ព័ត៌មានជាតិ

គិតត្រឹមល្ងាចថ្ងៃទី០៤ ខែសីហា នេះរដ្ឋបាលរាជធានី ទទួលថវិកាពីសប្បុរសជនជាង១២០០លានរៀល និង ជាង៣៧ម៉ឺនដុល្លារអាមេរិក

បានផុស

១១ ខែ មុន

នៅ

ថ្ងៃចន្ទ ៤ សីហា ២០២៥

ដោយ

នាថ្ងៃទី០៤ ខែសីហា ឆ្នាំ២០២៥ គិត ត្រឹម ម៉ោង ១៧និង៣០នាទីនេះ រដ្ឋបាល រាជធានី ភ្នំពេញ បានទទួលថវិកាពីសប្បុរសជននៅរាជធានីភ្នំពេញ ចំនួនជាង១២០០លានរៀល និង ជាង៣៧ម៉ឺនដុល្លារអាមេរិក ព្រមទាំងសម្ភារគ្រឿង ឧបភោគ បរិភោគ ថ្នាំ ពេទ្យ សម្ភារ ផ្សេងៗ ជាច្រេីនមុខទៀត ដើម្បីយកទៅជួយឧបត្ថម្ភដល់វីរកងទ័ពយើងនៅជួរមុខ និងជនភៀសសឹកដែលនេះបង្ហាញទឹកចិត្តដ៏មុតស្រួច និងប្តូរផ្តាច់ជាមួយកងទព័ជួរមុខរបស់យើង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី ដោ សម្ផស្ស នាយិការងរដ្ឋបាលរាជធានីភ្នំពេញ និងជាអ្នកនាំពាក្យរដ្ឋបាលរាជធានីភ្នំពេញបាន ឱ្យដឹងថា ‎នាថ្ងៃទី០៤ ខែសីហា ឆ្នាំ២០២៥ រដ្ឋបាល រាជធានី ភ្នំពេញ បាននិងកំពុងបន្តទទួល នូវការបរិច្ចាគបដោយ គិត ត្រឹម ម៉ោង ១៧:៣០នាទី យើងទទួលបានថវិកាសរុប ១.២៣៩.៨០១.១៨៩ រៀល និង៣៧៥.៦៣២,០០ ដុល្លារ អាមេរិក ព្រមទាំងសម្ភារគ្រឿង ឧបភោគ បរិភោគ ថ្នាំ ពេទ្យ សម្ភារ ផ្សេងៗ ជាច្រេីនមុខ ទៀត។

នាថ្ងៃទី០៤ ខែសីហា ឆ្នាំ២០២៥នេះ អភិបាលរងរាជធានីភ្នំពេញ ជាច្រើនរូបព្រមទាំង លោកនាយក លោកនាយករង លោកស្រីនាយិការង រដ្ឋបាលរាជធានីភ្នំពេញនៅបន្តរង់ចាំទទួលអំណោយពីសប្បុរសជននៅសាលារាជធានីភ្នំពេញ។

ចំពោះអំណោយដែលសប្បុរសជនផ្តល់ជូនសាលារាជធានីភ្នំពេញ នឹងត្រូវបានបែងចែក និងបន្តដឹកជញ្ជូនទៅជូនកងទ័ពជួរមុខ និងទៅឱ្យបងប្អូនប្រជាពលរដ្ឋ ជាជនភៀសខ្លួនភ្លាមៗ តាមដែលអាចធ្វើបាន៕

ដោយ ៖ ស្រីរ័ត្ន