ព័ត៌មានជាតិ

នាយករដ្ឋមន្ត្រីថាទឹកដីកម្ពុជាមិនបាត់បង់នោះទេ ហើយទិន្និន័យដែលបញ្ចេញគឺសុទ្ធតែច្បាស់លាស់

បានផុស

១ year មុន

នៅ

ថ្ងៃអាទិត្យ ៤ ឧសភា ២០២៥

ដោយ

នាយករដ្ឋមន្ត្រី សម្ដេចធិបតី ហ៊ុន ម៉ាណែត បានប្រកាសពីការប្ដេជ្ញាទទួលខុសត្រូវលើបូរណភាពទឹកដី និងបានបញ្ជាក់ថារាល់ទិន្នន័យដែលរដ្ឋាភិបាលបញ្ចេញទាំងអស់គឺសុទ្ធតែមានភាពច្បាស់លាស់។ សម្ដេចធានាថាកម្ពុជាមិនមានបាត់ទឹកដីនោះទេ ហើយថាទិន្នន័យផ្ទៃដីកម្ពុជាដែលបានវាស់វែងតាមបច្ចេកវិទ្យាថ្មីគឺកើនដល់ជាង៤០០គីឡូម៉ែត្រក្រឡាទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងពិធីអបអរសាទរទិវាសេរីភាពសារព័ត៌មាន និងជំនួបជាមួយអ្នកសារព័ត៌មានកាលពីយប់ថ្ងៃទី៣ ខែឧសភា ឆ្នាំ២០២៥ សម្ដេចធិបតី ហ៊ុន ម៉ាណែត បានលើកឡើងពីសំអាងហេតុដែលសម្ដេចថ្លែងថាកម្ពុជាមានផ្ទៃដីសរុប ១៨១ ៤៣៦គីឡូម៉ែត្រក្រឡា កាលពីប៉ុន្មានថ្ងៃមុនថាគឺបានវាស់វែងដោយប្រើប្រាស់បច្ចេកវិទ្យាទំនើប ដែលគួរឱ្យទុកចិត្តជាងការវាស់វែងកាលពីសម័យអាណានិគមបារាំង។ សម្ដេចបញ្ជាក់ថាបញ្ហាទឹកដីគឺជាការទទួលខុសត្រូវរបស់រដ្ឋាភិបាលធានាចំពោះមុខប្រជាពលរដ្ឋ។

សម្ដេចថា៖ «ដែលផ្ទៃក្រឡាដែលខ្ញុំនិយាយថ្ងៃមុន ១៨១ ៤៣៦គីឡូម៉ែត្រការ៉េនេះគឺជាផែនទី ទោះជាមិនទាន់ផ្លូវការក៏ដោយក៏យើងបានគិតគូរប្រើបច្ចេកទេសនេះហើយដែលយើងធ្វើបានខ្ពស់ជាងមុន។ អ៉ីចឹងបើខ្លាចបាត់។ អត់បាត់ទេ មានតែកើន ហើយកើននេះមិនមែនយើងនិយាយដោយគ្មានទល្ហីករណ៍ទេនិយាយដោយភាពច្បាស់លាស់របស់យើងនេះគឺរដ្ឋាភិបាល»។

សម្ដេចបញ្ជាក់ថាផ្ទៃដីទំហំប៉ុននេះនៅមិនទាន់រាប់ដល់ដែនទឹកដែលកំពុងចរចាជាមួយថៃ និងដែនកោះទាំង៧១របស់កម្ពុជានៅឡើយទេ។

បច្ចុប្បន្នកម្ពុជាបានបោះបង្គោលព្រំដែនជាមួយប្រទេសវៀតណាមបាន៨៦%ហើយនៅសល់១៤%ទៀត ខណៈឡាវដល់ប្រមាណ១៤%ដូចគ្នា។ ដោយឡែកព្រំដែកម្ពុជា-ថៃនៅសល់តែព្រំដែនទឹកដែលនៅប្រទាញប្រទង់ហើយរដ្ឋាភិបាលទាំងពីរកំពុងចរចាររកដំណោះស្រាយ៕