ព័ត៌មានជាតិ
រដ្ឋមន្ត្រីការពារជាតិស្នើបារាំងពង្រីកវគ្គសិក្សាយោធាដល់កងទ័ពកម្ពុជាកាន់តែច្រើន
កម្ពុជាស្នើភាគីបារាំងពិនិត្យលទ្ធភាពបង្កើនចំនួន និងពង្រីកវគ្គសិក្សាជំនាញយោធាដល់កងកម្លាំងនៃកងយោធពលខេមរភូមិន្ទកាន់តែច្រើនបន្ថែមទៀត ទាំងវគ្គសិក្សានៅក្នុងប្រទេសបារាំង និងការបញ្ជូនគ្រូមកបង្រៀននៅក្នុងប្រទេសកម្ពុជា។ នេះជាការស្នើរបស់លោករដ្ឋមន្ត្រីក្រសួងការពារជាតិកម្ពុជា តាមរយៈឯកអគ្គរដ្ឋទូតបារាំងប្រចាំកម្ពុជា។
លោកនាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានលើកឡើងពីទំនាក់ទំនង និងកិច្ចសហប្រតិបត្តិការរវាងកម្ពុជា និងបារាំង ដែលមានប្រវត្តិជាយូរលង់ណាស់មកហើយ ដោយបានបង្កើតជាប្រវត្តិសាស្ត្រជាបន្តបន្ទាប់រវាងប្រជាជន និងប្រជាជន។ សម្រាប់កិច្ចសហប្រតិបត្តិការលើវិស័យយោធា លោក ថា កម្ពុជា និងបារាំង ក៏មានភាពរីកចម្រើនជាលំដាប់ ដែលការណ៍នេះ ភាគីទាំងពីរ ត្រូវបន្តពង្រឹងពង្រីកបន្ថែមទៀតនូវកិច្ចសហប្រតិបត្តិការដែលមានស្រាប់នេះ។
តាមរយៈជំនួបពិភាក្សាការងារជាមួយលោក ហ្សាក់ ប៉ឺឡេ (JACQUES PELLET) ឯកអគ្គរដ្ឋទូតបារាំងប្រចាំកម្ពុជា កាលពីរសៀលថ្ងៃទី២២ ខែមេសា ឆ្នាំ២០២៥ នាយឧត្តមសេនីយ៍ ទៀ សីហា ក៏បានគូសរំលេចពីសារៈសំខាន់នៃការបណ្ដុះបណ្ដាលវគ្គសិក្សាសង្គ្រាមដែលបារាំងបានផ្ដល់ឱ្យកម្ពុជា ជាពិសេសសិក្ខាកាមជំនាន់ថ្មី រួមទាំងវគ្គជាច្រើនទៀត ដូចជា វគ្គបញ្ជាការសេនាធិការ វគ្គមេបញ្ជាការកងវរសេនាតូច កងអនុសេនាធំ កងវិស្វកម្ម និងកិច្ចសហការជាមួយសាកលវិទ្យាល័យការពារជាតិ និងវិទ្យាស្ថានវិទ្យាសាស្ត្រសុខាភិបាលកងយោធពលខេមរភូមិន្ទ។
នាយឧត្តមសេនីយ៍ រដ្ឋមន្ត្រីការពារជាតិ ក៏បានប្រាប់លោករដ្ឋទូតបារាំងពីការធ្វើទំនើបកម្មលើរចនាសម្ព័ន្ធកងទ័ព ក្រោមអាណត្តិដឹកនាំរបស់សម្ដេចធិបតី ហ៊ុន ម៉ាណែត ជានាយករដ្ឋមន្ត្រី ដែលក្នុងន័យនេះ លោករដ្ឋមន្ត្រី បានស្នើភាគីបារាំងពង្រីកនូវចំនួន និងវគ្គលើការបណ្ដុះបណ្ដាលធនធានមនុស្សកម្ពុជា។ នាយឧត្តមសេនីយ៍ ទៀ សីហា ក៏បានស្នើឱ្យបារាំងបញ្ជូនគ្រូយោធាចារ្យមកចូលរួមបណ្ដុះបណ្ដាល នៅសាកលវិទ្យាល័យការពារជាតិ វិទ្យាស្ថានសុខាភិបាល និងសាលានាយទាហានសកម្មត្មាតពងផងដែរ។
ជាការឆ្លើយតប ឯកអគ្គរដ្ឋទូតបារាំង បានបញ្ជាក់ថា កន្លងមក បារាំង តែងបានផ្ដល់ការគាំទ្រទៅដល់មជ្ឈមណ្ឌលគ្រប់គ្រងកងថែរក្សាសន្តិភាព សាលានាយទាហានសកម្មត្មាតពង និងផ្ដល់ការគាំទ្រការបណ្ដុះបណ្ដាលនៅតាមស្ថាប័ន។
បើតាមលោកឯកអគ្គរដ្ឋទូតបារាំង មាននាយទាហានកម្ពុជាប្រមាណ៤០០នាក់ហើយ បានទទួលការបណ្ដុះបណ្ដាលនៅប្រទេសបារាំង ក្នុងរយៈពេល៣០ឆ្នាំមកនេះ៕
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៧ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១៣ ម៉ោង agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ២ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៧ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ