អាជីព

៥ ចំណុច អ្នករកស៊ីខ្លាំងតែងជឿជាក់ និងអនុវត្តជាប្រចាំ

បានផុស

៦ years មុន

នៅ

ថ្ងៃអង្គារ ២ មិថុនា ២០២០

ដោយ

Sonya

មានការប្តេជ្ញាចិត្តឥតឈប់ឈរ មានឆន្ទៈខ្ពស់ ក្នុងការលះបង់ ដែលការពិតនេះជាគុណភាពនៃគំនិតអាជីវកម្ម។

ខាងក្រោមនេះជាការចែករំលែកនូវ ៥ ដែលសហគ្រិនជោគជ័យបានធ្វើ។

១. រាល់ការបរាជ័យគឺជាឱកាសមួយ

រាល់ការបរាជ័យ ទោះបីធំឬឈឺចាប់យ៉ាងណាក៏ដោយ ក៏នឹងមិនធ្វើឱ្យប៉ះពាល់ដល់កម្លាំងផ្លូវចិត្តរបស់អ្នកជំនួញខ្លាំងដែរ ព្រោះគេតែងចាត់ទុកវាជាឱកាសប៉ុណ្ណោះ។ សហគ្រិនជោគជ័យស្ទើរតែទាំងអស់សូត្ធតែឆ្លងកាត់ការបរាជ័យគ្រប់គ្នា។ ប៉ុន្តែគេមិនបោះបង់ និងប្តេជ្ញាចិត្តរៀនសូត្រ ក៏ដូចជាទទួលយកបទពិសោធន៍ទាំងនោះ ហើយបន្តរីកចម្រើននៅក្នុងវិស័យរបស់ខ្លួន មិនថាដួលប៉ុន្មានដង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២. ការត្អូញត្អែរនឹងមិនធ្វើឱ្យទៅបានឆ្ងាយឡើយ

ប្រសិនជួបប្រទះការលំបាក ជាជាងខ្ជះខ្ជាយពេលវេលាដើម្បីត្អូញត្អែរ សហគ្រិនជោគជ័យរមែងប្រមូលអារម្មណ៍សម្រាប់ស្វែងយល់ច្បាស់ពីមូលហេតុដែលខ្លួនបរាជ័យនិងជ្រើសរើសរកវិធីដែលអាចជៀសវាងពីកំហុសដដែលៗនាពេលអនាគត។

៣. ការលំបាក ជាគន្លឹះចាំបាច់សម្រាប់ភាពជោគជ័យ

អ្នករកស៊ីពូកែ តែងតែរុញច្រានខ្លួនឯងទៅស្វែងយល់ពីពិភពខាងក្រៅទាក់ទិនអាជីវកម្មរបស់ខ្លួន ដើម្បីការរីកលូតលាស់ដូចសហគ្រិនដទៃ។ គេរៀនពីបទពិសោធន៍នៅខាងក្រៅ និងព្យាយាមរកវិធីសាស្រ្តថ្មី ទៅអនុវត្តក្នុងអាជីវកម្មរបស់ខ្លួន។

៤. ប្រថុយប្រថាន

សហគ្រិនខ្លាំងម្នាក់ ហ៊ានប្រថុយប្រថាន និងទទួលយកហានិភ័យ។ ព្រោះអ្វី? ព្រោះមនុស្សខ្លាច មិនអាចដើរឆ្ពោះទៅមុខបានឡើយ។ ហេតុនេះទើបគេតែងតែក្រោកឡើងម្ដងហើយម្ដងទៀត បើទោះដួលប៉ុន្មានដង ឬជួបព្យុះភ្លៀងបែបណាក៏ដោយ។

៥. ផ្ដល់ទំនុកចិត្តលើខ្លួនឯង

ភាពជោគជ័យរបស់អ្នកជំនួញគ្រប់គ្នា ត្រូវបានទទួលបូកផ្សំជាមួយនឹងជំនឿជាក់ ក៏ដូចជាផ្ដល់ទំនុកចិត្តលើសមត្ថភាពរបស់ខ្លួនដើម្បីយកឈ្នះលើឧបសគ្គផងទាំងឡាយ។ គេមិនទម្លាប់ប្រើលេសពីនេះពីនោះទេ ផ្ទុយទៅវិញគេជាបុគ្គលដែលជម្រុញខ្លួនឯងជានិច្ច៕

ប្រែសម្រួល៖ មួង ពិសី

ចុចអាន៖ ៣ចំណុចជាឧបសគ្គក្នុងការបង្កើតយីហោ និងវិធីដើម្បីក្លាយជាម៉ាករឹងមាំអតិថិជនទុកចិត្ត