Connect with us

នយោបាយ

សកម្មជនអតីតគណបក្សសង្រ្គោះជាតិ ២ ០០០ ចូលរួមជីវភាពនយោបាយជាមួយគណបក្សប្រជាជនកម្ពុជា

បានផុស

នៅ

សកម្មជនអតីតគណបក្សសង្រ្គោះជាតិប្រមាណពីរពាន់នាក់ (២ ០០០) មកពីរោងចក្រចំនួន៥ នៅរាជធានីភ្នំពេញ ដែលក្នុងនោះមានទាំងសកម្មជនដ៏សកម្មរបស់ទណ្ឌិត សម រង្សី ក្នុងការបង្កើតព្រឹត្តិការហិង្សានៅ២០១៣ ផងដែរនោះ បានសម្រេចចិត្តចូលរួមជីវភាពនយោបាយជាមួយគណបក្សប្រជាជនកម្ពុជារាជធានីភ្នំពេញ ក្រោយពីពួកគាត់អស់ជំនឿលើទណ្ឌិត សម រង្សី និងមើលឃើញពីការដឹកនាំដ៏ត្រឹមត្រូវរបស់សម្តេចតេជោ ហ៊ុន សែន ប្រធានគណបក្សប្រជាជនកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឃួង ស្រេង សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាប្រធានគណៈកម្មាធិការគណបក្សរាជធានីភ្នំពេញក្នុងពិធីសំណេះសំណោលជាមួយសមាជិកសមាជិកាគណបក្សប្រជាជនកម្ពុជា (សកម្មជនអតីតគណបក្សសង្រ្គោះជាតិ) ប្រមាណ២ ០០០ នាក់នៅរសៀលថ្ងៃទី ៣០ ខែតុលា ឆ្នាំ២០២២នេះ នៅមន្ទីរគណបក្សប្រជាជនកម្ពុជារាជធានីភ្នំពេញមានប្រសាសន៍លើកឡើងថា៖ នេះជាការសម្រេចចិត្តដ៏ត្រឹមត្រូវរបស់បងប្អូន កម្មករ កម្មការិនីទាំងប្រមាណ២០០០នាក់ក្នុងការចូលរួមជីវភាពនយោបាយជាមួយគណបក្សប្រជាជនកម្ពុជាចេញពីការដឹកនាំរបស់ទណ្ឌិត សម រង្ស៊ីដែលជាជនក្បត់ជាតិ៣ ជំនាន់។

ក្នុងឱកាសនោះដែរលោក ឃួង ស្រេង ក៏បានលើកឡើងពីវីរភាពរបស់សម្ដេចតេជោ ហ៊ុន សែន ដោយសម្ដេចបានរំដោះប្រទេសជាតិចេញពីរបបប៉ុលពត និងបានអភិវឌ្ឍន៍កម្ពុជាចេញពីចំណុចសូន្យរហូតមានការអភិវឌ្ឍរីកចម្រើនរហូតមក​ដល់ពេលបច្ចុប្បន្ននេះ ហើយចុងក្រោយនេះសម្តេចបានរំដោះអាយុជីវិតប្រជាពលរដ្ឋពីជំងឺកូវីដ១៩ ជាលើកទី២ ថែមទៀត តាមរយៈយុទ្ធសាស្ត្រចាក់ស្រោចវ៉ាក់សាំងអភិក្រមផ្ការីកជូនប្រជាពលរដ្ឋ។

សម្ដេចតេជោនូវបានកៀរគរអ្នកវិនិយោគទុនមកបណ្ដាក់ទុនរកស៊ីនៅស្រុកខ្មែរ បង្កើតឲ្យមានរោងចក្រសហគ្រាស ដើម្បីឲ្យបងប្អូនកម្មករ កម្មការិនីយើងមានការងារធ្វើ។

តែសម្រាប់ទណ្ឌិត សម រង្ស៊ីវិញមិនបានធ្វើអ្វីដើម្បីបងប្អូនប្រជាពលរដ្ឋនោះទេ។ តែបែរជាផ្លិចបំផ្លាញបងប្អូនប្រជាពលរដ្ឋ កម្មករ កម្មការិនីទៅវិញដោយការសុំក្រៅប្រទេសឲ្យផ្ដាច់ជំនួយមករាជរដ្ឋាភិបាលកម្ពុជា។ ការផ្តាច់ជំនួយនេះអ្នកដែលស្លាប់មុនគេគឺបងប្អូននកម្មករ កម្មការិនីនេះហើយ ដែលនេះជាចំណុចដែលបងប្អូនត្រូវគិតគូរពិចារណា។

គួរបញ្ជាក់ផងដែរថា ការផ្ដាច់ខ្លួនចេញពីការដឹកនាំរបស់ទណ្ឌិត សម រង្ស៊ីពីសំណាក់បងប្អូនកម្មករកម្មការិនីប្រមាណ ២០០០នាក់នេះគឺស្របពេលសមាជិកក្រុមប្រឹក្សាសង្កាត់ និងចៅរងសង្កាត់ជាច្រើនរូបមកពីគណបក្សភ្លើងទៀន បានផ្តិតមេដៃចេញសារថ្កោលទោសយ៉ាងដាច់អហង្ការចំពោះទណ្ឌិតក្បត់ជាតិ៣ជំនាន់ សម រង្ស៉ី ដែលបានប្រើសម្តីប្រមាថយ៉ាងធ្ងន់ធ្ងរ លើព្រះចេស្តាព្រះមហាក្សត្រខ្មែរ ព្រះករុណា ព្រះបាទ សម្តេចព្រះបរមនាថ នរោត្តម សីហមុនី៕

អត្ថបទ៖ ស្រីរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ នាទី មុន

ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត

សន្តិសុខសង្គម៣៤ នាទី មុន

សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ

ព័ត៌មានជាតិ២ ម៉ោង មុន

ឯកឧត្តម ហ៊ុន ម៉ានី៖ ការបោះឆ្នោតជូនគណបក្សប្រជាជនកម្ពុជា គឺជាការបោះឆ្នោតប្រកបដោយភាពជឿជាក់ និងការពារសុខសន្តិភាព

ព័ត៌មានជាតិ៣ ម៉ោង មុន

តោះ! មក​ស្វែង​យល់ដំណាំ​កសិកម្ម​សំខាន់ៗ​របស់​កម្ពុជា ទ្រទ្រង់កំណើន​ការ​នាំ​ចេញ

សេដ្ឋកិច្ច៤ ម៉ោង មុន

មរតកបសេដ្ឋ៖ ប្រែក្លាយតំបន់ចងគោរបស់កសិករ ទៅជាកន្លែងកសិទេសចរណ៍​

Sokha Hotels

ព័ត៌មានពេញនិយម