Connect with us

នយោបាយ

សម្តេច ហ៊ុន សែន បានឆ្លើយថា«ទេ»ទៅកាន់ប្រទេសខ្លះដែលបបួលកម្ពុជាបោះឆ្នោតអនុប្បវាទលើជម្លោះរុស្ស៊ី-អ៊ុយក្រែន

បានផុស

នៅ

សម្តេចជោ ហ៊ុន សែន នាយករដ្ឋមន្រ្តីនៃកម្ពុជា បានគូសបញ្ជាក់ថា កម្ពុជានៅរក្សាគោលជំហរដដែលចំពោះបញ្ហាសង្រ្គាមឈ្លានពានរបស់រុស្ស៊ីនៅក្នុងប្រទេសអ៊ុយក្រែន ដោយបានបដិសេធនឹងការបបួលរបស់ប្រទេសមួយចំនួនដែលចង់ឲ្យកម្ពុជាចូលរួមបោះឆ្នោតអនុប្បវាទចំពោះបញ្ហានេះ។ សម្តេចតេជោ បានគូសបញ្ជាក់បែបនេះនៅចំពោះមុខឯកអគ្គរដ្ឋទូតកូរ៉េខាងត្បូងប្រចាំកម្ពុជានៅក្នុងពិធីសម្ពោធដាក់ឱ្យប្រើប្រាស់ជាផ្លូវការនូវផ្លូវជាតិលេខ២១ តភ្ជាប់ពីរង្វង់មូលក្រុងតាខ្មៅ ដល់ច្រកទ្វារអន្តរជាតិកម្ពុជា-វៀតណាម ក្នុងខេត្តកណ្តាលនាពេលព្រឹកថ្ងៃពុធនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការគូសបញ្ជាក់របស់សម្តេចប្រមុខរាជរដ្ឋាភិបាលកម្ពុជានេះ ក៏ជាការប្រាប់ទៅលោក ប្រាក់ សុខុន ឧប​នាយករដ្ឋមន្រ្តី រដ្ឋមន្រ្តីក្រសួងការបរទេសកម្ពុជាដែលបានស្នើសុំយោបល់សម្តេចថា គួរបោះឆ្នោតគាំទ្រ ប្រឆាំង ឬអ​នុប្បវាទចំពោះបញ្ហាឈ្លានពានរបស់រុស្ស៊ីទៅលើប្រទេសអ៊ុយក្រែន។ សម្តេចតេជោ បានបញ្ជាក់ថា៖ «អត់ទេ បោះឆ្នោតដូចនៅអង្គការសហប្រជាជាតិអ៊ីចឹង ព្រោះមានអ្នកទៅបបួលឲ្យបោះឆ្នោតអនុប្បវាទ លើបញ្ហារុស្ស៊ី និងអ៊ុយក្រែន»។

សម្រាប់សម្តេចតេជោ ហ៊ុន សែន គឺកម្ពុជាត្រូវប្រកាន់គោលជំហរនេះឲ្យបានច្បាស់លាស់ ព្រោះបន្ទាត់នយោបាយការបរទេសរបស់កម្ពុជា គឺកម្ពុជាមិនគាំទ្រការឈ្លានពានពីប្រទេសមួយទៅកាន់ប្រទេសមួយផ្សេងទៀត​នោះទេ។ នេះ គឺជាគោលជំហរដាច់ណាត់របស់កម្ពុជា។ សម្តេច បានអះអាងថា គោលជំហរនេះ គឺរក្សាដដែល ពោល គឺកម្ពុជាប្រឆាំងនឹងការឈ្លានពានរបស់រុស្ស៊ីទៅក្នុងប្រទេសអ៊ុយក្រែនមិនថាតែមានការបោះឆ្នោតនៅអង្គការសហ​ប្រជាជាតិ ឬនៅទីណាក៏ដោយ ក៏កម្ពុជារក្សាការបោះឆ្នោតប្រឆាំងនេះដដែល។

សូមបញ្ជាក់ថា កាលពីដើមខែមីនានេះ រដ្ឋាភិបាលកម្ពុជាតាមរយៈអ្នកតំណាងរបស់ខ្លួនប្រចាំនៅអង្គការសហប្រជាជាតិ បានចូលរួមជាមួយប្រទេសចំនួន១៤១ បោះឆ្នោតប្រឆាំងទៅនឹងការឈ្លានពានរបស់រុស្ស៊ីទៅក្នុងប្រទេសអ៊ុយក្រែន។ កម្ពុជា និងប្រទេសទាំងនេះតាមរយៈយន្តការអង្គការសហប្រជាជាតិ បានរួមគ្នាទាមទារឱ្យរុស្ស៊ីបញ្ឈប់ជាបន្ទាន់នូវការប្រើប្រាស់កម្លាំងយោធាប្រឆាំងនឹងប្រទេសអ៊ុយក្រែន និងត្រូវដកកងកម្លាំងយោធារបស់ខ្លួនចេញពីប្រទេសអ៊ុយក្រែន៕

ដោយ ៖ វណ្ណ សុគន្ធា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៣ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ៣ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៣ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

ជីវិតកម្សាន្ដ៧ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម