ព័ត៌មានជាតិ

ផ្លូវប្របមាត់ទន្លេភូមិសាស្ត្រស្រុកព្រែកប្រសព្វ ស្ថាបនាក្រាលកៅស៊ូ សម្រេចបានប្រមាណ ៥៥%

បានផុស

១ year មុន

នៅ

ថ្ងៃពុធ ២ មេសា ២០២៥

ដោយ

ផ្លូវខេត្តលេខ ២៧៩ ប្របតាមមាត់ទន្លេមេគង្គ ស្ថិតក្នុងភូមិសាស្ត្រស្រុកព្រែកប្រសព្វ ខេត្តក្រចេះ ដែលមានប្រវែងសរុប ៧៣,៥០ គីឡូម៉ែត្រ បាននឹងកំពុងស្ថាបនាដោយក្រាលកៅស៊ូ DBST សម្រេចបានប្រមាណ ៥៥.៣៦ ភាគរយ។ នេះបើតាមការបញ្ជាក់ឲ្យដឹងពីលោក សាំង ប៊ុនថេន ប្រធានមន្ទីរសាធារណៈការ និងដឹកជញ្ជូនខេត្តក្រចេះឲ្យកម្ពុជាថ្មីដឹងនៅព្រឹកនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កំណាត់ផ្លូវខេត្តលេខ ២៧៩ គឺជាផ្លូវខេត្តតភ្ជាប់ពីស្រុកស្ទឹងត្រង់ ខេត្តកំពង់ចាម ជាមួយស្រុកព្រែកប្រសព្វ និងស្រុកសំបូរ នៃខេត្តក្រចេះ ហើយក៏ជាខ្សែផ្លូវដែលតភ្ជាប់ទៅខេត្តស្ទឹងត្រែងកាត់តាមស្រុកសៀមបូកផងដែរ។

នៅភូមិសាស្រ្តស្រុកព្រែកប្រសព្វ ផ្លូវនេះមួយកំណាត់បានស្ថាបនាជាផ្លូវកៅស៊ូរួចរាល់ និងកំណាត់ខ្លះនៅជាផ្លូវក្រួសក្រហមនៅឡើយ។

កំណាត់ផ្លូវខេត្តលេខ ២៧៩ ក្នុងភូមិសាស្រ្តស្រុកព្រែកប្រសព្វឆ្លងកាត់ឃុំចំនួន ៧ មានឃុំឬស្សីកែវ ឃុំចំបក់ ឃុំតាម៉ៅ ឃុំកំពង់គរ ឃុំព្រែកប្រសព្វ ឃុំសោប និងឃុំជ្រោយបន្ទាយ ដែលមានប្រវែងសរុប ៧៣,៥០ គីឡូម៉ែត្រ កំពុងស្ថាបនាក្រាលកៅស៊ូពីរស្រទាប់ (DBST) មានប្រវែង ៤០,៦៩ គីឡូម៉ែត្រ និងក្រាលល្បាយថ្មជាគ្រួសក្រហមមានប្រវែង ៣២,៨១ គីឡូម៉ែត្រ៕