សន្តិសុខសង្គម
លោក ឡុង ឌីម៉ង់៖ ហេតុអ្វីប្រទេសខ្លះដែលមានប្រជាជនរងគ្រោះ ដោយការជួញដូរមនុស្ស មិនចូលរួមទប់ស្កាត់បញ្ហានេះ?
អភិបាលរងខេត្តព្រះសីហនុ លោក ឡុង ឌីម៉ង់ បានអះអាងថា ករណីជួញដូរមនុស្ស គឺមិនមែនមានតែនៅក្នុងប្រទេសកម្ពុជាឡើយ ពោល គឺប្រទេសជាសមាជិកអាស៊ាន ក៏មានករណីនេះសើ្ទរតែពាក់កណ្តាលទៅហើយ។ ប៉ុន្តែ លោកឆ្ងល់ថា ហេតុអ្វីបានជាប្រទេសមួយចំនួនដែលមានប្រជាជនជាជនរងគ្រោះ មិនព្រមសហការជាមួយកម្ពុជា ទប់ស្កាត់នូវបញ្ហាជួញដូរមនុស្ស ឬបញ្ហាឆ្លងដែនខុសច្បាប់នេះ?
លោក ឡុង ឌីម៉ង់ បានមានប្រសាសន៍ថា៖ “ការជួញដូរមនុស្ស ឧក្រិដ្ឋកម្មឆ្លងដែនទាំងអស់នេះ មិនអាចមកកើតឡើងនៅកម្ពុជាភ្លាមបានទេ។ វាត្រូវការឲ្យមានការចេញពីប្រទេសណាមួយ”។
ជាមួយគ្នានេះ លោកក៏បានបញ្ជាក់បន្ថែមថា យន្តការនៃការពង្រឹងកិច្ចសហប្រតិបត្តិការអន្តរជាតិ គឺដើរតួនាទីសំខាន់បំផុត។ ដូច្នេះ ក្នុងករណីដែលមានជនបរទេសឆ្លងដែនមកដោយខុសច្បាប់នោះ ប្រទេសជិតខាង ដូចជាថៃ វៀតណាម ជាដើម គូរជួយពង្រឹងទប់ស្កាត់នូវឧក្រិដ្ឋកម្មឆ្លងដែនខុសច្បាប់ ព្រោះប្រទេសនៅជិតព្រំដែនគ្នា មានសន្ធិសញ្ញាកិច្ចព្រមព្រៀងជាមួយគ្នាក្នុងការជួយទប់ស្កាត់បញ្ហាខាងលើ។
ចំពោះជនរងគ្រោះ ដោយការជួញដូរមនុស្សខុសច្បាប់នេះមានដូចជា ជនជាតិចិន តៃវ៉ាន់ វៀតណាម ថៃ ម៉ាឡេស៊ី ឥណ្ឌូនេស៊ី បង់ក្លាដេស ឥណ្ឌាជាដើម ហើយក្នុងនោះ ភាគច្រើន គឺជាជនជាតិចិន ដែលចាញ់បោកឧក្រិដ្ឋជនចិនដូចគ្នា តាមប្រព័ន្ធអនឡាញមកធ្វើការនៅកម្ពុជា។ ករណីនេះ ជនជាតិកម្ពុជាដែលជាជនរងគ្រោះ គឺមានតិចតួចបំផុត។ នេះបើតាមការលើកបន្ថែមពីអភិបាលរងខេត្តព្រះសីហនុ។ យ៉ាងណាក៏ដោយ កម្ពុជា បានអន្តរាគមន៍យ៉ាងសកម្ម ដើម្បីជួយសង្គ្រោះដល់ជនរងគ្រោះដែលត្រូវបានជនឆបោកជួញដូរ លក់បន្ត ឬចាប់ឃុំនិងធ្វើទារុណកម្មយ៉ាងឃោឃៅនោះ។
សូមរំលឹកជូនថា សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា និងសម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ក៏បានចេញសេចក្តីប្រកាសឲ្យមន្ត្រីគ្រប់ជាន់ថ្នាក់ចាត់វិធានការ ក៏ដូចជាធ្វើការស្រាវជ្រាវ ស៊ើបអង្កេត យ៉ាងតឹងរឹងលើករណីនេះ នៅទូទាំងប្រទេស ដោយគ្មានករណីលើកឡែងឡើយ៕
ដោយ៖ អុន ស្រីមាន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ