ភ្នំពេញ ផ្តាច់​សេវាកម្ម​អ៊ីនធឺណិត​នៅ​កន្លែង​អាជីវកម្ម

រដ្ឋបាលរាជធានីភ្នំពេញ បានសម្រេចផ្អាកដំណើរការអាជីវកម្មសេវាអ៉ិនធើណេត វិស័យព័ត៌មាន នៅភូមិសាស្រ្តរាជធានីភ្នំពេញជាបណ្តោះអាសន្ន ដោយចាប់អនុវត្តពីថ្ងៃនេះ រហូតដល់មានការជូនដំណឹងជាថ្មី ដើម្បីទប់ស្កាត់ ការឆ្លង និងការរីករាលដាលជំងឺកូវីដ-១៩ ក្នុងព្រឹត្តិការណ៍ សហគមន៍២០កុម្ភៈ ខណៈដែលព្រឹត្តិការណ៍នេះ មិនទាន់ បានបិទបញ្ចប់នៅឡើយ និងស្របពេលដែល ថ្មីៗនេះ មានអ្នកវិជ្ជមានជំងឺកូវីដ-១៩ បានឆ្លងចេញពីទីតាំងអាជីវកម្មវិស័យនេះផងដែរ។

ការសម្រេចបែបនេះដោយសារ បច្ចុប្បន្ន ស្ថានភាពនៃការឆ្លង និងការរីករាលដាលជំងឺកូវីដ-១៩ ក្នុងព្រឹត្តិការណ៍ “សហគមន៍២០កុម្ភៈ” មិនទាន់ បានបិទបញ្ចប់នៅឡើយ ហើយថ្មីៗនេះ មានអ្នកវិជ្ជមានជំងឺកូវីដ-១៩ បានឆ្លងចេញពីទីតាំងអាជីវកម្មវិស័យនេះ ផងដែរ។

សេចក្តីជូនដំណឹងបញ្ជាក់ថា “ដើម្បីចៀសវាងការឆ្លងជំងឺកូវីដ -១៩ ក្នុងសហគមន៍ទ្រង់ទ្រាយកាន់តែធំទៅៗ រដ្ឋបាលរាជធានីភ្នំពេញ សម្រេចផ្អាកដំណើរការអាជីវកម្មសេវាអឺនធើណេត វិស័យព័ត៌មាន នៅភូមិសាស្រ្តរាជធានីភ្នំពេញជាបណ្តោះអាសន្ន ចាប់ពីថ្ងៃជូនដំណឹងនេះតទៅ រហូតដល់មានការជូនដំណឹងជាថ្មី”៕

អត្ថបទ៖ស្រីរ័ត្ន​