតុបតែងលម្អផ្នែកខាងក្នុង ឬខាងក្រៅអគារ សំណង់ សួនច្បារ និងហេដ្ឋារចនាសម្ព័ន្ធនានាដែលជាតម្រូវការ។

វិស័យថ្មអារ បានរួមចំណែកជាកម្លាំងចលករមួយដ៏សំខាន់ ខណៈឆ្នាំ២០២៤ បាននាំចំណូលមិនមែនសារពើពន្ធប្រមាណ ៩០ លានដុល្លារអាមេរិកចូលថវិកាជាតិ៕