សន្តិសុខសង្គម
រដ្ឋមន្ត្រីកសិកម្ម៖ ដំណោះស្រាយការចិញ្ចឹមសត្វត្រូវការរយៈវែង ខណៈអ្នកចិញ្ចឹមជ្រូកកំពុងជួបបញ្ហារឿងតម្លៃទាប
លោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទបានថ្លែងថា អាទិភាពរបស់ក្រសួងកសិកម្ម គឺដោះស្រាយបញ្ហាដែលដោះបានចំពោះមុខ ឯបញ្ហាដែលត្រូវដោះដោយរយៈពេលវែងគឺត្រូវការកែទម្រង់ក្នុងវិស័យកសិកម្មរយៈពេលវែង។
លោករដ្ឋមន្ត្រីថា កសិករត្រូវកែទម្លាប់ក្នុងការធ្វើ អ្នកទិញក៏ត្រូវកែទម្លាប់ក្នុងការទិញ ហើយក្រសួងក៏ត្រូវជួយទៅតាមស្ថានភាពបែបនោះដែរ។ បញ្ហាដែលកើតមានគឺនៅពេលដែលចំនួនមានច្រើនជាងតម្រូវការ បើតម្រូវការមានតិចជាងការផលិតគឺប្រាកដជាមិនមាននរណាចង់ទិញនោះទេដែលធ្វើឲ្យតម្លៃធ្លាក់ចុះ។
ការកែទម្រង់សម្រាប់ការចិញ្ចឹមសត្វចូលទៅក្នុងទម្រង់រយៈពេលវែង ដែលលោកចង់ឲ្យកសិករចូលរួមកែលម្អររកយុទ្ធសាស្ត្រស្វែងរកប្រាក់ចំណេញ ខណៈដែលការប្រកួតប្រជែងនៅក្នុងទីផ្សារបច្ចុប្បន្នផ្លាស់ប្ដូរ។
ទោះយ៉ាងណា សមាគមអ្នកចិញ្ចឹមសត្វកន្លងទៅថ្មីៗនេះ បានទទូចឲ្យរាជរដ្ឋាភិបាលជួយអន្តរាគមលើការនាំចូលជ្រូកដែលមានជំងឺ និងការនាំចូលសាច់ជ្រូកបង្កក ខណៈដែលតម្លៃជ្រូករស់ក៏លក់បានថ្លៃទាបផងដែរ។
កសិករចិញ្ចឹមជ្រូកយកលុយពីធនាគារហើយបង្ខំចិត្តលក់ទាំងខាតដើម ខណៈដែលសមាគមធ្លាប់ស្នើទៅរាជរដ្ឋាភិបាលទប់ស្កាត់ការនាំចូលសាច់ជ្រូកបង្កកដែលធ្វើឲ្យប៉ះពាល់ដល់អ្នកចិញ្ចឹមក្នុងស្រុក ប៉ុន្តែមិនមានដំណោះស្រាយ។
អ្នកចិញ្ចឹមជ្រូកម្ពុជាបានអំពាវនាវឲ្យក្រសួងកសិកម្ម រុក្ខាប្រមាញ់ និងនេសាទ និងអគ្គនាយកដ្ឋានជួយកសិករ ខណៈមានកសិករមួយចំនួនខ្ចីលុយពីធនាគារយកទៅចិញ្ចឹមជ្រូកហើយលក់ទៅវិញខាតដើម។
បច្ចុប្បន្នឃើញការបង្ហោះផ្សាយលក់ព្រោងព្រាត សាច់ជ្រូកបង្កកមិនតិចជាង ៣០ភាគរយទេលើទីផ្សារដែលនាំឲ្យជ្រូកកសិករស្ទះ ហើយបង្ខំចិត្តលក់ទាំងខាតដើមយកលុយទៅសងធនាគារ៕
អត្ថបទ៖ ឡេង ដេត
-
ព័ត៌មានអន្ដរជាតិ៥ ថ្ងៃ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ចរាចរណ៍៥ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ជីវិតកម្សាន្ដ៣ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ព័ត៌មានអន្ដរជាតិ៣ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ៥ ថ្ងៃ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ១ សប្តាហ៍ ago
ក្រុមហ៊ុនស្វីសមួយ សន្យានាំយកបច្ចេកវិទ្យាទំនើបឈានមុខគេ ដើម្បីចូលរួមអភិវឌ្ឍវិស័យកសិកម្មកម្ពុជា
-
ព័ត៌មានជាតិ២ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានជាតិ៥ ថ្ងៃ ago
ទឹកស្ទឹងសង្កែខាងក្រោមទំនប់សាលាតាអន រីងគោក ពលរដ្ឋប្រឈមការដឹកជញ្ជូនបើកបរកាណូតមិនបាន