សន្តិសុខសង្គម
លំនៅឋាន២ខ្នងផ្ទះ ត្រូវអគ្គីភ័យឆាបឆេះអស់ទាំងស្រុង នៅសង្កាត់ច្បារអំពៅ១
ភ្នំពេញ ៖ ហេតុការណ៍គ្រោះអគ្គីភ័យមួយ បានឆាបឆេះលំនៅឋាន២ខ្នងយ៉ាងសន្ធោសន្ធៅ បង្កឲ្យមានការភ្ញាក់ផ្អើលឡើង កាលពីវេលាម៉ោង ១៦និង២០នាទី ល្ងាចថ្ងៃទីថ្ងៃទី០៣ ខែធ្នូ ឆ្នាំ២០២១ នៅចំណុចជាប់នឹងរបងសាលាបឋមសិក្សាច្បារអំពៅ ស្ថិតក្នុងភូមិដើមអម្ពិល សង្កាត់ច្បារអំពៅ១ ខណ្ឌច្បារអំពៅ រាជធានីភ្នំពេញ ។
លំនៅឋានទាំង២ខ្នង សាងសង់ឡើង ពីឈើប្រក់ស័ង្កសី ទំហំ ៣ម៉ែត្រ x ១០ម៉ែត្រ នឹងមួយខ្នងទៀត ទំហំ៦ម៉ែត្រx១០ម៉ែត្រ។
យោងតាមប្រភពព័ត៌មាន ឲ្យដឹងថា នៅមុនកើតហេតុ មានភ្លើងលាយលំផ្សែង ឆាបឆេះ និងហ៊ុយចេញពីលំនៅឋានលក់ចាប់ហ៊ួយ១ខ្នង ក្នុងចំណោមផ្ទះទាំង២ខ្នងដែលឆាបឆេះ ។ ភ្លាមនោះ បង្កអោយមានជាអណ្តាតភ្លើងឆាបឆេះឡើងយ៉ាងសន្ធោសន្ធៅ បង្កអោយមានការភ្ញាក់ផ្អើលឡើងជាខ្លាំង ដល់កងកម្លាំងសមត្ថកិច្ច និងអាជ្ញាធរមូលដ្ឋាន ព្រោះទីតាំងកើតហេតុ នៅក្បែរនឹងទីតាំងអាជ្ញាធរសាធារណ។
ភ្លាមៗនោះ កម្លាំងអាជ្ញាធរចម្រុះ រួមទាំងក្រុមរថយន្តពន្លត់អគ្គីភ័យជាច្រើនគ្រឿង បានចុះអន្តរាគមន៍ បាញ់ទឹកទប់ស្កាត់ការឆាបឆេះ ។ ក្រោយការខិតខំអន្តរាគមន៍ប្រមាណ១ម៉ោងរួចមក អណ្តាតភ្លើងត្រូវបានរលត់សូន្យសុងទៅវិញ១០០ភាគរយ ដោយប្រើប្រាស់ឡានទឹកអស់សរុប ១០គ្រឿង។
ក្នុងការឆាបឆេះដដែលនេះ មិនបានបណ្តាលអោយមនុស្សណាម្នាក់រងរបួសឡើយ គឺមានបំផ្លាញលំនៅឋានទាំង២ខ្នង អស់ទាំងស្រុង។ ចំពោះ មូលហេតុ នៃការឆាបឆេះ សមត្ថកិច្ចមិនទាន់ អាចបញ្ជាក់ពីមូលហេតុ បាននៅឡើយនោះទេ ខណៈកំពុងស្ថិតក្នុងការស្រាវជ្រាវបន្ត៕
ដោយ ៖ លីហេង
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង