សន្តិសុខសង្គម
ឪពុកបង្កើតរំលោភកូនស្រីខ្លួនឯង២នាក់សម្រេចជាច្រើនលើក សមត្ថកិច្ចកំពុងតាមចាប់ខ្លួន
ស្ត្រីជាប្រពន្ធ និងជាម្តាយផងរបស់យុវតីរងគ្រោះផងនោះ បានដាក់ពាក្យប្តឹងប្តីរបស់ខ្លួន ដែលលួចលាក់រំលោភសេពសន្ទវៈកូនបង្កើតរបស់ខ្លួនចំនួន២នាក់បានសម្រេចនៅស្រុកបូទុមសាគរ ខេត្តកោះកុង។
លោក ហាក់ ឡេង អភិបាលស្រុកបូទុមសាគរ បានឱ្យដឹងនៅព្រឹកថ្ងៃទី៨ ខែមីនា ឆ្នាំ២០២២ ថា ស្រ្តីឈ្មោះ ជ.ច.ណ អាយុ៣៧ឆ្នាំ មុខរបរលក់បន្លែ បានសម្រេចដាក់ពាក្យបណ្តឹងមកកាន់ប៉ុស្តិ៍នគរបាលរដ្ឋបាលឃុំអណ្តូងទឹក ករណីបុរសជាប្តីបានលួចលាក់បង្ខិតបង្ខំកូនស្រីបង្កើតចំនួន២នាក់ រំលោភសេពសន្ទវៈបានសម្រេចជាច្រើនលើក កាលពីថ្ងៃទី៤ ខែមីនា កន្លងទៅទើបតែបែកការណ៍ ខណៈបុរសជាប្តីចិត្តអប្រិយកំពុងរត់គេចខ្លួនពីសំណាញ់ច្បាប់។
លោកអភិបាលស្រុកបូទុមសាគរបន្តថា ស្រ្តីជាម្តាយរបស់យុវតីខាងលើ មានកូនក្នុងបន្ទុកគ្រួសារចំនួន៥នាក់/ស្រី៣នាក់ បច្ចុប្បន្នស្នាក់នៅបន្ទប់ជួលដ៏តូចលំបាក។ តាមការលើកឡើងរបស់ស្រ្តីជាម្តាយមិនអាចទ្រាំទ្រនឹងទម្ងន់នៃការឈឺចាប់នេះទេ ដោយរៀបរាប់ខ្លីៗថា កាលពីឆ្នាំ២០២១ យុវតីដែលត្រូវឪពុកបង្កើតខ្លួនឯងចាប់រំលោភច្រើនលើកនោះ ហើយថែមទាំងគំរាមអាកសម្លាប់ចោលទម្លាក់ទឹកព្រែកទៀត មានឈ្មោះ ដ.ត.ហ អាយុ១៥ឆ្នាំ និងឈ្មោះដ.ណ.វ អាយុ១០ឆ្នាំ។
អាជ្ញាធរសមត្ថកិច្ចស្រុកបង្ហាញការសោកស្តាយជាពន់ពេកចំពោះមិនគួរឱ្យកើតមានក្នុងមូលដ្ឋានចំទិវាសិទ្ធិនារីអន្តរជាតិ ៨ មីនា ដោយផ្តល់ជាថវិកា និងស្បៀងអាហារមួយចំនួន សម្រាប់ផ្គត់ផ្គង់ជីវភាពរស់នៅបានមួយចំណែកគ្រាអាសន្នអន់ក្រ។ទន្ទឹមនោះ សមត្ថកិច្ចជំនាញសន្យាថា នឹងតាមចាប់ខ្លួនបុរសជាប្តី ជាឪពុកចិត្តអប្រិយគ្មានសីលធម៌ មកផ្តន្ទាទោសឱ្យខានតែបាន ទោះបីជាបុគ្គលសង្គមស្អប់មួយរូបនេះរត់ទៅដល់ទីណាក៏ដោយ ក៏មិនអាចរួចពីសំណាញ់ច្បាប់បានឡើយ។
ខេត្តកោះកុងប៉ុន្មានថ្ងៃចុងក្រោយនេះ គេសង្កេតឃើញមានអំពើហិង្សាសម្លាប់រវាងប្តីនិងប្រពន្ធផងដែរ នៅសង្កាត់ស្ទឹងវែង ក្រុងខេមរភូមិន្ទ។ ឥឡូវក៏មានករណីឪពុករំលោភកូនស្រីខ្លួនឯងយូរឆ្នាំ២ករណីទៀតនៅស្រុកបូទុមសាគរ ដែលសបញ្ជាក់ថា ស្រ្តី និងកុមារីនៅតែជាជនងាយរងគ្រោះបំផុតពីក្រុមបុរសអគតិបន្តរំលោភបំពានយ៉ាងឃោឃៅខាងផ្នែករូបរាងកាយ ផ្លូវចិត្ត និងផ្លូវភេទ៕
អត្ថបទ៖ សិរីវឌ្ឍនៈ
-
ចរាចរណ៍៥ ថ្ងៃ ago
បើករថយន្តវ៉ាជែងក្នុងស្ថានភាពគ្រោះថ្នាក់ ក្រឡាប់របួសធ្ងន់ស្រាលជាង១០នាក់
-
ព័ត៌មានជាតិ៥ ថ្ងៃ ago
កម្ពុជា អាចនឹងមានភ្លៀងធ្លាក់លាយឡំជាមួយខ្យល់កន្ត្រាក់ចាប់ពីថ្ងៃទី១៨ ដល់២០មេសា
-
ព័ត៌មានជាតិ៥ ថ្ងៃ ago
តួលេខផ្លូវការ ទេសចរដើរលេងចូលឆ្នាំមានជាង ២១ លាននាក់ និងខេត្តចំនួន ៥ ឈានមុខគេ
-
ព័ត៌មានជាតិ១៧ ម៉ោង ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
សន្តិសុខសង្គម៣ ថ្ងៃ ago
មកដឹងពីចម្លើយសារភាពរបស់ជនដៃដល់ដែលចាក់សម្លាប់នារីរងគ្រោះក្នុងបុរីឈូកវ៉ា២
-
ព័ត៌មានអន្ដរជាតិ៤ ថ្ងៃ ago
ក្រុមហ៊ុន Toyota នៅ ជប៉ុន ប្រមូលរថយន្ត Prius ជុំវិញពិភពលោក ចាប់ពីសេរ៊ីឆ្នាំ ២០២២ ឡើងទៅចូលរោងចក្រវិញ
-
សន្តិសុខសង្គម៤ ថ្ងៃ ago
ព័ត៌មានបឋម៖ ចូលចាក់សម្លាប់ស្ត្រីម្នាក់ដល់ក្នុងផ្ទះ រួចអារកសម្លាប់ខ្លួនឯងតាមក្រោយ
-
ព័ត៌មានអន្ដរជាតិ៥ ថ្ងៃ ago
ថៃ ខឹងចិត្ត ក្រោយម្ហូបរបស់ខ្លួនជាប់ឈ្មោះលេខ ១ ជាអាហារអន់បំផុតលើលោក