ព័ត៌មានជាតិ

វ៉ាក់សាំងស៊ីណូវ៉ាក់ចំនួន១លាន៥សែនដូសរបស់ចិនបានមកដល់កម្ពុជាហើយ

បានផុស

៣ years មុន

នៅ

ថ្ងៃសុក្រ ២៦ មីនា ២០២១

ដោយ

វ៉ាក់សាំងប្រភេទស៊ីណូវ៉ាក់( Sinovac) របស់សាធារណរដ្ឋប្រជាមានិតចិនចំនួន១,៥លានដូស ដែលកម្ពុជាបានបញ្ជាទិញពីប្រទេសចិននឹងមកដល់អាកាសយានដ្ឋានអន្តរជាតិភ្នំពេញតាមជើងហោះហើររបស់ក្រុមហ៊ុនអាកាសចរណ៍ China Southernនៅនៅព្រឹកថ្ងៃទី២៦ ខែមីនាឆ្នាំ២០២១នេះ ។

ពិធីទទួលវ៉ាក់សាំងនេះ ធ្វើឡើងក្រោមវត្តមានរបស់លោក វង្ស៉ី វិស្សុត រដ្ឋមន្ត្រីប្រតិភូអមនាយករដ្ឋមន្ត្រី និងជារដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ ជាតំណាងរាជរដ្ឋាភិបាលកម្ពុជានិងលោក លោក វ៉ាង វិនធាន ឯកអគ្គរដ្ឋទូតចិនប្រចាំកម្ពុជា។

ក្រៅពីនេះវ៉ាក់សាំង ស៊ីណូហ្វាមដែលជាជំនួយរបស់ចិននៅសល់៤០ម៉ឺនដូសទៀតក្នុងចំណោម១លានដូសនឹងមកដល់កម្ពុជានាពេលឆាប់ៗនេះផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គួរបញ្ជាក់ថាបច្ចុប្បន្នេះកម្ពុជាបាននឹងកំពុងចាក់វ៉ាក់សាំងស៊ីណូហ្វាមរបស់ចិនជាលើកទី២ដល់បុគ្គលិកសុខាភិបាលក្រុមគ្រូពេទ្យជួរមុខ មន្ត្រីនគរបាលជាតិ អ្នកបហ្រមូលសសម្រាម បុគ្គលិកស៊ីម៉ាក់និងនាយទាហានពលទាហានបានរាប់ម៉ឺននាក់។ក្រៅពីនេះកម្ពុជាក៏កំពុងបើកយុទ្ធនាការចាក់វ៉ាក់សាំង AstraZeneca ដែលផលិតនៅប្រទេសឥណ្ឌាជាជំនួយរបស់គម្រោងកូវ៉ាក់របស់អង្គការសុខភាពពិភពលោកសម្រាប់ជួយដល់ប្រទេសកំពុងអភិវឌ្ឍន៍ដល់ប្រជាពលរដ្ឋដែលមានអាយុចាប់ពី៦០ឆ្នាំឡើងទៅនៅរាជធានីភ្នំពេញ។

បើតាមសម្តេចតេជោនាយករដ្ឋមន្ត្រីហ៊ុនសែនធ្លាប់បានលើកឡើងថាវ៉ាក់សាំងប្រភេទស៊ីណូវ៉ាក់របស់ចិននេះគឺចាក់មិនបានគិតពីអាយុនោះទេ ពីព្រោះនៅប្រទេសឥណ្ឌូនេស៊ីដែលជាប្រទេសលំដាប់ទី៤ ដែលមានប្រជាជនច្រើនជាងគេ បានដំណើរការចាក់ប៉ាក់សាំងនេះរួមទាំងប្រធានាធិបតី ឥណ្ឌូណេស៊ីផងដែរ៕

អត្ថបទ ៖ សំអឿន