Connect with us

អាជីព

៥ គន្លឹះ​ដើម្បី​កែលម្អ​​​យុទ្ធសាស្ត្រ​ទីផ្សារ​អាជីវកម្ម​ជោគជ័យ

បានផុស

នៅ

រាល់​អាជីវកម្ម​ទាំងអស់​ ​ត្រូវ​ការ​យុទ្ធសាស្ត្រ​ទីផ្សារ​ល្អ​ៗដើម្បី​ទទួល​បាន​អតិថិជន។ ស្ថាប័ន​ជា​ច្រើន​ដំណើរការ​យុទ្ធនាការ​ដូចៗ​គ្នា ​អស់​រយៈពេល​ជា​ច្រើន​ឆ្នាំ​ ហើយ​អតិថិជន​របស់​ពួកគេ​ចាប់ផ្ដើម​ធុញទ្រាន់។

ខាងក្រោម​នេះ​ ជា​គន្លឹះ​មួយ​ចំនួន​ដែល​ជួយ​ឱ្យ​យើង​ទទួល​បាន​អត្ថប្រយោជន៍​ច្រើន​បំផុត​ពី​ទីផ្សារ។

១. រកមើលដៃគូប្រកួតប្រជែង

ព្យាយាម​សម្លឹង​មើល ថា​តើ​បច្ចេកទេស​អ្វីខ្លះ​ដែល​គេ​កំពុង​ប្រើ​ដើម្បី​ទាក់ទាញ​អតិថិជន​ពួកគេ។ យុទ្ធសាស្ត្រ​របស់​ពួកគេ​អាច​នឹង​ដំណើរការ​សម្រាប់​អាជីវកម្ម​របស់​អ្នក​ផង​ដែរ​ ព្រោះ​ពួកគេ​កំពុង​កំណត់​គោលដៅ​អតិថិជន​ស្រដៀង​គ្នា។​ ប្រសិន​បើ​ពួកគេ​បង់​ប្រាក់​ដើម្បី​ផ្សាយពាណិជ្ជកម្ម​លើ​បណ្ដាញ​សង្គម​ជាក់លាក់​ណា​មួយ​ អ្នក​គួរ​តែ​ពិចារណា​ធ្វើ​ដូចគ្នា។ ឬ​ក៏​អាច​ទាញ​ទម្លាប់​ខ្លះ​របស់​ពួកគេ​សម្រាប់​អាជីវកម្ម​របស់​អ្នក​ផង​ដែរ។

២. ចងចាំថាអតិថិជនរបស់អ្នកតែងប្ដូរផ្លាស់

រាល់​ទីផ្សារ​កំពុង​បន្ត​ផ្លាស់ប្ដូរ​ ហើយ​យុទ្ធសាស្ត្រ​ទីផ្សារ​ចាំបាច់​ត្រូវ​ធ្វើ​បច្ចុប្បន្នភាព។ នេះ​អាច​មាន​ន័យ​ថា​ប្ដូរ​ពី​ការ​ផ្សាយ​ពាណិជ្ជកម្ម​ទៅ​ជា​ការ​ស្វែងរក​វិញ។ ការ​រក្សា​អ្វី​គ្រប់យ៉ាង​ឱ្យ​ទាន់សម័យ​ជាមួយ​នឹង​ការ​ផ្លាស់ប្ដូរ​នៅ​ក្នុង​ឧស្សាហកម្ម​អាច​ថា​ពិបាក​ ជា​ពិសេស​សម្រាប់​អាជីវកម្ម​ខ្នាត​តូច ​នោះ​ជា​មូលហេតុ​ដែល​អ្នក​គួរ​តែ​ពិចារណា​ជួល​ក្រុមហ៊ុន​ឯករាជ្យណាមួយ។ ស្វែងរក​គេហទំព័រ​​ដើម្បី​មើល​ពី​ចំណុច​វិជ្ជមាន​ដែល​ភ្នាក់ងារ​ទីផ្សារ​ឌីជីថល​អាច​ធ្វើ​បាន​សម្រាប់​យីហោ​របស់​អ្នក។

៣. មាតិកាទីផ្សារ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មាតិកា​ដែល​ពាណិជ្ជកម្ម​របស់​អ្នក​ផ្សព្វផ្សាយ​តាម​អ៊ីនធឺណិត ​មិនគ្រាន់​តែ​មាន​គោលបំណង​លក់​ប៉ុណ្ណោះ​ទេ។ វា​ក៏​អាច​បង្ហាញ​ថា ​ក្រុមហ៊ុន​របស់​អ្នក​គឺ​អាច​ទុកចិត្ត​បាន និងមាន​តម្លាភាព​នៃ​ភាព​ស្មោះត្រង់។ មិនថា​អ្នក​បង្ហោះ​វីដេអូ​ ប្លក់ ​ឬ​សារព័ត៌មាន​ណាមួយ ​វា​អាច​បង្កើត​ទំនាក់ទំនង​ជាមួយ​អ្នក​មើល ​និង​ទាក់ទាញ​ពួកគេ​បាន។  វត្តមាន​តាម​អ៊ិនធរណិត​របស់​ក្រុមហ៊ុន​ ពឹងផ្អែក​លើ​ខ្លឹមសារ​ដែល​ជា​មូលហេតុ​ដែល​ចាំបាច់​ត្រូវ​រៀបចំ​ផែនការ​បង្កើត​ និង​ចែករំលែក​សារ​តាម​អ៊ីនធឺណិត​ឲ្យ​បាន​ត្រឹមត្រូវ។

៤. បង់​ប្រាក់​ដើម្បី​ចុច​ផ្សាយ​ពាណិជ្ជកម្ម

មនុស្ស​រាប់​លាន​នាក់​ស្វែង​រក​របស់របរ​នៅ​លើ​អ៊ិនធរណិត​រៀង​រាល់​ថ្ងៃ​នេះ​ជា​មូលហេតុ​នៃ​ការ​បង់​ប្រាក់​ក្នុង​ការផ្សាយពាណិជ្ជកម្ម​ ដែលទទួល​បាន​ប្រជាប្រិយភាព​។ វា​អាច​ធ្វើ​ឱ្យ​ពាណិជ្ជកម្ម​របស់​អ្នក​មើល​ឃើញ​នៅ​លើ​ទំព័រ​សំខាន់ៗ​នៃ​លទ្ធផល​ស្វែងរក​នីមួយៗ។ ផ្នែក​ល្អ​បំផុត​គឺ​ថា​អ្នក​ត្រូវ​បង់​ប្រាក់​ប្រសិនបើ​មាន​នរណា​ម្នាក់​ចុច​លើ​គេហទំព័រ​របស់​អ្នក។

៥. ធ្វើបច្ចុប្បន្នភាពគេហទំព័រ​លើ​អ៊ិនធរណិត​

មកដល់​ចំណុច​នេះ​អ្នក​អាច​យល់​ដឹង​ពី​សារៈសំខាន់​នៃ​ប្រព័ន្ធ​ផ្សព្វផ្សាយ​សង្គម​ក្នុង​យុទ្ធនាការ​ទីផ្សារ​ខ្លះៗ​ហើយ។ មាន​គណនី​តែ​មួយ​គឺ​មិន​គ្រប់គ្រាន់​ទេ ​គួរតែ​ធ្វើ​បច្ចុប្បន្នភាព​នៃ​ផលិតផល​ឲ្យ​បាន​ទៀងទាត់។ ប្រកាស​ប្រាប់​មុខងារ​ថ្មីៗ​នៃ​អាជីវកម្ម​របស់​អ្នក ​និង​ការ​ផ្លាស់ប្ដូរ​ផ្សេង​ទៀត​ឲ្យ​បាន​ទៀងទាត់។ ត្រូវ​ប្រាកដជា​អតិថិជន​នឹង​ដឹង​ពី​អ្វី​ដែល​កំពុង​កើតឡើង ​ទាំង​អាសយដ្ឋាន ​ពេលវេលា​ វេបសាយ​ទំនាក់ទំនង​នឹង​រូបភាព​បច្ចុប្បន្ន ៕

ប្រែសម្រួល៖ សាង ស្រីល័ក្ខ

ចុចអាន៖ អ្នក​រកស៊ីមានទង្វើទាំងនេះ កុំសង្ឃឹមមានភ្ញៀវចូលហាង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៧ ម៉ោង មុន

អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ

ព័ត៌មានជាតិ២៣ ម៉ោង មុន

រដ្ឋមន្ត្រីក្រសួងព័ត៌មាន ស្នើអ្នកសារព័ត៌មាន MMO  ឈប់បង្ហោះវីដេអូជនដៃដល់ស្រី ស៊ីណា បាញ់ជនរងគ្រោះ

សន្តិសុខសង្គម១០ ម៉ោង មុន

ស្ដ្រីបង្ហោះវីដេអូ ភ្ជាប់សំឡេងផ្ទុះអាវុធ ត្រូវបាននគរបាលខេត្តសៀមរាប ហៅមកសួរនាំ

សេដ្ឋកិច្ច៤ ម៉ោង មុន

មន្ត្រីគយ នគរបាល ចុះផ្សព្វផ្សាយ ភាពខុសគ្នារវាងទំនិញមានពន្ធ និងទំនិញគេចពន្ធ

សន្តិសុខសង្គម១ ម៉ោង មុន

ជនល្មើស ស្រី ស៊ីណា ជាប់សំណុំរឿង២ អាចជាប់ពន្ធនាគារ ពី ២០ ទៅ ៣០ ឆ្នាំ

Sokha Hotels

ព័ត៌មានពេញនិយម