សន្តិសុខសង្គម

ចាប់ខ្លួនជនជាតិចិនម្នាក់ក្រោយចាក់សម្លាប់ប្រធានរោងចក្រមួយនៅខណ្ឌដង្កោ

បានផុស

១ year មុន

នៅ

ថ្ងៃអង្គារ ២៨ ធ្នូ ២០២១

ដោយ

បុរសជនជាតិចិនជាជនដៃដល់ចាក់សម្លាប់ស្ត្រីជនជាតិចិនដូចគ្នា និងជាប្រធានរោងចក្រមួយនៅខណ្ឌដង្កោ ត្រូវបានកម្លាំងសមត្ថកិច្ចស្រាវជ្រាវចាប់ខ្លួនបានហើយ បន្ទាប់ពីរត់គេចខ្លួនអស់រយៈពេល៣ថ្ងៃ។

ការចាប់ខ្លួនជនដៃដល់នេះ បានធ្វើឡើងកាលពីវេលាម៉ោង១២និង៤០នាទីថ្ងៃត្រង់ ថ្ងៃទី២៨ ខែធ្នូ ឆ្នាំ២០២១ ក្នុងភូមិសាស្ត្រ ឃុំត្រពាំងស្មាច់ ស្រុករំដួល ខេត្តស្វាយរៀង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនដៃដល់មានឈ្មោះ សៅ វិន ភេទប្រុស ជនជាតិចិន អាយុ៣៤ឆ្នាំ មុខរបរជាប្រធានផ្នែកកាត់ដេរ។ ចំណែកជនរងគ្រោះមានឈ្មោះ ឌៀងលី ភេទស្រី ជនជាតិចិន អាយុ៣៧ឆ្នាំ មុខរបរជាប្រធានរោងចក្រ ហ្គោលឌិនក្រេះ។

សូមបញ្ជាក់ថា កាលពីវេលាម៉ោង១១និង២៥នាទីយប់ ថ្ងៃទី២៥ ខែធ្នូ ឆ្នាំ២០២១ នៅចំណុចរោងចក្រ ហ្គោលឌិនក្រេះ ផ្លូវបេតុង ភូមិអន្លង់គង សង្កាត់ព្រៃស ខណ្ឌដង្កោ មានករណីឃាត់កម្មមួយ ដោយជនដៃដល់បានចាក់សម្លាប់ជនរងគ្រោះដោយសារមានទំនាស់ពាក្យសម្ដីពេលផឹកស៊ី ។

ក្រោយធ្វើសកម្មភាពរួច ជនដៃដល់បានរត់គេចខ្លួនពីកន្លែងកើតហេតុ រួចទៅពួនសម្ងំនៅខេត្តស្វាយរៀង ក៏ត្រូវសមត្ថកិច្ចព្រហ្មទណ្ឌកម្រឹតធ្ងន់ និងសមត្ថកិច្ចខណ្ឌដង្កោ តាមចាប់បានយកមកផ្តន្ទាទោសតាមច្បាប់៕

អត្ថបទ៖ សុខុម