សន្តិសុខសង្គម
ប៉ូលិសក្រុងភ្នំពេញកំពុងស្រាវជ្រាវកំណត់មុខសញ្ញាក្រុមចោរឆក់នៅស្ពានអាកាសស្ទឹងមានជ័យ (មានវីដេអូ)
លោក សាន សុខសីហា អ្នកនាំពាក្យនគរបាលរាជធានីភ្នំពេញ បញ្ជាក់ថា សមត្ថកិច្ចជំនាញកំពុងស្រាវជ្រាវ កំណត់មុខសញ្ញាជនល្មើស ដើម្បីនាំខ្លួនមកផ្ដន្ទាទោសតាមច្បាប់ ពាក់ព័ន្ធករណីឆក់នៅលើស្ពានអាកាសស្ទឹងមានជ័យ កាលពីរសៀលថ្ងៃទី២០ ខែកក្កដា ឆ្នាំ២០២២។
បើតាមវីដេអូឃ្លីបចែកចាយលើបណ្ដាញសង្គម កាលពីរសៀលថ្ងៃទី២០ ខែកក្កដា ឆ្នាំ២០២២ មានក្រុម ចោរមួយក្រុម បានធ្វើសកម្មភាពឆក់កាបូបរបស់ពលរដ្ឋម្នាក់ ដែលកំពុងជិះម៉ូតូនៅលើស្ពានអាកាសស្ទឹង មានជ័យ ក្នុងភូមិសាស្ត្រសង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ។
ចំពោះករណីនេះ លោក សាន សុខសីហា ថ្លែងប្រាប់ «កម្ពុជាថ្មី» នៅថ្ងៃទី២១ ខែកក្កដា ឆ្នាំ២០២២នេះ ថា «នៅពេលឃើញ និងទទួលបានដំណឹងភ្លាម គឺកម្លាំងសមត្ថកិច្ចជំនាញបានចុះទៅដល់កន្លែងហេតុ ការណ៍ ហើយធ្វើការស្រាវជ្រាវ និងបានសួរនាំប្រជាពលរដ្ឋ និងសាក្សីនៅទីនោះ ពិតជាមានករណីក្រុម ចោរឆក់កើតឡើងមែន» ។
ប៉ុន្តែលោកបញ្ជាក់ថា មកដល់ពេលនេះ មន្ត្រីសមត្ថកិច្ច ក៏មិនទាន់បានឃើញជនរងគ្រោះមកដាក់ពាក្យ បណ្ដឹងទេ។ តែយ៉ាងណា កម្លាំងសមត្ថកិច្ចជំនាញកំពុងស្រាវជ្រាវ កំណត់មុខសញ្ញា ដើម្បីបង្ក្រាបឱ្យបានលើជនសង្ស័យដែលធ្វើសកម្មភាពឆក់យ៉ាងអនាធិបតេយ្យក្នុងរាជធានីភ្នំពេញ។
បើតាមមន្ត្រីរូបនេះ បទល្មើសចោរឆក់នៅក្នុងភូមិសាស្ត្ររាជធានីភ្នំពេញ គឺកម្លាំងសមត្ថកិច្ចនៃស្នងការ ដ្ឋាននគរបាលរាជធានីភ្នំពេញ តែងតែធ្វើការបង្ក្រាបបានជាបន្តបន្ទាប់ ហើយមានការថយចុះមួយចំនួនផងដែរ ។ លោក បន្តថា នៅមានខ្វះចន្លោះលើករណីខ្លះ ប៉ុន្តែកម្លាំងនគរបាលរាជធានីភ្នំពេញ នឹងបន្តខិតខំបន្ថែមទៀត តាមរយៈការពង្រឹងសមត្ថភាពរបស់មន្ត្រីជំនាញ និងមន្ត្រីនគរបាលនៅតាមមូលដ្ឋាន ដើម្បីចុះល្បាត បង្កទប់ស្កាត់ និងការបង្ក្រាបជាក់ស្ដែងឱ្យទាន់ពេលវេលា ប្រកបដោយប្រសិទ្ធភាព៕
សូមទស្សនាវីដេអូ!
អត្ថបទ ៖ ធឿន វ៉ាន់សុង
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង