មាន​អារម្មណ៍​ថា មេដឹកនាំ​មាន​ចរិត​លំអៀង​?
Connect with us
Helistar Cambodia - Helicopter Charter Services

អាជីព

មាន​អារម្មណ៍​ថា មេដឹកនាំ​មាន​ចរិត​លំអៀង​?

Published

on

ភាព​លំអៀង​ និង​យុត្តិធម៌​ជា​វិញ្ញាសា​ពិបាក​មួយ​សម្រាប់​អ្នកដឹកនាំ​ទូទៅ ព្រោះ​មិន​ថា គាត់​ជា​ចៅហ្វាយនាយ​ដ៏​អស្ចារ្យ​បំផុត ក៏​អាច​ត្រូវ​អ្នកណាម្នាក់​មើល​ឃើញ​ថា​អយុត្តិធម៌​ដែរ​។​

នយោបាយ​ការងារ និង​ឋានានុក្រម​សាជីវកម្ម​ពេលខ្លះ​អាច​បង្ហាញ​នូវ​រូបភាព​អយុត្តិធម៌ ហើយ​ជា​ការ​ពិត​ធ្វើ​ឲ្យ​មាន​ការ​ខកចិត្ត​សម្រាប់​មនុស្ស​ខ្លះ តែ​បែរជា​ពេញចិត្ត​សម្រាប់​មនុស្ស​ខ្លះ​អាស្រ័យ​តាម​ការយល់ឃើញ​របស់​ពួកគេ​។

ចំណែក​ការ​ដោះស្រាយ​ជាមួយ​បញ្ហា​នេះ ត្រូវ​ការ​យក​មនុស្ស​ដែល​មាន​សុខភាព​ផ្លូវចិត្ត​រឹងមាំ​មក​ជួយ ចំណែក​បើ​បុគ្គលិក​ដែល​គិត​បែប​នោះ គួរតែ​សង្កេតមើល​ដែរ​ថា​តើ​ខ្លួន​គេ​នោះ​មាន​បញ្ហា​ច្រណែន ជា​ផល​នៃ​គំនិត​អវិជ្ជមាន ឬ​ថៅកែ​ពិតជា​កំពុង​លំអៀង​ព្រោះ​ស្រលាញ់​ឬ​ស្អប់​។​

​ការសិក្សា​ថ្មី​មួយ​ដែល​ធ្វើឡើង​ដោយ​ក្រុមហ៊ុន​ចំនួន ២០០០ នាក់​បាន​បង្ហាញថា ៤៩ ភាគរយ​នៃ​បុគ្គល​ឈប់​ពី​ការងារ​ដោយសារតែ​អ្នកគ្រប់គ្រង​របស់​ពួកគេ ហើយ ២៤ ភាគរយ​ទៀត​ធ្លាប់​មាន​សុបិន​អាក្រក់​ដោយសារ​អ្នកគ្រប់គ្រង​របស់​ពួកគេ​លំអៀង និង​រំខាន​ដំណេក​របស់​ពួកគេ​ដោយ​សម្ដី​ឬ​ឥរិយាបថ​ដ៏​ឈឺចាប់​។​

​ការសិក្សា​ក៏បាន​បង្ហាញ​ថា​អ្នកចូលរួម ២៦ ភាគរយ​បាន​ស្វែងរក​ការ​គាំទ្រ​ផ្នែក​សុខភាព​ផ្លូវចិត្ត​ហើយ ១៩ ភាគរយ​ទៀត​បាន​ស្នើសុំ​ផ្លាស់ប្ដូរ​ក្រុម​។​

​លោក អេលលី ហ្គ្រីន​អ្នក​ជំនាញ​ខាង​ធនធានមនុស្ស បាន​និយាយ​ថា​ក្នុងចំណោម កម្មករ និយោជិក​ដែល​មាន​ទុក្ខ​កង្វល់​ពី​ភាព​លំអៀង មាន​៥ ភាគរយ ដែល​មាន​បញ្ហា​តាម​សម្គាល់​អ្នកគ្រប់គ្រង​ស្រង់​រក​កំហុស​គាត់ ជាជាង​ប្រឹង​បង្កើន​សមត្ថភាព​ខ្លួន​។​

ដើម្បី​ដោះស្រាយ​ស្ថានការណ៍​នេះ ក្រុមហ៊ុន​គួរតែ​បង្រៀន​ជំនាញ​ទន់​សំខាន់ៗ និង​ជា​បន្តបន្ទាប់​ដល់​បុគ្គលិក​រួមមាន​៖

១ កុំ​ប្រៀបធៀប​

​ក្នុងនាម​ជា​និ​យោ​ជិ​ក កុំ​បន្ទោស​ខ្លួនឯង កុំ​តាម​សម្គាល់​អ្នកដទៃ ហើយ​កុំ​ចាត់ថ្នាក់​វាយតម្លៃ​អ្វីៗ​ដោយ​ស្វ័យប្រវត្តិ ព្រោះ​ថៅកែ​និង​អ្នកជា​មនុស្ស​ដូចគ្នា មិន​អាច​គិត​អ្វី​បាន​ល្អឥតខ្ចោះ​ហើយក៏​មិន​យល់​ពី​អារម្មណ៍​មនុស្ស​គ្រប់គ្នា​បាន​ល្អ​ម៉ត់ចត់​គ្រប់​ពេល​ឡើយ​។ អ្វី​ដែល​យើង​អាច​ធ្វើ​បាន និង​ល្អ​បំផុត ក្នុងនាម មិត្ត​រួមការ​ងារ​និង​ជា​និយោជិក គឺ​ធ្វើ​ការងារ​ខ្លួន​ឲ្យ​បាន​ល្អ​ហើយ​ពេលនោះ​ប្រសិន​ឱកាស​ខាងក្នុង​មិន​មាន​សម្រាប់​យើង ឱកាស​ខាងក្រៅ​នឹង​ស្វាគមន៍​យើង​។ ការ​ប្រៀបធៀប​ដោយ​បង្អន់ល្បឿន​ខ្លួនឯង ជា​ការ​សម្លាប់​អនាគត​នៃ​អាជីព​ខ្លួន​ដោយ​អវិជ្ជមាន​។

២ ផ្ដោត​អារម្មណ៍​

​មេដឹកនាំ អ្នក​គ្រាន់តែ​ជា​អ្នក​រួម​ការងារ​ដែល​មាន​ឋានៈ​និង​ការទទួលខុសត្រូវ​ខ្ពស់​ជាង មិនមែន​ជា​ឪពុកម្ដាយ​ទេ ពួកគេ​មិន​មាន​កាតព្វកិច្ច​ចិញ្ចឹម​បីបាច់​គ្រប់គ្នា​ឡើយ ព្រោះ​បុគ្គលិក​ជា​មនុស្ស​ធំ ហើយ​ពួកគេ​គួរ​អាច​បំពេញ​តួនាទី​បាន​ដោយ​គ្មាន​ការគ្រប់គ្រង ដោយ​ឯករាជ្យ និង​ដោយ​វិធី​ដែល​អាច​លើកទឹកចិត្ត​ខ្លួនឯង​បាន​ច្រើន កម្ចាត់​គំនិត​អវិជ្ជមាន​។​

៣ និយាយ​គ្នា​ដោយ​ចំហ

​ទោះបីជា​រឿង​នេះ​មើល​ទៅ​ដូចជា​គួរ​ឲ្យ​ខ្លាច​ក៏ដោយ សូម​បង្រៀន​មនុស្ស​ឱ្យ​លើកឡើង​ពី​អ្វី​ដែល​ពួកគេ​ចង់បាន ឬ​សាកសួរ​បំភ្លឺ ពី​អ្វី​ដែល​ពួកគេ​គិត ។ មានការ​សន្ទនា​ច្រើន​ត្រង់​ទៅ​ត្រង់​មក​នៅ​អង្គភាព​គឺជា​គោលដៅ​ដោះស្រាយ​បញ្ហា​ផង ជាមួយ​នឹង​ការ​សម្គាល់​សុខភាព​ផ្លូវចិត្ត​ភាគី​ទាំង​សង​ផង​បាន​ល្អ​ផង​។

៤ ធ្វើ​ចិត្ត​ទូលាយ

​ពេលខ្លះ​ថៅកែ​ពិបាក​ក្នុង​ការ​ប្រាប់​ត្រង់ៗ​ថា អ្នកជា​មនុស្ស​ចិត្ត​ចង្អៀត ចំណែក​ម្នាក់ទៀត ឱកាស​មិនល្អ​ក៏​ព្រម​សាក ឱកាស​ល្អ​ក៏​សក្ដិសម​។ ពេលខ្លះ​អ្នកជា​មនុស្ស​ប្រភេទ​ណា យើង​មិន​ធ្លាប់​សម្លឹង​ខ្លួនឯង​ពី​រង្វង់​ខាងក្រៅ​ឃើញ​ទេ ព្រោះ​យើង​តែង​ការពារ​ខ្លួន​យើង​។ ពេល​យើង​លោភ​តែ​ជាមួយ​ពេលវេលា​មាស​ហើយ​សមរភូមិ​ពិបាក​យើង​មិន​ហ៊ាន​លះបង់​យើង​និយាយ​តែ​ពី​រឿង​លុយ​និង​លាភ តើ​អ្នកណា​ចង់​ផ្ដល់​ឱកាស​ឱ្យ​យើង ហើយ​អ្នកណា​សន្យា​ថា​យើង​នឹង​មិន​កេង​ចំណេញ​លើ​ឱកាស​នោះ​ទៅ​អនាគត​៕

ប្រែសម្រួល ៖ សុភា​

ប្រភព ៖ womanandhome

ចុចអាន៖កំហុសធំៗ៦ ដែលយើងតែងធ្វើហួស កាលនៅវ័យក្រោម​៣០ឆ្នាំ

ចុចអាន៖គួរ​ឈប់​ជា​បន្ទាន់! ទង្វើ​ធម្មតា​ៗ​ដែល​កំពុង​បំផ្លាញ​​ផែន​ដី​​ដោយ​មិន​ដឹង​ខ្លួន

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សុខភាព6 hours ago

សារ៉ាយសមុទ្រ ផលិតផលបំប៉នសុខភាព គ្មានប្រសិទ្ធភាពព្យាបាលជំងឺ…ទេ

កីឡា8 hours ago

សឹង​មិន​គួរ​ឲ្យ​ជឿ ! កីឡាករ​ទម្ងន់​ធ្ងន់​កូរ៉េខាងត្បូង Kang Ji Won ផ្ដួល​ជើង​ខ្លាំង​អ៊ីរ៉ង់ Aliakbari ត្រឹម​ទឹក​ទី​១

ព័ត៌មានជាតិ8 hours ago

ដំណឹងល្អ!! ​មន្ត្រី​រាជការ​និង​បុគ្គលិកផ្តល់​សេវាកម្ម​ដឹក​ជញ្ជូន​តាម​ផ្លូវ​អាកាស​ អាច​ទៅ​ចាក់​វ៉ាក់សាំង​នៅ​មន្ទីរពេទ្យ​រដ្ឋ​

ព័ត៌មានជាតិ8 hours ago

អភិបាលខេត្ត​ព្រៃវែង​សម្រេច​ផ្អាក​ជា​បណ្តោះអាសន្ន កម្មវិធី​អាពាហ៍ពិពាហ៍ និង​ពិធីជប់លៀង​ផ្សេងៗ

ចរាចរណ៏9 hours ago

គោយន្ត​កែច្នៃ​ជ្រុល​ទៅបុក​ម៉ូតូ​ បណ្ដាល​ឲ្យ​មនុស្ស​២​នាក់​បាន​ស្លាប់ និង ៤​នាក់​ទៀត​របួសធ្ងន់​ស្រាល​

Sokha Hotels

ព័ត៌មានពេញនិយម

Helistar Cambodia - Helicopter Charter Services