នយោបាយ
អនុរដ្ឋមន្ត្រីការបរទេសអង់គ្លេសថា នឹងបន្តតាមដានអំពីដំណើរការ និងលទ្ធផលនៃសវនាការរបស់លោក កឹម សុខា នៅតុលាការ
អនុរដ្ឋមន្ត្រីការបរទេស នៃចក្រភពអង់គ្លេស លោកស្រី Amanda Milling លើកឡើងបែបនេះ នៅក្នុងជំនួបជាមួយលោក កឹម សុខា នាថ្ងៃអង្គារ ទី១១ ខែមករា ឆ្នាំ២០២២ នេះ នៅនិវាសដ្ឋានឯកអគ្គរាជទូតនៃចក្រភពអង់គ្លេសប្រចាំកម្ពុជា ហើយជំនួបនេះ បានធ្វើឡើងនៅវេលាថ្ងៃត្រង់ បន្ទាប់ពីលោកស្រីជួបពិភាក្សាការងារជាមួយ នេះបើតាមការឲ្យដឹងពីលោក មុត ចន្ថា។
លោក មុត ចន្ថា ដែលជាមនុស្សជំនិតរបស់លោក កឹម សុខា បានឲ្យដឹងថា នៅក្នុងជំនួបដែលត្រូវបានរៀបចំដោយស្ថានទូតចក្រភពអង់គ្លេសប្រចាំព្រះរាជាណាចក្រកម្ពុជានេះ លោកស្រី Amanda Milling រដ្ឋមន្ត្រីចង់ដឹងពីទស្សនៈរបស់លោក កឹម សុខា ជុំវិញស្ថានភាពនានានៅកម្ពុជា ក្នុងបរិបទឆ្នាំ២០២២ និងឆ្នាំ២០២៣ ខាងមុខនេះ។ ក្នុងឱកាសនោះដែរ លោកស្រីក៏បានគូសបញ្ជាក់យ៉ាងច្បាស់ថា លទ្ធិប្រជាធិបតេយ្យ សិទ្ធិមនុស្ស និងសេរីភាព គឺជាគុណតម្លៃ និងក៏ជាគោលកាណ៍ស្នូល នៃគោលនយោបាយបរទេស ដែលចក្រភពអង់គ្លេសត្រូវធ្វើ និងផ្សារភ្ជាប់ជាមួយ។
បើតាមលោក មុត ចន្ថា លោកស្រី Amanda Milling បានបញ្ជាក់ដែរថា ចក្រភពអង់គ្លេសនឹងបន្តតាមដានដោយយកចិត្តទុកដាក់អំពីដំណើរការ និងលទ្ធផលនៃសវនាការនាពេលខាងមុខ ដែលពាក់ព័ន្ធនឹងសេរីភាពរបស់លោក កឹម សុខា ក្នុងការចូលរួមដំណើរការប្រជាធិបតេយ្យនៅកម្ពុជានាពេលខាងមុខផងដែរ។
សូមបញ្ជាក់ថា សាលាដំបូងរាជធានីភ្នំពេញ បានសម្រេចបើកបន្តសវនាការលើសំណុំរឿងលោក កឹម សុខា ឡើងវិញ នៅថ្ងៃទី១៩ ខែមករា ឆ្នាំ២០២២ខាងមុខ វេលាម៉ោង៨ និង៣០នាទីព្រឹក នេះបើតាមដីកាកោះហៅលោក កឹម សុខា ឱ្យចូលសវនាការ ហើយសមាសភាពក្រុមប្រឹក្សាជំនុំជម្រះនៅក្នុងសវនាការនោះ រួមមាន លោក កូយ សៅ ប្រធានក្រុមប្រឹក្សាជំនុំជម្រះ លោក សេង លាង ចៅក្រមប្រឹក្សា លោក ធាម ច័ន្ទពិសិដ្ឋ ចៅក្រមប្រឹក្សា និងលោក ប្លង់ សុផល ជាព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ។
ការបន្តសវនាការឡើងវិញនេះ គឺបន្ទាប់ពីតុលាការបានសម្រេចផ្អាកជិត២ឆ្នាំ (ខែមីនា ឆ្នាំ២០២០) ដោយសារការឆ្លងរាលដាលខ្លាំងនៃជំងឺកូវីដ១៩។ លោក កឹម សុខា ត្រូវបានតុលាការចោទប្រកាន់ពីបទ សន្ទិដ្ឋិភាពជាមួយបរទេស ចង់ផ្តួលរំលំរាជរដ្ឋាភិបាលកម្ពុជា៕
ដោយ ៖ កោះកែវ
សម្ដេចតេជោប្រាប់បក្សប្រឆាំងថា ប្រឆាំងក៏ប្រឆាំងចុះ តែត្រូវយល់ និងធ្វើអ្វីដែលផ្ដល់ជាប្រយោជន៍រួមរបស់ជាតិ
ការប្រែក្លាយសហគ្រាសមួយជាសហគមន៍សុខសាន្តមួយ ទទួលបានការសាទរពីកម្មករ ថៅកែ និងដៃគូអន្តរជាតិ
១ខែ បន្ទាប់ពីការរញ្ជួយដីកម្រិត ៧.៧ រ៉ិចទ័រ មីយ៉ាន់ម៉ារងការរញ្ជួយដីកម្រិតស្រាល ១៥៧ លើក
ខេត្តថៃប្រាំពីរកើនកម្ដៅខ្លាំងដល់៤២អង្សារសេ
តម្លៃប្រេងធ្លាក់ចុះតិចតួច ដោយក្ដីបារម្ភសេដ្ឋកិច្ចបន្តជាបន្ទុក
កម្លាំងគណៈបញ្ជាការឯកភាពខណ្ឌ ៧ មករា បន្តចុះរដ្ឋបាលតំបន់ស្មុគស្មាញ បុរីកីឡា រក្សាសន្តិសុខជូនពលរដ្ឋ
កាន់តែក្តៅ! រដ្ឋមន្ត្រីប៉ាគីស្ថាន គំរាមបាញ់នុយក្លេអ៊ែរ លើ ឥណ្ឌា
ហ៊ូធី លែងសូវហ៊ានបាញ់មីស៊ីល ក្រោយអាមេរិកវាយប្រហារជាង ៨០០លើក តាំងពីពាក់កណ្ដាលខែមីនា
បុរសម្នាក់ ងងុយ ក៏បានបើកឡានជ្រុលចង្កូតធ្លាក់ចូលទឹកបឹងកន្សែង នៅខេត្តរតនគិរី
បន្ថែមពីថវិកា៧០លានរៀល កុមារី ស៊ុន ស្រីតី ទទួលបានផ្ទះ ដីទំហំជាងកន្លះហិកតា ដែលដាំស្វាយរួចរាល់
-
ចរាចរណ៍៦ ថ្ងៃ agoស្នងការរងខេត្តឧត្ដរមានជ័យម្នាក់ គាំងបេះដូងស្លាប់ពេលបើកបររថយន្ដ រួចជ្រុលបុករថយន្តមួយគ្រឿងទៀត
-
សន្តិសុខសង្គម២ ថ្ងៃ agoព័ត៌មានបឋម ៖ បាក់ស្រុតផ្លូវអមមាត់ប្រឡាយលូស្ទឹងមានជ័យធ្លាក់កង់បីឥណ្ឌា ១ គ្រឿង ក្រោយភ្លៀងមួយមេ
-
ព័ត៌មានជាតិ៤ ថ្ងៃ agoសមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
-
ព័ត៌មានជាតិ៥ ថ្ងៃ agoសម្តេចធិបតី៖ ការប្រគល់វត្ថុបុរាណពីថៃជូនកម្ពុជាវិញ ជាការវិលត្រឡប់ដួងព្រលឹងបុព្វបុរសខ្មែរ
-
ព័ត៌មានអន្ដរជាតិ៣ ថ្ងៃ agoមិនដល់២៤ម៉ោងផង រន្ទះបាញ់ជាង ២៣ ០០០លើក វាយប្រហារភាគខាងជើងប្រទេស វៀតណាម
-
សុខភាព១ សប្តាហ៍ agoដំណឹងល្អ! កម្ពុជានឹងដាក់ឱ្យប្រើប្រាស់ថ្នាំព្រឹបប្រភេទចាក់បង្ការ មុនពេលប្រឈមនឹងការឆ្លងមេរោគអេដស៍ នៅខែឧសភា ខាងមុខ
-
ព័ត៌មានអន្ដរជាតិ៣ ថ្ងៃ agoហ្សេលេនស្គី៖ មីស៊ីលដែលរុស្ស៊ីប្រើបាញ់ស្រោចលើក្រុងកៀវ គឺជារបស់កូរ៉េខាងជើង
-
ព័ត៌មានអន្ដរជាតិ៥ ថ្ងៃ agoលើកនេះ រុស្ស៊ី ដាក់លក្ខខណ្ឌស្រួលមួយទៅអ៊ុយក្រែន បើចង់ចរចា ឈានទៅការបញ្ចប់សង្គ្រាមមែន