សន្តិសុខសង្គម

អាជ្ញាធរខណ្ឌឫស្សីកែវ បង្ក្រាបទីតាំងជល់មាន់អនឡាញ ១ កន្លែង និងនាំខ្លួនមនុស្ស ៧ នាក់ ធ្វើកិច្ចសន្យា

បានផុស

៥ ខែ មុន

នៅ

ថ្ងៃអង្គារ ១៣ មករា ២០២៦

ដោយ

កម្លាំងគណៈបញ្ជាការឯកភាពខណ្ឌឫស្សីកែវ បានឆ្មក់ចុះបង្ក្រាបទីតាំងបើកល្បែងស៊ីសង ប្រភេទជល់មាន់ អនឡាញ បង្កប់នៅហាងកាហ្វេ ១ កន្លែង ដែលបង្កភាពអនាធិបតេយ្យ និងដកហូតសម្ភារៈកុំព្យូទ័រ ព្រមទាំងនាំខ្លួនមនុស្ស ៧ នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងនាល្ងាចថ្ងៃទី ១៣ ខែមករា ឆ្នាំ ២០២៦ នេះ ដោយមានបទបញ្ជាពីលោក ជិន ប៊ុនធឿន អភិបាលខណ្ឌឫស្សីកែវ និងជាប្រធានគណៈបញ្ជាការឯកភាពរដ្ឋបាលខណ្ឌឫស្សីកែវ បានចាត់ឲ្យ លោក ឌន ដាវុឌ នាយករងរដ្ឋបាលខណ្ឌ ដឹកនាំកម្លាំងគណៈបញ្ជាការឯកភាពខណ្ឌ និងសង្កាត់ ចុះបង្ក្រាបទីតាំងហាងកាហ្វេបង្កប់ល្បែងស៊ីសង ១ កន្លែង ស្ថិតនៅភូមិក្រោលគោ សង្កាត់គីឡូម៉ែត្រលេខ ៦ ខណ្ឌឫស្សីកែវ រាជធានីភ្នំពេញ។

ក្នុងប្រតិបត្តិការនេះ ដកហូតបានកុំព្យូទ័រ ១ គ្រឿង បៀរ ១ ហ៊ូ ឃាត់ខ្លួនមនុស្សបាន ៦ នាក់ កំពុងប្រព្រឹត្តល្បែងស៊ីសង និងម្ចាស់ទីតាំង ១ នាក់ សរុប ៧ នាក់។

ក្រោយការចុះបង្ក្រាប លោក ឌន ដាវុធ បានឲ្យមន្ត្រីនគរបាលប៉ុស្តិ៍ ធ្វើកំណត់ហេតុ និងកិច្ចសន្យាដល់មនុស្សទាំង ៧ នាក់ ព្រមទាំងណែនាំឲ្យបញ្ឈប់ប្រព្រឹត្តល្បែងស៊ីសងតទៅទៀត។ បន្ទាប់ពីបានធ្វើកិច្ចសន្យានៅប៉ុស្តិ៍រដ្ឋបាលរួចមក ក៏បានអនុញ្ញាតពួកគាត់ត្រលប់ទៅកាន់លំនៅឋានរៀងៗ ខ្លួន ផងដែរ៕

អត្ថបទ ៖ សុភា