យន្តហោះឯកជនរបស់លោក ថាក់ស៊ីន ស៊ីណាវ៉ាត្រ ឆ្ពោះទៅឌូបៃ

សេចក្តីរាយការណ៍របស់សារព័ត៌មានថៃ ខាវស៊ុត បានឲ្យដឹងថា យន្តហោះឯកជន ដែលត្រូវបានដាក់សញ្ញាសម្គាល់ក្រហម របស់អតីតនាយករដ្ឋមន្ត្រី ថាក់ស៊ីន ស៊ីណាវ៉ាត្រ ត្រូវបានបង្វែរទិស បន្ទាប់ពីការហោះហើរចាកចេញពីដែនអាកាសថៃ នៅភាគខាងត្បូងឆ្ងាយពីដែនអាកាសប្រទេសថៃ ហើយបានប្តូរទិសទៅខាងជើងកាត់តាមដែនអាកាសម៉ាឡេស៊ី ហើយឥឡូវនេះកំពុងធ្វើដំណើរឆ្ពោះទៅកាន់ប្រទេសឥណ្ឌា និងអាចទៅឌូបៃ ជាកន្លែងដែលលោកមាននិវេសនដ្ឋាននៅទីនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមជើងហោះហើរនេះ លោកថាក់ស៊ីន នឹងមិនទៅកាន់ប្រទេសសិង្ហបុរីដូចដែលប៉ូលិសអន្តោប្រវេសន៍ថៃបានប្រាប់ដល់សារព័ត៌មានទេ ហើយឥឡូវនេះវាមិនច្បាស់ទេថាតើ លោក ថាក់ស៊ីនពិតជានឹងត្រឡប់ទៅប្រទេសថៃវិញ នៅថ្ងៃទី ៩ខែកញ្ញាដើម្បីប្រឈមមុខនឹងសាលក្រមរបស់តុលាការលើការឃុំខ្លួននៅមន្ទីរពេទ្យឬយ៉ាងណា។ 

ប៉ូលិស​អន្តោប្រវេសន៍​ចេញ​សេចក្តីថ្លែងការណ៍​ទាក់ទង​នឹង​ការ​ចាកចេញ​របស់​លោក ថាក់ស៊ីន ស៊ីណាវ៉ាត្រ ពី​ព្រះរាជាណាចក្រ​ថៃ ថា លោកមិនមានជាប់បម្រាមត្រូវហាមឃាត់ការធ្វើដំណើរ ទៅក្រៅប្រទេសទៀតឡើយ បន្ទាប់ពីរួចទោស ពីបទប្រមាថព្រចេស្តាមហាក្សត្រថៃកាលថ្ងៃ២២សីហាមកនោះ។

ការត្រួតពិនិត្យហ្មត់ចត់បានបង្ហាញថា លោកថាក់ស៊ីន មិនមានដីកា ឬដីកាផ្សេងទៀតរបស់តុលាការដែលហាមឃាត់គាត់មិនឱ្យធ្វើដំណើរទៅក្រៅប្រទេសនោះទេ។ ដូច្នេះហើយ មន្ត្រីអន្តោប្រវេសន៍បានផ្តល់ការអនុញ្ញាតឱ្យគាត់ចាកចេញពីព្រះរាជាណាចក្រថៃស្របតាមច្បាប់អន្តោប្រវេសន៍។ យន្តហោះបានចាកចេញពីអាកាសយានដ្ឋានដនមឿងនៅម៉ោង ៧និង១៧នាទីយប់។ ដំណើរការទាំងមូលត្រូវបានអនុវត្តដោយអនុលោមតាមច្បាប់ និងបទប្បញ្ញត្តិពាក់ព័ន្ធទាំងអស់៕