Connect with us

សន្តិសុខសង្គម

ខណ្ឌរដ្ឋបាលជលផលខេត្តតាកែវ ឃាត់ខ្លួនអ្នកលក់ឧបករណ៍នេសាទខុសច្បាប់ម្នាក់ ក្រោយរកឃើញដាក់តាំងលក់ក្នុងផ្ទះ

បានផុស

នៅ

កម្លាំងខណ្ឌរដ្ឋបាលជលផលខេត្តតាកែវ បានធ្វើការឃាត់ខ្លួនបុរសជាម្ចាស់ផ្ទះម្នាក់​យកទៅអនុវត្តច្បាប់ បន្ទាប់ពីរកឃើញដាក់តាំងលក់ចែកចាយឧបករណ៍នេសាទខុសច្បាប់ចំនួន៤គ្រឿង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រតិបត្តិការចុះឃាត់ខ្លួន និងដកហូតវត្ថុតាងនេះ បានធ្វើឡើងកាលពីរសៀលថ្ងៃទី០១ ខែមីនា ឆ្នាំ២០២៣ នៅចំណុចភូមិស្វាយពារ ឃុំអង្កាញ់ ស្រុកព្រៃកប្បាស ខេត្តតាកែវ ដោយមានការចូលរួមសហការជាមួយព្រះរាជអាជ្ញាអមសាលាដំបូងខេត្តតាកែវ ដឹកនាំកម្លាំងចម្រុះ នាយសង្កាត់ជលផល និងបុស្តិ៍រដ្ឋបាលមូលដ្ឋាន។

បើតាមសេចក្តីរាយការណ៍បានឱ្យដឹងថា ប្រតិបត្តិការនេះបានធ្វើឡើងនៅលំនៅដ្ឋានរបស់ឈ្មោះ អន ហេង ភេទប្រុស អាយុ៤២ឆ្នាំ ដែលជាទីតាំងលក់ចែកចាយឧបករណ៍នេសាទខុសច្បាប់ ដោយបានរកឃើញវត្ថុតាងជាក់ស្តែងជាឧបករណ៍ឆក់ត្រីចំនួន៤គ្រឿង។

ក្រោយពីបញ្ចប់ប្រតិបត្តិការ សមត្ថកិច្ចបានធ្វើកំណត់ហេតុដកហូតវត្ថុតាង និងឃាត់ខ្លួនម្ចាស់ទីតាំងនាំយកទៅស្នងការដ្ឋាននគរបាលខេត្ត ដើម្បីអនុវត្តច្បាប់៕

អត្ថបទ៖ សុខុម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម