សន្តិសុខសង្គម

អភិបាលក្រុងកែប ចុះបញ្ឈប់សកម្មភាពសាងសង់របងគ្មានច្បាប់អនុញ្ញាតពីរទីតាំង

បានផុស

២ years មុន

នៅ

ថ្ងៃព្រហស្បតិ៍ ៨ កញ្ញា ២០២២

ដោយ

កែប ៖ កាលពីព្រឹកថ្ងៃទី៨ ខែកញ្ញា ឆ្នាំ២០២២នេះ លោក ខេង យ័ន អភិបាលក្រុងកែប បានដឹកនាំ មន្ត្រីជំនាញនៃមន្ទីរពាក់ព័ន្ធ អាជ្ញាធរមូលដ្ឋាន អញ្ជើញចុះត្រួតពិនិត្យដល់ទីតាំងជាក់ស្ដែងការសាងសង់សំណង់ធ្វើរបងចំនួន២ទីតាំង ហើយត្រូវបានផ្អាកហាមឃាត់បញ្ឈប់សកម្មភាពសាងសង់របងដែលគ្មានច្បាប់អនុញ្ញាតពីរដ្ឋបាលក្រុងនោះឡើយ ហើយផ្អាកបានបន្ទាន់ពេល ដែលបុគ្គលបានធ្វើ សកម្មភាព និងសាងសង់ ធ្វើរបងសំណង់រឹងមាំចូលដីភ្នំឧទ្យានជាតិកែប គឺជាករណីបំពានខុសគោលការណ៍បច្ចេកទេស នីតិវិធីច្បាប់ និងការកំណត់ព្រំដីមិនទាន់បានច្បាស់លាស់នៅឡើយនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ខេង យ័ន អភិបាលក្រុងកែប ក៏បានបន្តឱ្យដឹងថា ដីភ្នំឧទ្យានជាតិកែប រួមនឹងបុគ្គលផ្សេងៗទៀតដែលពាក់ព័ន្ធនឹងការរំលោភបំពានដីភ្នំឧទ្យានជាតិកែបដែលស្ថិតនៅក្នុងភូមិសាស្ត្រក្រុងកែបខេត្តកែបមិនអាច យកមកគ្រប់គ្រងដើម្បីប្រយោជន៍ផ្ទាល់ខ្លួនដែលគ្មានច្បាប់អនុញ្ញាតត្រឹមត្រូវហើយត្រូវបានឱ្យផ្អាកបញ្ឈប់ការសាងសង់របងនិងសកម្មភាពបានបន្ទាន់ពេល គឺមិនអាចយកដីភ្នំឧទ្យានជាតិកែប ដោយបំពានច្បាប់បាននោះឡើយ ជាពិសេសពាក់ព័ន្ធ ការសាងសង់របងចូលដីភ្នំឧទ្យានជាតិកែប ដែលខុសនឹងគោលការណ៍នាពេលនេះ គឺជាករណីពាក់ព័ន្ធនឹងការសាងសង់ធ្វើរបងរឹងមាំ នេះផងដែរ លោកអភិបាលក្រុងកែប ក៏បានដាក់ចំណាត់ការទៅដល់ម្ចាស់ម៉ៅការឱ្យអនុវត្តតាមនីតិវិធីច្បាប់ ចំពោះការសាងសង់សំណង់ធ្វើរបងរឹងមាំនេះ។

ដោយបញ្ហាណាមួយដែលមិនមានការចូលរួមសហការពីបុគ្គលដែលបានសាងសង់របងគ្មានច្បាប់អនុញ្ញាតចំនួន២ទីតាំងនេះ សូមបញ្ជាក់ហើយរៀបចំឯកសារសម្រាប់ឱ្យរដ្ឋបាលក្រុង ធ្វើចំណាត់ការតាមនីតិវិធី ច្បាប់អនុញ្ញាតឱ្យបានត្រឹមត្រូវ៕

ដោយ ៖ សឹង រ៉ាត់