សន្តិសុខសង្គម

ស្លាប់ម្នាក់ របួស ៣ នាក់ ដោយសាររន្ទះបាញ់ ពេលកំពុងឃ្វាលគោហាលភ្លៀង

បានផុស

៤ years មុន

នៅ

ថ្ងៃព្រហស្បតិ៍ ៣១ មីនា ២០២២

ដោយ

ក្មេងស្រីម្នាក់ ដួលស្លាប់ភ្លាមៗនៅកណ្តាលវាលស្រែ និង ៣ នាក់ទៀតរងរបួស ខណៈដែលពួកគេកំពុងឃ្វាលគោនៅកណ្តាលវាលស្រែក្រោមតំណក់ទឹកភ្លៀង ក៏ស្រាប់តែមានរន្ទះបាញ់មកលើពួកគេតែម្តង។ បាតុភូតធម្មជាតិនេះ បានកើតឡើង កាលពីថ្ងៃទី ៣០ ខែមីនា ឆ្នាំ ២០២២ វេលាម៉ោង ៣ និង ៣០ នាទីរសៀល ស្ថិតនៅក្នុងភូមិ មុខរាហ៍១ ឃុំ មុខរាហ៍ ស្រុក រុក្ខគិរី ខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សាក្សីបាននិយាយថា នៅមុនពេលកើតហេតុ គឺមានភ្លៀងធ្លាក់មួយមេ ក៏ស្រាប់តែមានរន្ទះបាញ់មកលើមនុស្សមួយក្រុមដែលកំពុងឃ្វាលគោ បណ្តាលឲ្យស្លាប់មនុស្ស ចំនួន ១ នាក់ និងរបួសបញ្ជូនទៅសង្គ្រោះនៅមន្ទីរពេទ្យចំនួន ៣ នាក់។

ជនរងគ្រោះឈ្មោះ ១/ ឈ្មោះ យ៉ុង អួយ ភេទ ស្រី អាយុ ១៨ (ស្លាប់នៅនឹងកន្លែង), ២/ ឈ្មោះ សៅ ប៉ាង ភេទ ប្រុស អាយុ ៤០ ឆ្នាំ, ៣/ឈ្មោះ សេង ស្រីមុច ភេទស្រីអាយុ ១៥ឆ្នាំ និង ៤/ឈ្មោះ ហឿន រឿត ភេទស្រី អាយុ ៤២ ឆ្នាំ (ពួកគេរងរបួសបានបញ្ជូនទៅសង្គ្រោះនៅមន្ទីរពេទ្យ) ដោយជនរងគ្រោះទាំង ០៤ នាក់ មានទីលំនៅនៅក្នុងភូមិកើតហេតុខាងលើ ។