Connect with us

អាជីព

នៅជាមួយចៅហ្វាយប្រភេទនេះ ជីវិតកុំសង្ឃឹមបានថ្កើង

បានផុស

នៅ

ពាក្យថាមេក្រុម ឬអ្នកដឹកនាំក្រុមម្នាក់ គឺមានន័យគ្រប់គ្រាន់ថាអ្នកមានទំនួលខុសត្រូវប៉ុណ្ណាទៅលើក្រុមការងារតាមផ្នែករបស់ក្រុមការងារ។ ថ្ងៃនេះ KPT Plus សុំមិនបង្ហាញពីអត្តចរិត ឬចំណុចល្អនៃមេដឹកនាំជោគជ័យទេ សុំនិយាយពីមេដឹកនាំ ដែលនាំឲ្យក្រុមហ៊ុនចំណាយប្រាក់ខែអត់ប្រយោជន៍ ខាតពេលវេលា ថែមទាំងអ្នកនៅក្រោមឱវាថ គ្មានភាពរីកចម្រើនថែមទាំងផង។ ចង់ដឹងថាចរិតមេ ដែលធ្វើឲ្យគេសាំចិត្តមានចំណុចអីខ្លះទេ?

ទុកកូនចៅដូចអ្នកបម្រើ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ធ្វើជាអ្នកដឹកនាំក្រុម ឬកាន់តំណែងជាប្រធានផ្នែកណាមួយ អ្នកមិនគួរចាត់ទុកកូនចៅដូចជាអ្នកចម្រើ ឬបែងចែកវណ្ណៈនោះទេ។ ត្រូវចាំថា បុគ្គលិកក្រោមឱវាទ គេធ្វើការដើម្បីប្រាក់ខែ គេមិនបានធ្វើការទៅសុំអង្វរយកលុយពីប្រធានពួកគេនោះទេ។

អត្តចរិតអវិជ្ជមាន

គ្រប់បុគ្គលិកក្រោមការគ្រប់គ្រងពីប្រធានពួកគេ គឺពួកគេដឹងច្បាស់ណាស់ថា ប្រធានទាមទារលទ្ធផលការងារស្ដង់ដារខ្ពស់។ ដូច្នេះពេលពួកគេបញ្ចេញយោបល់ សូមយកពេលពិចារណាលើគំនិតពួកគេបន្តិចទៅ កុំអវិជ្ជមានលើគំនិតអ្នកដទៃពេក។

ខ្ជិល

អាកប្បកិរិយាមើលទៅដូចជារវល់រកពេលដកឃ្លាមិនបាន តែលទ្ធផលដូចជាមិនបានឃើញអ្វីជាដុំកំភួនសោះ។ មកដល់ចំណុចមានរឿងពី ប្រហែលជាមេប្រភេទនេះ ធ្វើជារវល់ ឬក៏រវល់ខុសរឿង ហើយរង់ចាំតែលទ្ធផលកូនចៅយកមកមើល ដោយមិនមានបង្ហាត់បង្ហាញ ឬពន្យល់ណែនាំ ដើម្បីបានលទ្ធផលល្អនោះទេ។ មេបែបនេះ កុំយកខ្លួនក្បែរ គ្មានបានចំណេញអីទេ បានត្រឹមតែកំហុស ហើយលទ្ធផលមិនល្អ ទាញដាក់កូនចៅ។

អួតពីខ្លួនឯង

អួតមាន ២ ចំណុច។ ទី១ អួតពីខ្លួនឯងរៀនបានខ្ពស់ ទី ២ អួតពីកន្លែងធ្វើការចាស់ ឬបទពិសោធន៍ទៅក្នុងកាន់ក្រុមការងារ ថែមទាំងខ្លួនឯង ហាក់បីដូចជាបង្ហាញទៅមនុស្សគ្រប់គ្នាថា បទពិសោធន៍ដែលមេបានលើកមកនិយាយនោះ ដូចជាមិនមែនជាការពិត។ ប្រហែលជាគាត់ទទួលបានការងារមេធំ ដោយសារតែពូកែ ច្រៀងដាក់ថៅកែ ទើបបានការងារ។

មកធ្វើការយឺត

ទៅធ្វើការមុនគេ មិនមែនជាអត្តចរិតអន់អីនោះទេ បើអ្នកទៅដល់ការិយាល័យមុនគេនោះ។ ផ្ទុយទៅវិញ នេះជាពេលវេលាល្អដែលអាចឲ្យអ្នកបានរៀបចំការងារប្រចាំ និងបានដឹងពីឥរិយាបថក្រុមការងារពេលព្រឹកព្រលឹមថែមទៀតផង។

ចេញមុនគេ

អាងតែខ្លួនមេ ចង់ចេញពីធ្វើការពេលណាក៏បាន។ នេះជាទម្លាប់អាក្រក់មួយ ដែលមេក្រុមភាគច្រើន តែងលេចចេញដោយមិនដឹងខ្លួន។

គ្មានការលើកទឹកចិត្ត

មេអាក្រក់ តែងមានចិត្តមិនសូវចែករំលែក សូម្បីរឿងតូចតាចដូចជា ការបង្ហាត់បង្ហាញពីការងារ និយាយលើកទឹកចិត្ត គម្រោងឆ្នាំថ្មីជាដើម។ អ្នកនឹងធុញនឹងការងារបើអ្នកក្រោកពីព្រលឹម ដឹងត្រឹមថា ថ្ងៃនេះធ្វើការពីព្រឹក ល្ងាចឡើងមកផ្ទះវិញ។ រាល់គំនិតរបស់អ្នក ត្រូវបានលាក់ទុក ឬត្រូវបានគេច្រានចោល។

រអ៊ូររទាំ

បញ្ហាមកដល់ម្ដងៗ ការស្វះស្វែងរកដំណោះស្រាយ ហាក់បីដូចជាឆ្លេឆ្លា បន្ទោសគេឯង គ្មានមូលដ្ឋានច្បាស់លាស់។ មេដឹកនាំរបៀបនេះ អ្នកគេហៅថាខ្សោយលំដាប់ VIP ហើយបានចោទជាសំនួរថា តើពួកគេក្លាយជាមេដឹកនាំដោយរបៀបណា? ហេតុអ្វីរឿងរ៉ាវតូចតាចមួយ ចាំបាច់ស្មុគស្មាញដល់ថ្នាក់ឲ្យគេឯងមករវល់ជាមួយ?

អង្គុយចាំមើលសកម្មភាពគេ

មេអាក្រក់ គឺជាមេដែលមានពេលទំនេរទៅតាមឃ្លាំមើល ក្រុមការងារថាកំពុងធ្វើអ្វី លួចឆាតលេង លួចស្ដាប់ចម្រៀង ឬក៏កត់ចំណាំរឿងតូចៗផ្សេងៗ។ បើគេជួលមេមកមើលការងារបែបនេះ គេប្រហែលជាត្រូវការអ្នកប្រាក់ខែល្មម នឹងអង្គុយមើលការមេរ៉ាសុវត្ថិភាពបានហើយ មិនបាច់មករកអ្នកដឹកនាំអីនោះទេ។ មេគេល្អ គឺគេមិនខ្វល់ សំខាន់គឺលទ្ធផលការងារក្រុមល្អ។

និយាយរឿងអាក្រក់ពីក្រុមហ៊ុនទៅក្នុងក្រុមការងារ

មនុស្សខ្លះ រឿងល្អក្នុងក្រុមហ៊ុនមាន ១០០ រឿង តែលើកយករឿងអាក្រក់ ពីរឬបីរឿងមកនិយាយ ដែលជាហតុនាំឲ្យបុគ្គលិកក្រោមថ្នាក់ដឹកនាំ មានការអាក់អន់ចិត្ត ឬគិតថាក្រុមហ៊ុនគ្មានស្ថេរភាព។ បើក្រុមហ៊ុនមិនល្អ ហេតុអ្វីមិនព្រមរកវិធីជួយឲ្យក្រុមហ៊ុនល្អ បើគ្មានវិធីជួយទេ អ្នកគួរតែដើរចេញ ហើយបើនៅតែចង់បានប្រាក់ខែជាមេមិនអាចជួយអីបានក៏បានដែរ តែសូមកុំនិយាយរឿងអាក្រក់ពីក្រុមហ៊ុនអី។

និយាយពីចំណុចខ្សោយរបស់អ្នកឱវាទ

ជាធម្មតាមនុស្សអាយុច្រើនតែងមានបទពិសោធន៍ជាកូនចៅ នេះជាចំណុចមួយដែលមិនអាចប្រកែកបាន។ មេអាចនឹងឃើញចំណុចខ្សោយរបស់កូនចៅបានរហ័ស តែបើឃើញហើយ យកចំណុចនេះទៅវាយប្រហារបុគ្គលិកខ្លួន នេះជាទង្វើធូរថ្លៃមួយ ដែលមិនអាចប្រកែកបានដូចគ្នា។

គ្មានផែនការច្បាស់លាស់

និយាយពីរឿងធ្វើការ អួតប្រាប់កូនចៅថាធ្វើបាននេះ ធ្វើបាននោះ តែផែនការងារគ្មានអីពិតប្រាកដនោះទេ។ និយាយរួមបានត្រឹមតែនិយាយ ការអនុវត្តវិញសូន្យពិន្ទុ។ មេដឹកនាំរបៀបនេះ តែងមានលេសច្រើន ពេលគេសួរពីផែនការម្ដងៗ តែលើកយកបញ្ញាធនធានសម្ភារៈ ធនធានមនុស្សក្នុងក្រុម មកធ្វើជារនាំងការពារខ្លួន ថាបើមានផែនការគ្មានមនុស្សធ្វើ តើធ្វើដើម្បីអ្វី? នេះគ្រាន់តែជាលេសប៉ុណ្ណោះ។ អ្នកត្រូវចាំថា ថៅកែអ្នកមិនខ្លាចនឹងថែមមនុស្សជួយការងារក្រុមរបស់អ្នកនោះទេ បើអ្នកមានផែនការពិតប្រាកដ ហើយអ្នកមានទំនួលខុសត្រូវលើផែនការ ក្នុងការសម្រេចលទ្ធផលជូនក្រុមហ៊ុន។

នេះគ្រាន់តែចំណុចត្រួសៗប៉ុណ្ណោះពីអត្តចរិតមេមិនល្អ។ នៅមានចំណុចជាច្រើនទៀត ដែលអ្នកអាចនឹងជួបប្រទះក្រៅពីចំណុចខាងលើនេះ។ សូមប្រាប់ KPT Plus ផង បើអ្នកមានចំណុចផ្សេងទៀត!

ប្រែសម្រួល៖ តុងឡុង

ប្រភព៖ humanresourcesonline , engagedly

ចុចអាន៖ ៦ យ៉ាងដែលមិនសមរម្យនឹងនិយាយនៅកន្លែង​ការងារ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៦ ម៉ោង មុន

សមត្ថកិច្ច​ឃាត់​បុរស​ម្នាក់ ពាក់ព័ន្ធ​ករណី​យក​ពូថៅ​វាយ​​អតីត​ប្រពន្ធ និង​អតីត​ម្ដាយក្មេក នៅ​ស្រុក​កងមាស

ព័ត៌មានជាតិ៦ ម៉ោង មុន

ក្រសួង​ការងារ និង​ ក្រសួង​ប្រៃសណីយ៍ ចុះ​អនុស្សរណៈ​កិច្ច​សហប្រតិបត្តិការ​ដាក់​ឱ្យ​ប្រើ​ថ្នាល​ផ្ទៀងផ្ទាត់​ឯកសារ (verify.gov.kh) និង​ជំរុញ​ការ​ធ្វើ​បរិវត្ត​កម្ម​ឌីជីថល

ព័ត៌មានជាតិ៧ ម៉ោង មុន

លោក ឧកញ៉ា អ៊ឹង វណ្ណ​ម៉ៅ ក្លាយជា​ប្រធាន សភាពាណិជ្ជកម្ម​ខេត្តបន្ទាយមានជ័យ​ អាណត្តិ​ទី៣ លើក​ទី​១ ក្រោយពី​មានការ​បោះឆ្នោត​ពេញ​១​ថ្ងៃ

ព័ត៌មានជាតិ៧ ម៉ោង មុន

របាយការណ៍របស់សហជីព និងអង្គការសង្គមស៊ីវិលឯករាជ្យ ត្រូវតែមានលក្ខណៈវិទ្យាសាស្ត្រ មិនលំអៀង និងមានភាពជាតំណាងគ្រប់គ្រាន់

ព័ត៌មានជាតិ៧ ម៉ោង មុន

លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ

សន្តិសុខសង្គម១៩ ម៉ោង មុន

អ្នកឧកញ៉ា ជា រតនា គាំទ្រការរិះគន់លើបុគ្គលជាឧកញ៉ាប្រព្រឹត្តខុសច្បាប់តែស្នើកុំរិះគន់ទៅលើគោរមងារ

សន្តិសុខសង្គម១០ ម៉ោង មុន

ព័ត៌មានបឋម! ជនមិនស្គាល់មុខចាក់សម្លាប់​យុវជនម្នាក់នៅផ្ទះជួលជាន់ទី៣

ព័ត៌មានអន្ដរជាតិ២០ ម៉ោង មុន

ការវាយប្រហារភេរវកម្មបណ្តាក់គ្នាដ៏រន្ធត់នៅរុស្ស៊ី ផ្តាច់ជីវិតមនុស្សរាប់សិបនាក់

ព័ត៌មានជាតិ៧ ម៉ោង មុន

លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ

ព័ត៌មានអន្ដរជាតិ១៩ ម៉ោង មុន

ធម្មយាត្រា Hajj ក្រោមកម្តៅថ្ងៃជិត ៥២អង្សា, មនុស្សស្លាប់កើនដល់ជាង ១ ៣០០នាក់

Sokha Hotels

ព័ត៌មានពេញនិយម