រាជបណ្ឌិត្យសភាកម្ពុជា ជូនទឹកដោះគោស្រស់ តេជោសែនប្ញស្សីត្រឹប ៣២៣លីត្រ ដល់កុមារកំព្រា និងកុមារមានពិការភាព

នៅថ្ងៃទី៦ ខែមីនា ឆ្នាំ២០២៥ រាជបណ្ឌិត្យសភាកម្ពុជា ជូនទឹកដោះគោស្រស់ តេជោសែន ប្ញស្សីត្រឹប ៣២៣លីត្រ ដល់កុមារកំព្រា និងកុមារមានពិការភាព នៅតាមទីតាំង ៥កន្លែង ផ្សេងៗគ្នា។

ទីតាំងទាំង ៥កន្លែង ដែលរាជបណ្ឌិត្យសភាកម្ពុជា ផ្តល់ជូនកុមារកំព្រា និងកុមារមានពិការភាព មានដូចជា  មណ្ឌលកុមាកំព្រាទាករ និងកុមារជាតិ ផ្តល់ជូនចំនួន ៦២លីត្រ, មណ្ឌលកុមារបណ្ដុះបណ្ដាលក្ដីស្រលាញ់ ចំនួន ៦០លីត្រ, មណ្ឌលកុមារកំព្រាកុលាប៤ ចំនួន ៦៦លីត្រ, សមាគមន៍កុមារផ្ទះចម្រូតកម្ពុជា ចំនួន ៧៥លីត្រ និងអង្គការអភិវឌ្ឍន៍កម្ពុជា ចំនួន ៦០លីត្រ។ ក្នុងឱកាសនេះ រាជបណ្ឌិត្យសភា បញ្ជាក់ថា៖ “សូមឱ្យកូនៗមានស្នាមញញឹមនិងការលូតលាស់ល្អប្រសើរ”។

សូមជម្រាបថា ក្នុងឱកាសអបអរទិវា អន្តរជាតិនារី ៨ មីនា ឆ្នាំ២០២៥ រាជបណ្ឌិត្យសភាកម្ពុជា បានផ្តល់ជូនការ ទិញ១ ថែម១ ទឹកដោះគោស្រស់ តេជោសែន ឫស្សីត្រឹប ចាប់ពីថ្ងៃទី៦ រហូតដល់ថ្ងៃទី១៤ ខែមីនា ឆ្នាំ២០២៥ ផងដែរ។ ទំនាក់ទំនង៖ 098 689 933 / 097 550 1428 / 096 662 3399 ៕