អាជីព

ចំណុចកំពូល នៃភាពជាអ្នកដឹកនាំ គឺ មិនសន្មត តែសាកសួរលំអិតសិន

បានផុស

៥ years មុន

នៅ

ថ្ងៃសុក្រ ១៥ មករា ២០២១

ដោយ

ការសន្មតអំពីមនុស្សណាម្នាក់ដោយមិនបានសាកសួរឲ្យសាមីខ្លួនមានឱកាសឆ្លើយឆ្លង តវ៉ា ជាការដឹកនាំដ៏អន់ថយ ត្រចៀកស្រាល មិនរីកចម្រើនហើយយូរទៅ ចំណុចនេះ អាចធ្វើឲ្យអន្តរាយដល់ទំនាក់ទំនងរបស់យើងជាមួយកូនចៅឈានទៅបំផ្លាញរូបភាពជាមេដឹកនាំល្អបាន។

នេះជាការពិតនៅក្នុងជីវិតអាជីព ដែលមេដឹកនាំជាច្រើនត្រូវបានដឹកនាំអារម្មណ៍ទៅរកការសន្មតដោយស្មានៗ ឬព្រោះសម្ដីមនុស្សខូចដែលមានចេតនាអាក្រក់។

«សន្មត»គឺការទទួលយកអារម្មណ៍សន្និដ្ឋានអ្វីមួយទុកថាជាការពិតដោយគ្មានសំណួរបញ្ជាក់ ឬភស្តុតាង។

មនុស្សនិយមសន្មតត់ ថានោះជាសេចក្ដីពិតប្រសិនបើ វាត្រូវនឹងការគិតរបស់ខ្លួនឯងទាំងមិនដឹងឡើយថាវាជាការសន្និដ្ឋានខុសនិងយុត្តិធម៌។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មេដឹកនាំល្អ តែងតែត្រូវការពេលវេលាដើម្បីពិនិត្យការពិត និងមានផាសុកភាពនៅពេលដែលការជជែកដេញដោលទាំងអស់ត្រូវបានធ្វើឡើងសិន ជៀសវាងកើតឡើងដោយភាគីណាមួយមិនដឹងខ្លួនដែលជាញឹកញាប់ជាអន្ទាក់របស់បុគ្គលិកអែបអបអាក្រក់ៗ ។ សូមអានហេតុផលខាងក្រោមដែលមេដឹកនាំល្អជៀសវាងការកាត់ក្ដីដោយសន្មត។

១ ការសន្មតបឋម ច្រើនតែខុស

ស្ទើរតែគ្រប់ពេលដែលយើងសន្មតថា អតិថិជនដឹងពីអ្វីដែលពួកគេចង់បានការពិតគឺ អត់ទេ ពួកគេចង់បានអ្វីដែលយើងអាចអួតបានល្អ។ ផ្នែកមួយនៃការទទួលបានជោគជ័យក្នុងការបង្កើនកម្មវិធីលក់ គឺការសង្កេតគំនិត កុំស្មានៗលើអតិថិជន ហើយកុំសន្មតថាគ្រប់គ្នាដឹងពីអារម្មណ៍ខ្លួនឯង ពេលដែលពួកគេចង់បានសេវាកម្ម ឬ ផលិតផល។ យើងត្រូវតែរៀបចំសិល្ប៍វិធី សម្រាប់ពួកគេដើម្បីផ្លាស់ប្ដូរគំនិតឬ បំភ្លឺការចង់បានយ៉ាងភ្ញាក់ផ្អើលដល់ពួកគេ។

២ សួរសំណួរឲ្យច្បាស់

ការសួរសំណួរពិតជាមានអានុភាព ហើយមានឥទ្ធិពលវិជ្ជមានជាច្រើនដូចជាយើងនឹងទទួលបានដំណឹង រៀនអ្វីថ្មីៗ ពង្រីកចំណេះដឹង បង្រៀនយើងអំពីមនុស្ស អំពីធម្មជាតិនៃការគិត ដែលយើងត្រូវនៅជាមួយ និងផ្ដល់ការបំភ្លឺ ជៀសវាងការស្មានខុស។ សំនួរធ្វើឲ្យយើងយល់ពីបញ្ហាច្បាស់ជាងការប៉ាន់ស្មាន ហើយទាក់ទងនឹងភាគបែងរួមមួយជាចំណុចចាប់ផ្ដើមនៃការសន្ទនាដ៏មានខ្លឹមសារប្រសិទ្ធភាព។

៣ ត្រូវប្រកួតប្រជែងលើអស្មិមានៈខ្លួនឯងមុនសម្រេចចិត្ត

បង្កើតបរិយាកាសសាកសួរខ្លួនឯងជានិច្ចថា តើការសម្រេចចិត្តនេះជាការសន្មត? តស៊ូមតិផ្លាស់ប្ដូរការសន្មតដោយខ្លួនឯង ហើយស្វែងរកព័ត៌មានមកគាំទ្រសិន ដូច្នេះលទ្ធផលមើលទៅខុសគ្នាឆ្ងាយពីទម្លាប់ពឹងលើអារម្មណ៍ម្នាក់ឯង។ ការជៀសវាងទម្លាប់សន្មត អាចជួយកំណត់អត្តសញ្ញាណនៃភាពមិនស៊ីចង្វាក់នានាក្នុងដំណើររឿងនិងក៏លក្ខណៈបុគ្គលិកដ៏អស្ចារ្យទាំងអស់នេះរបស់មេដឹកនាំម្នាក់ៗ៕

ប្រែសម្រួល ៖ ចម្រើន តារា

ប្រភព ៖ qriyo

ចុចអាន៖គ្រប់គ្នាជានាយកប្រតិបត្តិ នៃជីវិតខ្លួនឯង កុំរស់ព្រោះអ្នកដទៃ

ចុចអាន៖មូលហេតុដែលមិនគួរយកមិត្តភក្ដិ មកចូលធ្វើការជាមួយ ឬមកជាកូនចៅ

Related Topics:ភាពជាអ្នកដឹកនាំ