សន្តិសុខសង្គម
អាជីវករជិត១០០នាក់ផ្ទុះការតវ៉ានៅមុខសាលាខេត្តសុំឲ្យអភិបាលខេត្តថ្មីជួយឲ្យពួកគាត់បន្តលក់ដូរកន្លែងដដែលវិញ
បាត់ដំបង ៖ អាជីវករផ្សារបឹងឈូកជិត១០០នាក់បានផ្ទុះការតវ៉ាហើយបានប្រមូលផ្តុំគ្នានៅមុខសាលាខេត្តសុំកិច្ចអន្តរាគមន៍ ខណៈអភិបាលខេត្តចាស់ផ្លាស់ទីតាំងលក់ដូររបស់ពួកគាត់ហើយពួកគាត់សុំបន្តនៅលក់កន្លែងដដែលមិនប្តូរទីតាំងថ្មីនោះទេ។
លោកអ៊ឹម សុវុទ្ធី ជាអាជីវករលក់បបរគុយទាវនិងអាជីវករទាំងអស់បានលើកឡើងប្រហាក់ប្រហែលគ្នាថា ការប្រមូលផ្តុំរបស់ពួកគាត់ជាក្រុមអាជីវករនាពេលនេះបានចាប់ផ្តើមនៅរសៀលថ្ងៃទី២២ ខែវិច្ឆិកាឆ្នាំ២០២១ ក្នុងគោលបំណងស្នើឲ្យលោកសុខ លូ អភិបាលខេត្តបាត់ដំបងទើបទទួលដំណែងថ្មី ជួយអន្តរាគមន៍ដល់ពួកគាត់ ដើម្បីបានលក់ដូរម្ហូបអាហារបន្លែផ្លែឈើត្រីសាច់នៅជុំវិញបរិវេណផ្សារបឹងឈូកដដែល ដោយមិនប្តូរទៅទីតាំងថ្មីនៅជាប់ចំណតរថយន្តបឹងឈូកក្នុងចម្ងាយ២០០ទៅ៣០០ម៉ែត្រពីគ្នានោះទេ។
អាជីវករបន្តថា ពួកគាត់បានលក់ដូរនៅលើទីតាំងចាស់ជុំវិញបរិវេណផ្សារជាយូរឆ្នាំមកហើយ មានអាជីវករសរុបប្រមាណជាង៦០០នាក់មានកន្លែងលក់ដូរទំហំធំសមរម្យ ខ្លះជាងមួយម៉ែត្រនិងខ្លះទៀតជាងពីរម៉ែត្រ ហើយលក់ដាច់ជាហូរហែអាចរកកម្រៃចិញ្ចឹមគ្រួសារបានល្អប្រសើរ។ ខណៈម្ចាស់ក្រុមហ៊ុនផ្សារតម្រូវឲ្យបងប្អូនអ្នកលក់ទាំងអស់ទៅលក់នៅកន្លែងកំណត់ថ្មីវិញចាប់ពីថ្ងៃទី២៥ ខែវិច្ឆិកា ខាងមុខនេះតទៅយកលេសថារៀបចំសណ្តាប់ធ្នាប់។
ពួកគាត់បន្តថា ចំពោះទីតាំងថ្មីគេកំណត់បែងចែកជា៣ទីតាំងឲ្យអាជីវករលក់ដូររីឯកន្លែងលក់វិញតូចចង្អៀតរកតែដាក់តាំងបន្លែផ្លែឈើត្រីសាច់មិនសមល្មមផងជាងនេះទៅទៀត ពួកគាត់ថា កន្លែងដែលបានផ្លាស់ប្តូរថ្មីនេះលក់ក៏មិនសូវដាច់នោះទេ លក់បានលុយត្រឹមតែ១ម៉ឺនរៀលទៅ២ម៉ឺនរៀលប៉ុណ្ណោះក្នុងមួយព្រឹកធ្វើឲ្យប៉ះពាល់យ៉ាងធ្ងន់ធ្ងរក្នុងការគ្រប់គ្រងក្នុងបន្ទុកគ្រួសាររបស់ពួកគាត់ដែលប្រហាក់ប្រហែលអាជ្ញាធរបានកាត់បន្ថយសេដ្ឋកិច្ចគ្រួសាររបស់ពួកគាត់អញ្ចឹងដែរ។
ជាលទ្ធផលលើបញ្ហាខាងលើនេះ ត្រូវបានអភិបាលរងខេត្តម្នាក់ទទួលបន្ទុកបានឲ្យមន្ត្រីរដ្ឋបាលខេត្តចេញមកឲ្យតំណាងអាជីវករចំនួន០៥នាក់ ដើម្បីឡើងជួប ប៉ុន្តែក្រុមអាជីវករមិនព្រមឡើងទៅជួបឡើយព្រោះចង់ជួបជាមួយលោក អភិបាលខេត្តផ្ទាល់មាត់។ ស្របពេលដែលអភិបាលខេត្តថាជាប់រវល់ការងារពួកគាត់ក៏សុខចិត្តរំសាយគ្នាសិនរង់ចាំជួបផ្ទាល់ជាមួយលោកអភិបាលថ្មីម្តងទៀតឲ្យខាងតែបាន៕
ដោយ ៖ សៅ សារិទ្ធ
-
ព័ត៌មានអន្ដរជាតិ១៣ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ