សន្តិសុខសង្គម

ឃាត់ខ្លួនជនសង្ស័យម្នាក់ ករណីធ្វើទារុណកម្មជនរងគ្រោះស្លាប់ រួចយកសពប្លុងចោល នៅលើផ្លូវបេតុង សង្កាត់ក្រាំងធ្នង់

បានផុស

៤ ខែ មុន

នៅ

ថ្ងៃសុក្រ ២០ មីនា ២០២៦

ដោយ

នគរបាលព្រហ្មទណ្ឌខណ្ឌសែនសុខ សហការជាមួយការិយាល័យកម្លាំងព្រហ្មទណ្ឌកម្រិតធ្ងន់-ស្រាល ស្រាវជ្រាវមិនដល់ ១២ ម៉ោងផង ឈានដល់ការបង្ក្រាប និងឃាត់ខ្លួនជនសង្ស័យម្នាក់ (ជាអ្នកបើករថយន្ត) ក្រោយធ្វើទារុណកម្មរហូតជនរងគ្រោះស្លាប់ រួចយកសពប្លុងចោលលើផ្លូវបេតុង នៅសង្កាត់ក្រាំងធ្នង់ កាលពីវេលាម៉ោង ១ និង ៣០ នាទីរំលងអធ្រាត្រ ថ្ងៃទី ១៧ ខែមីនា ឆ្នាំ ២០២៦ ថ្មីៗ នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចាប់ខ្លួននេះធ្វើឡើងកាលពីព្រឹកថ្ងៃទី ១៨ ខែមីនា ឆ្នាំ ២០២៦ ស្ថិតនៅចំណុចក្នុងបុរីភ្នំពេញថ្មី ភូមិព្រៃមូល សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ។ ជនសង្ស័យឈ្មោះ KE ZETAO ភេទប្រុស អាយុ ២៥ ឆ្នាំ ជនជាតិចិន (ជាអ្នកបើករថយន្ត) មុខរបរមិនពិតប្រាកដ ស្នាក់នៅផ្ទះជួលលេខ ៣២ បុរីភ្នំពេញថ្មី ផ្លូវបេតុង ភូមិសំរោងទាវ សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ (ឃាត់ខ្លួន គ្មានសារធាតុញៀន)។

នគរបាល បានឲ្យដឹងថា បន្ទាប់ពីបើកការស្រាវជ្រាវមិនដល់ ១២ ម៉ោងផង នៅថ្ងៃទី ១៨ ខែមីនា ឆ្នាំ ២០២៦ សមត្ថកិច្ចជំនាញបានកំណត់ទីតាំងជនសង្ស័យលាក់ខ្លួន នៅចំណុចក្នុងបុរីភ្នំពេញថ្មី ភូមិព្រៃមូល សង្កាត់ក្រាំងធ្នង់ ខណ្ឌសែនសុខ រហូតឈានដល់ការឃាត់ខ្លួនជនសង្ស័យម្នាក់ (ជាអ្នកបើករថយន្ត យកសពមកទម្លាក់ចោល)។

បច្ចុប្បន្ន សមត្ថកិច្ចបានបញ្ជូនជនសង្ស័យទៅកាន់អធិការដ្ឋាននគរបាលខណ្ឌសែនសុខ ដើម្បីបន្តចាត់ការតាមនីតិវិធីច្បាប់។ ចំណែកបក្ខពួក សមត្ថកិច្ចកំពុងធ្វើការស្រាវជ្រាវបន្ត៕

អត្ថបទ ៖ រដ្ឋា