ព័ត៌មានជាតិ

សម្តេចធិបតី៖ បាក់អគារនៅថៃ មកដល់ពេលនេះ មានពលរដ្ឋខ្មែរ ២ នាក់បានស្លាប់ និង ២ នាក់ទៀតបន្តបាត់ខ្លួន

បានផុស

១ ខែ មុន

នៅ

ថ្ងៃអាទិត្យ ២៧ មេសា ២០២៥

ដោយ

សម្តេចនាយករដ្ឋមន្ត្រីបានថ្លែងថា តាមរបាយការណ៍ពីការបាក់អគារនៅប្រទេសថៃដោយសារគ្រោះរញ្ជួយដី រហូតពេលនេះមានពលរដ្ឋខ្មែរទទួលគ្រោះថ្នាក់បាត់បង់ជីវិតចំនួន ២ នាក់ និង ២ នាក់ទៀតបន្តបាត់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងនៅក្នុងពិធីសំណេះសំណាលជាមួយថ្នាក់ដឹកនាំអង្គការវិជ្ជាជីវៈ ក្នុងឱកាសខួបអនុស្សាវរីយ៍លើកទី១៣៩ ទិវាពលកម្មអន្តរជាតិ ១ ឧសភា” នៅព្រឹកនេះ សម្តេចធិបតី ហ៊ុន ម៉ាណែត បានគូសបញ្ជាក់ថា មានពលរដ្ឋខ្មែរជាច្រើនកំពុងធ្វើការនៅប្រទេសថៃ។

ពាក់ព័ន្ធការបញ្ជូនពលរដ្ឋទៅធ្វើការនៅក្រៅប្រទេស នាយករដ្ឋមន្ត្រីកម្ពុជាបានគូសបញ្ជាក់ថា មិនមែនបានន័យថាបញ្ជូនទៅធ្វើជាអ្នកបម្រើគេនោះទេ ប៉ុន្តែជាការផ្តល់ជម្រើសសម្រាប់បង្កើតការងារដល់ពលរដ្ឋ។

ប្រទេសក្នុងអាស៊ាន មិនមានប្រទេសណាមិនមានពលរដ្ឋទៅធ្វើការនៅក្រៅប្រទេសនោះទេ។ សម្តេចបានលើកឡើងថា មានពលរដ្ឋថៃរាប់ម៉ឺននាក់ កំពុងធ្វើការនៅអ៊ីស្រាអែល។ ខណៈនៅប្រទេសកូរ៉េក៏មានពលរដ្ឋនៅអាស៊ានកំពុងបម្រើការងារច្រើនផងដែរក្នុងនោះមានថៃ និងវៀតណាម ដែលបើតាមសម្តេចដឹងមានចំនួនច្រើនជាងពលករពីខ្មែរទៅទៀត។

សម្តេចបានបញ្ជាក់ថា រដ្ឋាភិបាលបានជំរុញបង្កើតការងារក្នុងស្រុក តាមរយៈការទាក់ទាញការវិនិយោគមកសាងសង់រោងចក្រមិនថាមកពីប្រទេសចិន កូរ៉េ សិង្ហបុរី និងអាមេរិក។

ប្រមុខរដ្ឋាភិបាលបានអះអាងថា ឥលូវក៏មានសហគ្រាសក្នុងស្រុកអាចម្ចាស់ការ បង្កើតការងារបានច្រើនតាមរយៈវិស័យកសិឧស្សាហកម្ម ផលិតកម្មដូចជាផលិតដែក ស៊ីម៉ង់ និងផ្សេងទៀត ខណៈរដ្ឋាភិបាលក៏បន្តលើកទឹកចិត្តសម្រាប់ការវិនិយោគក្នុងស្រុក។

សម្តេចបានបន្តថា បច្ចុប្បន្នមានជនជាតិដទៃទៀត ក៏បានកំពុងបម្រើការងារក្នុងប្រទេសកម្ពុជា ដែលនេះមិនចម្លែកទេដែលមានលំហូរការងារដែលត្រូវបំពេញគ្នាទៅវិញទៅមក៕

Related Topics:សម្ដេចធិបតី ហ៊ុន ម៉ាណែត