សម្ដេចធិបតី កំណត់យកថ្ងៃទី២៦ខែឧសភា ឆ្នាំ២០២៤ ជាថ្ងៃបោះឆ្នោតជ្រើសរើសក្រុមប្រឹក្សារាជធានីខេត្ត

សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជាបានកំណត់យកថ្ងៃទី២៦ខែឧសភា ឆ្នាំ២០២៤ ជាថ្ងៃបោះឆ្នោតលើកទី៤ ដើម្បីជ្រើសរើសក្រុមប្រឹក្សារាជធានី ក្រុមប្រឹក្សាខេត្ត ក្រុមប្រឹក្សាក្រុង ក្រុមប្រឹក្សាស្រុក ក្រុមប្រឹក្សាខណ្ឌ។

នេះបើតាមសេចក្ដីសម្រេចស្ដីពីការប្រកាសកាលបរិច្ឆេទនៃការបោះឆ្នោតលើកទី៤ ដើម្បីជ្រើសរើសក្រុមប្រឹក្សារាជធានី ក្រុមប្រឹក្សាខេត្ត ក្រុមប្រឹក្សាក្រុង ក្រុមប្រឹក្សាស្រុក ក្រុមប្រឹក្សាខណ្ឌ។

ជាការកត់សម្គាល់ ការបោះឆ្នោតជ្រើសរើសក្រុមប្រឹក្សា រាជធានី ខេត្ត ក្រុង ស្រុក ខណ្ឌ គឺធ្វើឡើងក្នុងរយៈពេល៥ឆ្នាំ ដែលជាការបោះឆ្នោតអសកល មិនចំពោះ ដោយសេរី ត្រឹមត្រូវ និងយុត្តិធម៌ តាមវិធីជ្រើសរើសជាសម្ងាត់។

ចំពោះអាណត្តិរបស់ក្រុមប្រឹក្សារាជធានី ខេត្ត ក្រុង ស្រុក ខណ្ឌ គឺមានរយៈពេល៥ឆ្នាំ ហើយអាណត្តិនេះ ត្រូវផុតនៅពេលក្រុមប្រឹក្សាថ្មីចូលកាន់តំណែង៕