សមត្ថកិច្ចឃាត់ខ្លួនជនសង្ស័យ​៧នាក់ ជាបន្តបន្ទាប់ ពាក់ព័ន្ធករណីកាច់កម៉ូតូ​ និងប្លន់ប្រដាប់អាវុធ

កម្លាំងសមត្ថកិច្ចជំនាញ នៃនាយកដ្ឋាននគរបាលព្រហ្មទណ្ឌក្រសួងមហាផ្ទៃបានបើកប្រតិបត្តិការស្រាវជ្រាវតាមចាប់ឃាត់ខ្លួនជនសង្ស័យប្រុសស្រីចំនួន០៧នាក់ជាបន្តបន្ទាប់ពាក់ព័ន្ធនឹងករណីកាច់កម៉ូតូ និងប្លន់ប្រដាប់ដោយអាវុធក្នុងភូមិសាស្ត្រ​​​រាជធានីភ្នំពេញ។

ប្រតិបត្តិការបង្ក្រាបជនសង្ស័យខាងលេីនេះបានធ្វេីឡេីងកាលពីថ្ងៃទី ២ ខែធ្នូ ឆ្នាំ២០២២ ក្នុងភូមិសាស្ត្រ៣ខណ្ឌ៖ ខណ្ឌពោធិ៍សែនជ័យ ខណ្ឌមានជ័យ និងខណ្ឌដង្កោ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានឲ្យដឹងថា ដោយមានការដឹកនាំកម្លាំង និងបញ្ជារផ្ទាល់ដោយលោកឧត្តមសេនីយ៍ទោ ជាវ វិបុល អនុប្រធាននាយកដ្ឋាននគរបាលព្រហ្មទណ្ឌ នៃក្រសួងមហាផ្ទៃ ដឹកនាំសហការជាមួយកម្លាំងខណ្ឌពោសែនជ័យ ខណ្ឌមានជ័យ និងខណ្ឌដង្កោ។

ជាលទ្ធផលបណ្តោះអាសន្នសមត្ថកិច្ចឃាត់ខ្លួនជនសង្ស័យសរុបចំនួន៧នាក់ ស្រីម្នាក់ និងបានដកហូតម៉ូតូជាច្រើនគ្រឿង និងរថយន្ត Prius មួយគ្រឿង រួមទាំងវត្ថុតាងពាក់ព័ន្ធមួយចំនួន។

មន្ត្រីសមត្ថកិច្ចជំនាញដែលចុះប្រតិបត្តិការណ៍ខាងលេីនេះបានបង្ហេីបប្រាប់ឲ្យដឹងថា ក្រុមជនសង្ស័យទាំងនេះគឺជាក្រុមជំនាញ និងសកម្មបំផុតក្នុងការធ្វើសកម្មភាព លួចឆក់ប្លន់ នៅក្នុងភូមិសាស្ត្ររាជធានីភ្នំពេញ។

បច្ចុប្បន្ននេះ ក្រុមជនសង្ស័យខាងលើ ត្រូវបានបញ្ចូនខ្លួនបន្តទៅកាន់នាយកដ្ឋាននគរបាលព្រហ្មទណ្ឌ នៃក្រសួងមហាផ្ទៃ ដើម្បីសាកសួរនាំបន្តនីតិវិធី៕

អត្ថបទ៖ សុខា