Connect with us

ព័ត៌មានជាតិ

ចាប់​ពី​រាត្រី ថ្ងៃ៦មេសាមក អ្នកដំណើរ​ពីខេត្តកំពង់ធំ​ចូលមក​ខេត្តសៀមរាប មិនមាន​ច្រើន​នោះ​ទេ

បានផុស

នៅ

សៀម​រា​ប ៖ ចាប់ពី​រាត្រី​ថ្ងៃទី​០៦ ​ខែមេសា​ ឆ្នាំ​២០២១ អាជ្ញាធរ​ខេត្តសៀមរាប​បាន​អនុវត្តន៍ តាម​ការសម្រេច​របស់​រាជរដ្ឋាភិបាល​ក្នុង​ការ​ហាមឃាត់​ការធ្វើដំណើរ និង​ការ​បិទ​រមណីយដ្ឋាន​ទេសចរណ៍​នៅ​ទូទាំង​ប្រទេស ជា​បណ្តោះអាសន្ន​ ដើម្បី​ទប់ស្កាត់​ការឆ្លង​រាលដាល​នៃ​ជំងឺ​កូវ​ដ​-១៩​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ពៅ ប៊ុនធឿន ប្រធាន​គណៈ​បញ្ជាការ​ឯកភាព​រដ្ឋបាល​ស្រុក​ជីក្រែង ខេត្តសៀមរាប បាន​ឲ្យ​ដឹង​នៅ​ថ្ងៃទី​០៧ ខែ មេសា ឆ្នាំ​២០២១​នេះ​ថា បន្ទាប់ពី​អាជ្ញាធរ​បាន​ចាប់ផ្តើម​អនុវត្ត​ការ​បិទ​ការ​ធ្វើដំណើរ​ឆ្លងកាត់​ពី​ខេត្ត​មួយ​ទៅ​ខេត្ត​មួយ​នៅ​ព្រំប្រទល់​ខេត្តសៀមរាប និង​កំពង់ធំ​ចាប់ពី​ម៉ោង​សូន្យ​មក ឃើញ​ស្ថានភាព​អ្នកដំណើរ​ចូលមក​កាន់​ខេត្តសៀមរាប ទិសដៅ​មកពី​ខេត្តកំពង់ធំ គឺ​មិនមាន​ប្រជាពលរដ្ឋ​សម្រុក​មក​ច្រើន​នោះទេ។

ជាក់ស្តែង​គឺ​មានតែ​រថយន្ត​ដឹកទំនិញ និង​រថយន្ត​ផ្សេងៗ​ទៀត ដែល​ត្រូវបាន​រាជរដ្ឋាភិបាល​អនុញ្ញាត​តែប៉ុណ្ណោះ។ រាល់​ការ​ធ្វើ​ចរាចរណ៍​របស់​រថយន្ត​ដឹកទំនិញ ចំពោះ​អ្នកបើកបរ​រថយន្ត​នីមួយៗ ក៏​ត្រូវបាន​ត្រួតពិនិត្យ​សុខភាព​បឋម និង​មានការ​កត់ត្រា​ទុក​ផង​ដែរ។

លោក​បន្ត​ថា ការដែល​ប្រជាពលរដ្ឋ​មិន​សម្រុក​មក​ច្រើន​នេះ ប្រហែលជា​បងប្អូន​ប្រជាពលរដ្ឋ​បាន​យល់​ច្បាប់​ពី​គោលបំណង​ដែល​រាជរដ្ឋាភិបាល​កម្ពុជា បានសម្រេច​បិទ​បែបនេះ ហើយ​ការ​មកលេង​ខេត្តសៀមរាប ក៏​មិនដឹង​លេង​នៅទី​ណា​ដែរ ព្រោះថា​ គ្រប់​រមណីយដ្ឋាន​ទេសចរណ៍​ក៏​ត្រូវ​បាន​បិទ​អស់ហើយ​ផង​ដែរ។ ម្យ៉ាងទៀត​ដោយ​ប្រជាពលរដ្ឋ ដោយមាន​ការ​យល់ដឹង ចំពោះ​ស្ថានភាព​ក្នុង​ពេល​បច្ចុប្បន្ន​នេះ ដោយ​មិន​បាន​ធ្វើ​ចាកចេញ​ពី​លំនៅឋាន​របស់ខ្លួន ដែល​គ្មាន​ការចាំបាច់​នោះ ក្នុង​ការ​ចូលរួម​បង្ការ​ទប់ស្កាត់​កុំ​ឲ្យ​មាន​ការឆ្លង​រាលដាល​នូវ​ជំងឺ​កូ​វីដ​១៩​ជា​សហគមន៍ ព្រមទាំង​ព្រួយបារម្ភ នៅពេល​សមត្ថកិច្ច​ឃាត់ខ្លួន​ក្នុង​ពេល​ធ្វើដំណើរ និង​ឲ្យ​ពួកគាត់​ធ្វើ​ច​ត្តា​ឡី​ស័ក​១៤​ថ្ងៃ សំខាន់​ក្នុងពេល​ឱកាស​បុណ្យចូលឆ្នាំថ្មី​ប្រពៃណី​ខ្មែរ​យើង​ខាងមុខ។

សូម​បញ្ជាក់​ថា នៅ​រាត្រី​ថ្ងៃទី​០៦​ខែមេសា ឆ្នាំ​២០២១ រាជរដ្ឋាភិបាល​បានសម្រេច​ការ​ហាមឃាត់​ការធ្វើដំណើរ និង​ការបិទ​រមណីយដ្ឋាន​ទេសចរណ៍​នៅ​ទូទាំងប្រទេស ជា​បណ្តោះអាសន្ន ដើម្បី​ទប់ស្កាត់​ការឆ្លង​រាលដាល​នៃ​ជម្ងឺ​កូវ​ដ​-១៩ ។ ការ​ហាមឃាត់​ក្នុងការ​ធ្វើដំណើរ​ឆ្លងកាត់​ចេញ​-​ចូល ពី​ខេត្ត​មួយ​ទៅ​ខេត្ត​មួយ​ជា​បណ្តោះអាសន្ន សម្រាប់​រយៈពេល ១៤​ថ្ងៃ ដោយ​គិត​ចាប់ពី​ម៉ោង​សូន្យ​នៃ​ថ្ងៃទី​៧ ខែមេសា ឆ្នាំ​២០១១ រហូតដល់​ថ្ងៃទី​២០ ខែមេសា ឆ្នាំ​២០២១ ក្នុង​គោលបំណង​ប្រយុទ្ធប្រឆាំង​បង្ការ​ទប់ស្កាត់​ការឆ្លង​រាលដាល​នៃ​ជំងឺ​កូ​វីដ​-១៩ ពី​ភូមិសាស្ត្រ​នៃ​ខេត្ត​មួយ ទៅ​ភូមិសាស្ត្រ​នៃ​ខេត្ត​មួយទៀត ។ ករណី​សំខាន់​ចំពោះ ភូមិសាស្ត្រ​រាជធានី​ភ្នំពេញ និង ខេត្តកណ្តាល ត្រូវ​បាន​ចាត់ទុកជា​តំបន់​តែមួយ​ដែល​មិន​ស្ថិត​នៅ​ក្រោម​វិសាលភាព​នៃ​ការហាមឃាត់​ការធ្វើដំណើរ​ឆ្លងកាត់ ចេញ​-​ចូល ទៅវិញទៅមក​នេះ​ទេ៕

ដោយ ៖ គឿន​វេត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៣ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ៣ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៣ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

សេដ្ឋកិច្ច៤ ថ្ងៃ មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

Sokha Hotels

ព័ត៌មានពេញនិយម