ភ្លើងឆេះស្មៅ​ក្បែរផ្ទះ​ប្រជាពល​រដ្ឋចំរដូវក្តៅ​ បាន​រថយន្ត​ពន្លត់​អគ្គិភ័យ​ជួយពន្លត់ទាន់​

ភ្លើងឆេះស្មៅក្បែផ្ទះប្រជាពលរដ្ឋទាំងកណ្តាលថ្ងៃត្រង់ធ្វើឲ្យប្រជាពលរដ្ឋលោកមានការភ័យស្លន់ស្លោហើយប៉ុន្តែភ្លាមៗត្រូវបានរថយន្តពន្លត់អគ្គិភ័យរបស់សាលាខណ្ឌច្បារអំពៅចុះទៅបាញ់ពន្លត់ទាន់ពេល មិនឱ្យរាលដាលដល់ផ្ទះប្រជាពលរដ្ឋរាប់សិបខ្នង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពពីលោក ជូ ចាន់នី ជំនួយការសាលាសង្កាត់ច្បារអំពៅទី២បានប្រាប់កម្ពុជាថ្មីថា ហេតុការណ័អគ្គិភ័យឆេះស្មៅក្នុងដីឡូត៍ក្រោយទីស្នាក់ការភូមិដើមស្លែង១ សង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញកាលពីវេលាម៉ោង ១២ ថ្ងៃត្រង់ ថ្ងៃទី១០ ខែមីនានេះតែម្តង។

លោកជូ ចាន់នី បានបន្តថា បន្ទាប់ពីមានអគ្គិភ័យកើតឡើងភ្លាមបងប្អូនប្រជាពលរដ្ឋបានរាយការណ៍មកអាជ្ញាធរសង្កាត់ច្បារអំពៅទី២ ហើយក្នុងរថយន្តពន្លត់អគ្គិភ័យរបស់សាលាខណ្ឌច្បារអំពៅចំនួន១គ្រឿង និងរថយន្តពន្លត់អគ្គិភ័យរបស់ទីក្រុងកោះពេជ្រចំនួន១គ្រឿងបានចុះទៅអន្តរាគមន៍បាញ់ពន្តត់អស់រយះពេលជិត១ម៉ោងទើបអគ្គិភ័យរលត់ទៅវិញ។

លោកគុយ គឹមហ៊ាង ប្រធានសាធារណការសាលាខណ្ឌច្បារអំពៅដែលបានដឹកនាំរថយន្តពន្លត់អគ្គិភ័យសាលាខណ្ឌបានឲ្យដឹងថា បានរថយន្តពន្លត់អគ្គិភ័យចុះទៅជួយបាញ់ពន្លត់ទាន់ពេលទើបមិនរាលដាលដល់ផ្ទះ សម្បែងប្រជាពលរដ្ឋរយខ្នង។

លោកបញ្ជាក់បើគិតពីបញ្ហាភ្លើងឆេះស្មៅនិងព្រៃត្រែងក្នុងមូលដ្ឋានខណ្ឌច្បារអំពៅគឺកើតឡើងញឹកញាប់ណាស់បើគឹតពីដើមឆ្នាំ២០២២មកដល់ថ្ងៃនេះបានកើតឡើង ២៧ លើកហើយត្រូវបានជួយអន្តរាគមន៍ទាន់ពេល។ ហើយមូលហេតុដែលឆេះនេះគឺភាគច្រើនអ្នកដុតស្មៅរកឃ្មុំ និងបោះកន្ទុយបារីលើស្មៅដែលងាប់ស្របពេលខែក្តៅផងនោះ៕

អត្ថបទ៖ នរា