អាជ្ញាធរ​ចាប់ប្រមូលជន​អនាថា​អុកឡុកក្នុងមូលដ្ឋាន​យកទៅមន្ទីរសង្គមកិច្ច

អាជ្ញាធរសង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញនៅថ្ងៃទី ៥ ខែធ្នូនេះ បានចុះប្រមូលជនអនាថាដែលតែងតែអុកឡុកក្នុងមូលដ្ឋានយកទៅអប់រំរៀនសូត្រនៅមន្ទីរសង្គមកិច្ច រាជធានីភ្នំពេញ។

លោក យុិន វុធ ចៅសង្កាត់ច្បារអំពៅទី២បានប្រាប់កម្ពុជាថ្មីថា រូបលោកបានទទួលបញ្ជារពីលោក ចេង មុនីរ៉ា អភិបាលខណ្ឌច្បារអំពៅឲ្យដឹកនាំកម្លាំងចុះប្រមូលជនអនាថាដែលតែងតែអុកឡុកក្នុងមូលដ្ឋានឲ្យយកទៅមន្ទីរសង្គមកិច្ចរាជធានីភ្នំពេញដើម្បីធ្វើការកែប្រែ និងឲ្យសិក្សាតាមជំនាញ ដែលក្នុងនោះស្រ្តីឲ្យរៀនកាត់ដេរឯបុរសឲ្យរៀនជួសជុលម៉ូតូ ឬរថយន្តជាដើម។

លោកចៅសង្កាត់បានបញ្ជាក់ថា ក្នុងប្រតិបត្តិការណ៍នេះអាជ្ញាធរ និងនគរបាលមូលដ្ឋានសង្កាត់បានចាប់ប្រមូលជនអាណាថាបាន៦នាក់ក្នុងនោះមានស្ត្រី២នាក់ផងដែរ។ហើយជនអាណាថាទាំង៦នាក់នេះតែងបង្កការអុកឡុកក្នុងមូលដ្ឋានហើយស្នាក់នៅចលត័តាមផ្លូវសាធារណ៕

អត្ថបទ៖ នរា