នយោបាយ
ប្រមុខដឹកនាំកម្ពុជា ប្រកាសគោលជំហរ៣ចំណុចចំពោះបញ្ហានៅសមុទ្រចិនខាងត្បូង
«កម្ពុជា មានគោលជំហរ៣ចំណុចចំពោះបញ្ហាសមុទ្រចិនខាងត្បូង» នេះ គឺជាការប្រកាសឡើងជាសាធារណៈរបស់សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជានៅចំពោះមុខបណ្តាទួតបរទេសនានានៅក្នុងពិធីសម្ពោធដាក់ឱ្យប្រើប្រាស់ជាផ្លូវការសណ្ឋាគារ “ហៃយ៉ាត់ រីជិនស៊ី ភ្នំពេញ” នៅព្រឹកថ្ងៃពុធ ទី១៥ ខែធ្នូ ឆ្នាំ២០២១នេះ។ ប៉ុន្តែ ត្រង់ថា ការដោះស្រាយបញ្ហាជម្លោះចេញ ឬមិនចេញ កុំមកបន្ទោសកម្ពុជា។
បើតាមសម្តេចតេជោ ហ៊ុន សែន គោលជំហរទាំង៣ចំណុចរបស់កម្ពុជា គឺ ទី១. អនុវត្តឲ្យបានខ្ជាប់ខ្ជួនសេចក្តីថ្លែងការណ៍ស្តីពីក្រមប្រតិបត្តិសមុទ្រចិនខាងត្បូង (DOC) ទី២. ប្រទេសដែលជាប់ពាក់ព័ន្ធត្រូវធ្វើការសម្របសម្រួលគ្នា ទី៣. ខិតខំសម្រេច COC ឱ្យបាន។ សម្ដេចថា គោលជំហរប្រទេសដទៃទៀតមិនខុសពីគោលជំហររបស់កម្ពុជានោះទេ។
សម្ដេចតេជោ ហ៊ុន សែន អះអាងថា ការលើកឡើងនេះ គឺគ្រាន់តែជាការជូនសារមួយមុន១៥ថ្ងៃ នៃការចូលកាន់ប្រធានអាស៊ានពេញលេញនៅឆ្នាំ២០២២ខាងមុខ ហើយសម្ដេចសង្ឃឹមថា បណ្ដាបេសកម្មការទូត ដែលវត្តមាននៅកម្ពុជា នឹងយកគោលជំហររបស់សម្ដេចទៅដាក់ជូនមេដឹកនាំរបស់ខ្លួន។ ជាមួយគ្នានេះ សម្តេចតេជោ សែន បានអះអាងថា ៖ «ខ្ញុំនឹងខិតខំជាមួយសមាជិកអាស៊ានដទៃទៀត ដើម្បីចរចាជាមួយចិន»។
សម្តេចប្រមុខរាជរដ្ឋាភិបាល ក៏បានបញ្ជាក់ដែរថា ក្នុងពេលប្រជុំអាស៊ាន-ចិន នាយករដ្ឋមន្ត្រីចិន បានសន្យារួចហើយថា នឹងខិតខំជំរុញការចរចានេះ ។ ចំណែក ប្រធានាធិបតីចិន លោក ស៊ី ជិនពីង វិញ ក៏បានអះអាងអំពីការខិតខំប្រឹងប្រែង ដើម្បីឲ្យសម្រេចបាននូវក្រមប្រតិបត្តិសមុទ្រចិនខាងត្បូង (COC) នេះផងដែរ ។ ដូច្នេះហើយ ប្រទេសអាស៊ាន ត្រូវតែខិតខំរួមគ្នាជាមួយចិន ដើម្បីពន្លឿនការចរចារ៕
អត្ថបទ ៖ កោះកែវ
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល