Connect with us

នយោបាយ

ប្រធាន គ.ជ.ប ស្នើឲ្យគ្រប់បក្សនយោ​បាយ ដែលចូលរួមការបោះឆ្នោត​ឃុំ-សង្កាត់ ត្រូវធ្វើសកម្មភាព​ក្នុងក្របខ័ណ្ឌច្បាប់

បានផុស

នៅ

ប្រធានគណៈកម្មាធិការជាតិរៀបចំការបោះឆ្នោត (គ.ជ.ប) លោក ប្រាជ្ញ ចន្ទ បានស្នើឲ្យគ្រប់បក្សនយោ​បាយ ដែលចូលរួមការបោះឆ្នោត​ ជ្រើសរើសក្រុមប្រឹក្សាឃុំ-សង្កាត់អាណត្តិទី ៥នេះ ត្រូវធ្វើសកម្មភាព​ក្នុងក្របខ័ណ្ឌច្បាប់។ ការជំរុញរបស់លោក ប្រាជ្ញ ចន្ទ ខាងលើនេះ បានធ្វើឡើក្នុងកិច្ចប្រជុំផ្សព្វផ្សាយផែនការអន្តរសា្ថប័ន ស្ដីពី កិច្ចការពារការពិនិត្យបញ្ជីឈោ្មះ និងការចុះឈ្មោះបោះឆ្នោតប្រចាំឆ្នាំ និងការបោះឆ្នោតថ្នាក់ជាតិ-ថ្នាក់ក្រោមជាតិ ចាប់ពីឆ្នាំ ២០២២ ដល់ឆ្នាំ ២០២៤ នាព្រឹកថ្ងៃទី២៩ ខែមេសា ឆ្នាំ ២០២២នេះ។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មានប្រសាសន៍នៅក្នុងឱកាសនោះ ក្នុងនាមគណៈកម្មាធិការជាតិរៀបចំការបោះឆ្នោត លោក ប្រាជ្ញ ចន្ទ​ បាន​បញ្ជាក់យ៉ាងដូច្នេះថា «ខ្ញុំសូមសំណូមពរ ដល់គ្រប់គណបក្សនយោបាយ ដែលបាន​ចូល​រួម​ក្នុង​ការបោះឆ្នោតទាំងអស់ ត្រូវធ្វើសកម្មភាពក្នុងក្របខ័ណ្ឌច្បាប់ ដោយគោរពតា​ម​បទបញ្ជា និងនីតិវិធីនៃការបោះឆ្នោត ក្រមសីលធម៌ និងលិខិតបទដ្ឋានគតិយុត្តជាធរមាន​»។

លោក ប្រាជ្ញ ចន្ទ​ បានឲ្យដឹងថា ​កន្លងមកនេះ គណៈកម្មការរៀបចំការបោះឆ្នោតរាជធានី-ខេត្ត បាន​សហការ និងបានចូលរួមជាប្រចាំ ក្នុងកិច្ចប្រជុំជាមួយគណៈបញ្ជាការឯកភាពរាជធានី-ខេត្ត ក្រុង-ស្រុក ខណ្ឌ អាជ្ញាធរមានសមត្ថកិច្ចគ្រប់លំដាប់ថ្នាក់ និងភាគីពាក់ព័ន្ធលើការងារសន្តិសុខ សណ្តាប់ធ្នាប់ និងសុវត្ថិភាពសង្គម ដើម្បីបំពេញអនុវត្តភារកិច្ច ពាក់ព័ន្ធ​នឹងការបោះឆ្នោត​បានល្អ។

លោកសង្ឃឹមជឿជាក់ ប្រកបដោយ​សុទិដ្ឋិនិយមថា គណៈកម្មការរៀបចំការ​បោះឆ្នោតគ្រប់លំដាប់ថ្នាក់ នឹងបង្កើនកិច្ចសហការ ជាមួយគណៈ​បញ្ជាការឯកភាពរាជធានី-ខេត្ត ក្រុង-ស្រុក ខណ្ឌ និងកងកម្លាំងប្រដាប់អាវុធគ្រប់ប្រភេទ ក្រោមការដឹកនាំរបស់គណៈបញ្ជាការ​សន្តិសុខអចិន្ត្រៃយ៍ សម្រាប់ការបោះឆ្នោត ​ដើម្បីបង្កើត​បានបរិយាកាសមួយដ៏ប្រសើរ សំដៅធ្វើអោយដំណើរការនៃការបោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិទី ៥ នាថ្ងៃអាទិត្យ ទី ៥ ខែមិថុនា ឆ្នាំ ២០២២ ប្រព្រឹត្តទៅដោយសេរី ត្រឹមត្រូវ យុត្តិធម៌ និងប្រកបដោយជោគជ័យ៕

អត្ថបទ៖ កោះកែវ​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១៦ នាទី មុន

លោក Zelensky ៖ ពិភពលោកកំពុងគិតខុសលើ អ៊ុយក្រែន ថានឹងត្រូវ រុស្ស៊ី កម្ទេចរយៈពេល ៣ ថ្ងៃ

ព័ត៌មានអន្ដរជាតិ២០ នាទី មុន

អាមេរិក​​ហៅ​​​ដំណើរ​​ទស្សន​កិច្ច​​របស់​​ប្រធាន​​សិទ្ធិ​មនុស្ស​ UN​ ទៅ​​ចិន​​​ជា​​កំហុស​​ឆ្គង

ព័ត៌មានជាតិ២២ នាទី មុន

សម្ដេចតេជោ ហ៊ុន សែន ត្រៀមចាកចេញពីប្រទេសស្វីស វិលត្រឡប់មក កម្ពុជា នៅថ្ងៃនេះ

សន្តិសុខសង្គម២៨ នាទី មុន

ឆេះរោងចក្រដំឡើងម៉ូតូក្នុងតំបន់សេដ្ឋកិច្ចពិសេស ក្រុងបាវិត ខូចខាតម៉ូតូជាង៤០គ្រឿង

ព័ត៌មានជាតិ២៩ នាទី មុន

សម្ដេចតេជោ ហ៊ុន សែន ៖ វិធានការដាក់ទណ្ឌកម្ម គួរតែបញ្ឈប់ ព្រោះមិនមានផលប្រយោជន៍នោះទេ

Sokha Hotels

ព័ត៌មានពេញនិយម