នយោបាយ
បញ្ហាមីយ៉ាន់ម៉ា៖ សម្តេច ហ៊ុន សែន ប្រាប់បរទេសខ្លះថា បើមិនចេះទេ ទុកពេលឱ្យកម្ពុជាធ្វើការ
នៅព្រឹកថ្ងៃព្រហស្បតិ៍នេះ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានប្រកាសប្តេជ្ញាទៅធ្វើទស្សនកិច្ចនៅក្នុងប្រទេសមីយ៉ាន់ម៉ាតាមការគ្រោងទុកដដែល បើទោះបីមានរិះគន់គ្រប់បែបយ៉ាងពីមជ្ឈដ្ឋានមួយចំនួនក៏ដោយ។ បើតាមសម្តេចតេជោ ការទៅកាន់មីយ៉ាន់ម៉ានេះ គឺដើម្បីស្វែងរកដំណោះស្រាយនាំអាស៊ានឱ្យគ្រប់ទឹក គ្រប់លក្ខណៈ ដែលមានសមាជិក១០ប្រទេសឡើងវិញ។ ជាមួយគ្នានេះ សម្តេចតេជោ ក៏គូសបញ្ជាក់ប្រាប់បរទេសខ្លះថា បើមិនចេះទេ សូមទុកពេលឱ្យសម្តេចធ្វើការងារលើបញ្ហាប្រទេសមីយ៉ាន់ម៉ានេះ។
នៅក្នុងពិធីសម្ពោធដាក់ឱ្យប្រើប្រាស់អគាររដ្ឋបាលថ្មីនៃអគ្គនាយកដ្ឋានគយ និងរដ្ឋាករកម្ពុជា នៅព្រឹកថ្ងៃទី២៣ ខែធ្នូ ឆ្នាំ២០២១នេះ សម្តេចនាយករដ្ឋមន្រ្តី បានផ្ញើសារទៅក្រុមអ្នកប្រឆាំង ក៏ដូចជា ក្រុមអ្នកវិភាគអន្តរជាតិធំៗថា អ្វីដែលកម្ពុជាគ្រោងនឹងធ្វើនៅក្នុងឆ្នាំ២០២២ គឺដើម្បីតែអាស៊ាន។ អាស៊ាន ដែលកំពុងបាត់សមា ជិកមីយ៉ាន់ម៉ា ពោល គឺកំពុងតែមានសមាជិកតែ៩ ដែលមិនស្របទៅនឹងធម្មនុញ្ញរបស់អាស៊ាន។ ក្រុមប្រឆាំងដែលសម្តេចតេជោផ្ញើសារទៅឱ្យនេះ គឺលោកកាស៊ីត ភិរម្យ អតីតរដ្ឋមន្រ្តីការបរទេសថៃ និងអ្នកតំណាងរាស្រ្តម្នាក់ទៀតរបស់ម៉ាឡេស៊ី។
ក្រុមប្រឆាំងទាំងនេះ បានរិះគន់គម្រោងទៅប្រទេសមីយ៉ានម៉ារបស់ប្រមុខរដ្ឋាភិបាលកម្ពុជាថា កំពុងតែបំផ្លាញការខិតខំប្រឹងប្រែងដែលជិតដល់គោលដៅរបស់ពួកគេចំពោះបញ្ហានៅប្រទេសមីយ៉ាន់ម៉ា និងថា គម្រោងដំណើរទស្សនកិច្ចរបស់សម្តេចតេជោ ហ៊ុន សែន នេះ ហាក់ដូចជាទៅទទួលស្គាល់រដ្ឋាភិបាលមីយ៉ាន់ម៉ា ដែលកើតចេញពីរដ្ឋប្រហារយោធា។ ជារួម គឺពួកគេទាំងនេះ បានប្រឆាំងទៅនឹងការទៅធ្វើទស្សនកិច្ចរបស់សម្តេចតេជោ ហ៊ុន សែន នៅក្នុងប្រទេសមីយ៉ាន់ម៉ានាពេលខាងមុខនេះតែម្តង។
ជាការឆ្លើយតបវិញ ប្រមុខដឹកនាំកម្ពុជា បានអះអាងថា បញ្ហាភូមា គឺមានភាពស្មុគស្មាញ ហើយត្រូវការពេលវេលាក្នុងការចរចា ហើយបើមិនឱ្យសម្តេចទៅជួបចរចាជាមួយមេដឹកនាំមីយ៉ាន់ម៉ាទេ តើឱ្យទៅជួបចរចាជាមួយអ្នកណាវិញ?។ សម្តេចតេជោ បានអះអាងទៀតថា កុំអាលបន្ទោសកម្ពុជា ហើយផ្ទុយទៅវិញ សូមទុកពេលឱ្យកម្ពុជាធ្វើការងាររបស់ខ្លួនសិនចំពោះបញ្ហាមីយ៉ាន់ម៉ានេះ។
ចំណែក ពាក់ព័ន្ធទៅនឹងការចោទប្រកាន់ថា វត្តមានរបស់សម្តេចនៅមីយ៉ាន់ម៉ា ប្រៀបដូចជា ទទួលស្គាល់រដ្ឋាភិបាលប្រទេសនេះវិញ សម្តេចនាយករដ្ឋមន្រ្តី បានប្រតិកម្មថា តើប្រទេសណាខ្លះហើយបានផ្តាច់ទូតពីប្រទេសមីយ៉ាន់ម៉ា? ពោល គឺអត់ទាល់តែសោះ។ នេះបើតាមសម្តេចតេជោ ហ៊ុន សែន។ សម្រាប់សម្តេចតេជោ ហ៊ុន សែន បើខ្លួនមិនទាន់ផ្តាច់ទូតពីប្រទេសមីយ៉ាន់ម៉ាទេ សូមកុំមកចង្អុលកម្ពុជាថា ទៅទទួលស្គាល់រដ្ឋាភិបាលប្រទេសមីយ៉ាន់ម៉ា ដោយគ្រាន់តែសម្តេចទៅប្រទេសនេះ។
តាមគម្រោង សម្តេច ប្រមុខរដ្ឋាភិបាលកម្ពុជា នឹងធ្វើដំណើរទៅបំពេញទស្សនកិច្ចនៅក្នុងប្រទេសមីយ៉ាន់ម៉ាចំនួន២ ថ្ងៃ គឺនៅថ្ងៃទី០៧ និងថ្ងៃទី០៨ ខែមករា ឆ្នាំ២០២២ខាងមុខ។ សម្តេចតេជោ បានគូសបញ្ជាក់ថា ការទៅប្រទេសមីយ៉ាន់ម៉ានេះ គឺសម្តេចអត់មានខុសអីទេ ហើយម្យ៉ាង វា គឺជាទម្លាប់ការទូតធម្មតា និង
ជាផ្នែកមួយនៃទំនាក់ទំនងនៅក្នុងអាស៊ានផងដែរ៕
អត្ថបទ ៖ វណ្ណ សុគន្ធា
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត