Connect with us

អាជីព

៥ យ៉ាង​លើកកម្ពស់​ក្រមសីលធម៌​រឹងមាំ​នៅក្នុង​អង្គភាព​

បានផុស

នៅ

​អង្គភាព ឬ​ក្រុមហ៊ុន​មួយ​ដែល​ខ្វះខាត​ឬ​គ្មាន​កម្លាំង​និ​យោ​ជិ​ក​ខិតខំ​ធ្វើការ​ក្នុង​ក្រមសីលធម៌​ការងារ មិន​ងាយ​ក្លាយជា​ស្ថាប័ន​រឹងមាំ​ទេ ។ វប្បធម៌​នៃ​ក្រុមហ៊ុន​ឬ​អង្គភាព​មួយ ត្រូវបាន​កើតមាន​ដោយសារ​ការ​ឧទ្ទិស បរិច្ចាគ របស់​បុគ្គលិក​ម្នាក់ៗ ដល់​វិជ្ជាជីវៈ រហើយ​ដឹង​ពី​របៀប​គ្រប់គ្រង​ពេលវេលា​ឱ្យមាន​ប្រសិទ្ធភាព ការដោះស្រាយ​ទំនាស់​និង​ការកាត់បន្ថយ​សម្ពាធ​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​ប៉ុន្តែ​តើ​ធ្វើ​ដូចម្តេច​ដើម្បីឱ្យ​បុគ្គលិក​ក្លាយជា​មក​ចាប់អារម្មណ៍​ឧទ្ទិស ខ្លួន​ដល់​វិជ្ជាជីវៈ ?

​ពិតណាស់ មេដឹកនាំ​នោះឯង​ជា​អ្នក​ផ្តើមដំបូង​បង្កើត​ការ​ទ្រទ្រង់ វិន័យ​ដែល​គន្លឹះ ៧ ចំណុច​ខាងក្រោម​ទំនង​អាចជួយ​បាន​ច្រើន​៖

១ អភិវឌ្ឍ​វប្បធម៌​រៀនសូត្រ​ប្រកបដោយ​វិជ្ជាជីវៈ​

​មេដឹកនាំ​ល្អ​តែង​ស្វះ​ស្វែងរក​សាលា​ឱ្យ​កូនចៅ​បាន​អភិវឌ្ឍ​វិជ្ជាជីវៈ សម្របសម្រួល​ឱ្យ​ពួកគេ​មាន​ចំ​ណែះ​ជា​មូលដ្ឋាន​នៃ​ការគ្រប់គ្រង​ខ្លួនឯង​សិន ទើប​អាច​ពន្យល់​និង​ចាប់​អនុវត្ត​អំពី​ក្រមសីលធម៌​ការងារ​បាន​។ មេដឹកនាំ​ត្រូវ​ធ្វើជា​គំរូ​សំខាន់​ដែលជា​ទម្រង់​វប្បធម៌​រៀនសូត្រ​នៃ​ក្រុមហ៊ុន​បានន័យថា មេ​ក៏​រៀន​កូន​ក៏​រៀន គ្រប់គ្នា​រៀន​។ បង្រៀន​គ្នា លើកទឹកចិត្ត​ការរៀន រៀបចំ​ម៉ោង​ពេល​ដើម្បី​រៀន ព្រោះ​ក្រុមហ៊ុន​ដែល​ពោរពេញ​ដោយ​មនុស្ស​ល្ងង់ ឈ្លោះប្រកែក ធ្វើ​ម៉េច​នឹង​កកើត​ទម្រង់​នៃ​វប្បធម៌​ខ្ពង់ខ្ពស់​បាន​?

២ បង្កើន​ទំនាក់ទំនង​

​សិល្បៈ​រវាង​សមាជិក​ទាំងអស់​រួមទាំង​និ​យោ​ជិ​ក​និង​ថ្នាក់ដឹកនាំ​ជាន់ខ្ពស់​ផងដែរ​ត្រូវការ បង្កើតជា​គោលការណ៍​និង​អនុវត្តិ​ឬ​ទៀងទាត់ ។ ត្រូវ​ណែនាំ​ពិការ​ផ្តល់​និង​ទទួល​ព័ត៌មាន មធ្យោបាយ​ប្រជុំ ទំនាក់ទំនង​សំខាន់ៗ​តាមរយៈ ម៉េ​ល​ឬ​បណ្តាញ​ដទៃ​រួមមាន​ប្រព័ន្ធ​ផ្សព្វផ្សាយ​សង្គម​និង​ទូរ​សព្ទ​ផង​។ គួរតែបង្កើត​វេទិកា​តាម​អ៊ិន​ធរ​ណេ​ត​ដែល​និ​យោ​ជិ​ក​អាច​សួរ​សំណួរ​គ្នា ឬ​ចែករំលែក​គន្លឹះ​ក្នុង​បង្កើនល្បឿន​ផលិតភាព​ការងារ និង​ដោះស្រាយ​រាល់​កង្វល់​ដែល​ពួកគេ​មាន​។ នេះ​ថែមទាំង​ជា​ផ្នែក​នៃ​ការពង្រឹង​ជំនាញ​ទំនាក់ទំនង និង​ការប្រើ​អ៊ី​ន​ធើ​ណេ​តនៃ​បុគ្គលិក​។​

៣ គ្រប់គ្រង​ការងារ​ឯករាជ្យ​

​លើកទឹកចិត្ត​បុគ្គលិក​ឱ្យ​ចេះ​វាយតម្លៃ​ទម្លាប់​ការងារ​របស់​ពួកគេ​ខ្លួនឯង ពោលគឺ​ខ្លាំង​ឬ​ខ្សោយ​យឺត​ឬ​រហ័ស បាន​ច្រើន​ឬ​តិច​?​រីកចម្រើន​ឬ​ដើរ​ថយក្រោយ​?​ល​។ ព្រោះ​ក្នុង​ករណីខ្លះ​និ​យោ​ជិ​ក​ប្រហែលជា​មិនដឹងថា ក្រមសីលធម៌​ការងារ​របស់​ពួកគេ​ខ្វះខាត​នោះទេ​លើកលែងតែ​គេ​យល់ថា​អ្វី​ទៅជា​ក្រ​មសិល​ធម៌​សិន​។ ផ្តល់ឱ្យ​ពួកគេ​នូវ​សមត្ថភាព​វិភាគ​ដោយ​ប្រុងប្រយ័ត្ន​នូវ​គ្រប់ផ្នែក​ទាំង​អស់នៃ​ក្រមសីលធម៌​ការងារ ក៏ដូចជា​ចង្អុលបង្ហាញ​ចំណុច​ខ្វះខាត​សម្រាប់​ការកែលម្អ​។​

៤ ពង្រឹង​វប្បធម៌​គោរព​និង​ចេះ​កំណត់​ពេលវេលា​

​ជំនាញ​បន្ទាប់បន្សំ​តែ​សំខាន់បំផុត​មួយ​ដែល​ភ្ជាប់​ទៅនឹង​ក្រមសីលធម៌​ការងារ​គឺ ការគ្រប់គ្រង​ពេលវេលា​។ និ​យោ​ជិ​ក​គួរ​ចេះ​ប្រើ​ពេលវេលា​ភាគច្រើន​នៅ​កន្លែងធ្វើការ​និង​នៅពេល​កំពុង​បំពេញភារកិច្ច​ដើម្បី​ឱ្យមាន​ផលិតភាព​ពិតប្រាកដ​ជៀសវាង​ការ​លំៗ ខាត​ពេល​និង​បង្កើតជា​បិ​រ​យា​កាស​គំរូ​មិនល្អ ឬ​វប្បធម៌​ពន្យារពេល ដែលជា​សត្រូវ​នៃ​ក្រមសីលធម៌​ការងារ​រឹងមាំ​។ គួរ​ទម្លាប់​គ្រាប់​ជាន់ថ្នាក់​នូវ​របៀប​កំណត់​អត្តសញ្ញាណ​ថា​អ្វី​ទៅជា​អាទិភាព​ប្រចាំថ្ងៃ ជួយ​និ​យោ​ជិ​ក​ឱ្យ​យល់​កាន់តែច្បាស់​អំពី​អាទិភាព​នានា ដោយ​បញ្ជាក់​ពី​អ្វីដែល​បន្ទាន់​និង​អ្វីដែល​អាច​រង់​ចាំបាន​។ លើកទឹកចិត្ត​ពួកគេ​ឱ្យ​ចេះ​បង្កើត​បញ្ជី​ការងារ បង្ហាញ​High light ថា​មួយណា​ត្រូវធ្វើ​ភ្លាម​និង​ទទួលខុសត្រូវ​ខ្ពស់ ដែល​នេះ​នឹង​ជួយ​និ​យោ​ជិ​ក​ឱ្យដឹង​ច្បាស់​ពីអ្វី​ដែល​ពួកគេ​មាន​នៅលើ​ចាន​របស់​ពួកគេ​នៅថ្ងៃនេះ ។​

៥ លើកទឹកចិត្ត​ឱ្យ​ចេះ​បែងចែក តុល្យភាព​ការងារ​និង​ឯកជន​ភាព​

​លោក Philip Shawe នាយក​ប្រតិបត្តិ​ក្រុមហ៊ុន TransPerfect Global សរសេរថា ការបង្រៀន​ទៀងទាត់ ឱ្យ​បុគ្គលិក​ចេះ​ផ្តោតអារម្មណ៍ (Focus )​លើ​មុខជំនាញ​វិជ្ជាជីវៈ​ត្រឹមត្រូវ មិន​បន្លំ ក៏​មានន័យថា មាន​តុល្យភាព​ច្បាស់​រវាង ការងារ ជីវិត​ឯក​ដែល ជា​គន្លឹះ​ដើម្បី​ទទួលបាន​ជោគជ័យ​ទូទាំង​ស្ថាប័ន​។ ការ​បង្វឹក​បុគ្គលិកលក្ខណៈ​ផ្តោតអារម្មណ៍ អាចជួយ​ឱ្យ​រកឃើញ​ភាពសាមញ្ញ​ជាមួយ​មនុស្ស​នៅ​ជុំវិញ ឬ​ការងារ​មាន​សម្ពាធ​យ៉ាងណា មិន​យកទៅ​ផ្ទះ រឿង​នៅផ្ទះ​ធំ​យ៉ាងណា​មិន​នាំមក​ឡូកឡំ​ឡើយ​៕​

​ប្រែសម្រួល ៖ សុភា​

ប្រភព ៖ elearningindustry​

ចុចអាន៖ មេដឹកនាំ​ល្អ ចេះ​កសាង​ប្រព័ន្ធ​ការងារ​ដែល​គ្មាន​អារម្មណ៍​ថា ហត់នឿយ​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ ម៉ោង មុន

ក្រសួងការងារ និងGIZ ចុះអនុស្សរណៈលើការអនុវត្តគម្រោងបណ្តុះបណ្តាលបច្ចេកទេស និងវិជ្ជាជីវៈ អាស៊ាន ស្វីស

សេចក្ដីជូនដំណឹង២ ម៉ោង មុន

គុណភាព​ល្អឥតខ្ចោះ​! ខុន​ដូ​ប្រណិត​រំដួល​ស៊ី​ធី​លំដាប់​ខ្ពស់​ដំបូង​នៅ​ភ្នំពេញ​ត្រូវបាន​ប្រគល់ជូន​ជា​ផ្លូវការ​

សេចក្ដីជូនដំណឹង៣ ម៉ោង មុន

សេចក្ដីជូនដំណឹងស្ដីពីការអញ្ជើញចូលរួមដេញថ្លៃគម្រោងទិញឧបករណ៍បញ្ជូនស៊ីញ៉ាល់ប្រចាំឆ្នាំ២០២៤

ព័ត៌មានជាតិ៣ ម៉ោង មុន

សារមន្ទីរព្រះស្រីឦសានវរ្ម័ន ចាប់ដៃគ្នាជាមួយសមាគមធនាគារនៅកម្ពុជា ដើម្បីលើកកម្ពស់ចំណេះដឹងហិរញ្ញវត្ថុយុវជន

ព័ត៌មានអន្ដរជាតិ៣ ម៉ោង មុន

Breaking News! ប្រធានាធិបតី វៀតណាម ប្រកាសលាលែងពីតំណែង

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៤ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម