នយោបាយ
លោក សំបូរ មាណ្ណារ៉ា៖ ការអប់រំអាចនាំឱ្យយុវជន លុបបំបាត់គំនិតគុំកួន ប្រឆាំងគ្នាបាន
លោក សំបូរ មាណ្ណារ៉ា សាស្ត្រាចារ្យផ្នែកប្រវត្តិសាស្ត្របានប្រាប់“កម្ពុជាថ្មី” ថា ដើម្បីអាចដោះសា្រយឱ្យយុវជនកម្ពុជាមានការយល់ដឹង និងលុបបំបាត់នូវគំនិត និងនយោបាយគុំកួនរបស់ពួកគេបាន គឺមានតែការអប់រំប៉ុណ្ណោះ ហើយសាម៉ីខ្លួនផ្ទាល់ត្រូវដឹងថា ខ្លួនស្ថិតនៅក្នុងសុជីវធម៌៥ ទើបអាចឱ្យមានការថ្លឹងថ្លែងនូវអ្វីដែលល្អ និងអាក្រក់បាន។
លោកសាស្រ្តាចារ្យលើកឡើងបែបនេះ ស្របពេលដែលនៅក្នុងសង្គមបច្ចុប្បន្ន មានយុវជនខ្លះដែលគាំទ្រអ្នកនយោបាយមួយចំនួនតូច ទោះបីជាពួកគេមានចំណេះដឹងខ្ពង់ខ្ពស់យ៉ាងណា ក៏នៅតែមានប្រើប្រាស់នយោបាយគុំកួន មានផ្នត់គំនិតចង់សងសឹក និងប្រឆាំងគ្នាទៅវិញទៅមក ។
លោកសាស្ត្រាចារ្យ សំបូរ មាណ្ណារ៉ា បានលើកឡើងថា ដំណោះស្រាយចំពោះបញ្ហានេះ គឺការអប់រំ និងឈរលើសុជីវធម៌ចំនួន៥។ ទី១ ស្គាល់ខ្លួនឯងច្បាស់លាស់ថា ចេះអ្វី ដឹងអ្វី យល់ និងប្រាកដប្រជាលើអ្វី? ទី២ ស្គាល់អ្នកដែលនៅជុំវិញខ្លួន ថាពួកគេជានរណា? ហើយសាម៉ីខ្លួន អាចធ្វើអ្វីបានខ្លះ? ទី៣ គឺស្គាល់ពេលវេលា មានន័យថា សង្គមបច្ចុប្បន្នកំពុងដើរដល់ណាហើយ? ទី៤ ស្គាល់ទីតាំងថា កំពុងស្ថិតនៅទីណា? កំពុងធ្វើអ្វី? ព្រមទាំងមានការកំណត់ផែនការរបស់ខ្លួន។ ចុងក្រោយ គឺរួបរួមគ្នា ដើម្បីការអភិវឌ្ឍជាតិឱ្យមានភាពរីចម្រើនទៅមុខទៀត។
លោកបានបន្តថា ការសងសឹក ការគុំកួន មិនបានផ្តល់ប្រយោជន៍អ្វីឡើយ ដូចនេះហើយ អ្នកមានចំណេះដឹងមួយចំនួននៅតែបន្តធ្វើបែបនេះ គឺជាទស្សនៈរបស់បុគ្គលរៀងៗខ្លួន មិនអាចហាមឃាត់បានទេ។ ប៉ុន្តែ ការដែលលោកឱ្យតម្លៃការអប់រំ ព្រោះចង់ឱ្យគិតថា មនុស្សគួរនាំគ្នាហ្វឹកហាត់ខួរក្បាលឡើងវិញ និងយកខួរក្បាលទៅគិតជុំវិញនឹងបញ្ហានេះ។ លោកសាស្រ្តាចារ្យ មានប្រសាសន៍ថា៖“ហ្វឹកហាត់ខួរក្បាល ព្យាបាលចិត្ត បង្កើតគំនិតល្អពិត ដើម្បីអភិវឌ្ឍន៍ជាតិ”។
លោកក៏បានសំណូមពរឱ្យយុវជនគ្រប់រូប ត្រូវចេះគិតឡើងវិញ យកអ្វីដែលជាការលម្អជាតិរបស់ខ្លួន និងជាវឌ្ឍនភាពដែលជាតិមាន ព្រមទាំងគិតដល់ប្រទេសជាតិជាធំ។ ការបំបាត់ចោលនយោបាយគុំកួន សងសឹក គឺជាផលប្រយោជន៍របស់ជាតិសាសន៍ទាំងមូល៕
ដោយ៖ អុន ស្រីមាន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ