សន្តិសុខសង្គម
ចាប់បានឃាតករ សម្លាប់ជនពិការ ក្នុងពេលផឹកស៊ី
ខេត្តបាត់ដំបង÷ ជនរងគ្រោះដែលជាជនពិការស្វិតដៃជើងម្ខាង ដែលត្រូវបានជនដៃដល់ចាក់សម្លាប់កាលពីថ្ងៃទី២៦ខែវិច្ឆិកា កន្លងទៅថ្មីៗនេះ ពេលនេះសមត្ថកិច្ចបានតាមក្របួចឃាតករបានហើយមានគ្នាចំនួន៣នាក់ដែលជាប់ពាក់ព័ន្ធ។
លោកវរសេនីយ៍ទោសេង លុច អធិការនគរបាលស្រុកថ្មគោលបានបញ្ជាក់ប្រាប់ថា ក្រោយករណីឃាតកម្មខាងលើបានកើតឡើង កម្លាំងផ្នែកជំនាញបានចុះស្រាវជ្រាវភ្លាមៗឈានដល់ការឃាត់ខ្លួនបានជនសង្ស័យសរុបចំនួន៣នាក់បន្តបន្ទាប់តែម្តង ដើម្បីកសាងសំណុំរឿងបញ្ជូនទៅកាន់សាលាដំបងខេត្តចាត់ការតាមច្បាប់។
ជនសង្ស័យដែលជាប់ពាក់ព័ន្ធករណីខាងលើរួមមាន:១,ឈ្មោះ”ផេង”ភេទប្រុស រស់នៅស្រុកថ្មគោល ទី២,ឈ្មោះចាន់ ឆាត ភេទប្រុសអាយុ៤០ឆ្នាំ រស់នៅភូមិគោកក្តួចឃុំតាពូង និងទី៣ឈ្មោះគង់ គឹម ភេទប្រុសអាយុ៤១ឆ្នាំ។ ទាំងអស់គ្នារស់នៅភូមិអង់ជើងភូមិគោកក្តួចក្នុង ឃុំតាម៉ឺន ស្រុកថ្មគោលខេត្តបាត់ដំបង។ ចំណែកឯជនរងគ្រោះមានឈ្មោះម៉ៃ សុផាត ភេទប្រុសអាយុ៤២ឆ្នាំ រស់នៅភូមិអង់ជើងជាមួយគ្នាជាជនពិកាស្វិតដៃជើងម្ខាង។
លោកអធិការបន្តថា មុនថ្ងៃកើតហេតុមួយថ្ងៃ ជនសង្ស័យបានទៅស៊ីផឹកដូចធម្មតាជាមួយជនរងគ្រោះ ដោយឲ្យជនរងគ្រោះជាអ្នកចេញលុយឲ្យដូចមុនៗនៅផ្ទះរបស់ជនរងគ្រោះ។ ក្នុងគ្រានោះជនបង្កបានបង្ខំឲ្យជនរងគ្រោះទៅទិញគ្រឿងញៀន ដើម្បីយកមកជក់ថែមទៀត។
ខណះនោះជនរងគ្រោះបានតបពាក្យថា”ចង់ជក់ខ្លួនឯងឲ្យខ្ញុំទៅទិញឲ្យខ្ញុំមិនទៅទេទៅទិញខ្លួនឯងទៅ”។ ជនដៃដល់ឮពាក្យបែបនេះបានស្រែកគំរាមថា “ហែងបានតែអារកសម្លាប់ចោលទេ”ហើយជនសង្ស័យ ក៏នាំគ្នាចាកចេញបាត់ទៅរហូតដល់រសៀលថ្ងៃកើតហេតុនៅថ្ងៃទី២៦ខែវិច្ឆិកាឆ្នាំ២០២១ ក៏បានស៊ីផឹកសារជាថ្មីទៀតក៏កើតរឿងជនបង្កយកកូនកាំបិតចាក់បំពង់កជនរងគ្រោះជាជនពិការបណ្តាលឲ្យស្លាប់តែម្តង៕
អត្ថបទ៖ សៅ សារិទ្ធ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត