ករណីអគ្គិភ័យដែលឆាបឆេះផ្ទះប្រជាពលរដ្ឋនៅសង្កាត់ស្ទឹងមានជ័យទី២ ខណ្ឌមានជ័យ បានបណ្ដាលឲ្យឆេះផ្ទះ៥ខ្នងទាំងស្រុង និងពីរខ្នងទៀតឆេះអស់ប្រហែល៣០ភារយ។

បើតាមរបាយការណ៍របស់ការិយាល័យបង្ការពន្លត់អគ្គិភ័យ និងសង្គ្រោះ នៃស្នងការនគរបាលរាជធានីភ្នំពេញ បានឲ្យដឹងថា ករីណីនេះត្រូវបានគ្រប់គ្រងបានទាំងស្រុងនៅវេលាម៉ោង​៧និង៤០នាទីយប់នាថ្ងៃខែឆ្នាំដដែល ដោយប្រើប្រាស់រថយន្តការិយាល័យអគ្គិភ័យរាជធានីភ្នំពេញ ចំនួន​១៥គ្រឿង ប្រើប្រាស់ទឹកអស់ ៤៥ឡាន ស្មើរនឹង ១៨០ម៉ែត្រគូប និងរថយន្តជំនួយមកពីក្រសួងមហាផ្ទៃ​ ចំនួន​០២គ្រឿង​ ប្រើប្រាស់ទឹកអស់​០២ឡាន​ រថយន្តក្រុមហ៊ុនស្រាបៀរកម្ពុជា ចំនួន១គ្រឿង ប្រើប្រាស់ទឹកអស់១ឡាន ស្មើរនឹង០៦ម៉ែត្រគូប,​ រថយន្តរបស់ទីក្រុងនរា​ ចំនួន​០១គ្រឿង​ ប្រើប្រាស់ទឹកអស់​០១ឡាន​ ស្មើរនឹង​០៤ម៉ែត្រគូប រថយន្តរបស់កងពលតូចលេខ៧០​ ចំនួន​០៤គ្រឿង​ ពុំបានប្រើប្រាស់ទឹក រថយន្តរបស់​ក្រុមហ៊ុន​ OCIC ជ្រោយចង្វារ​ ចំនួន​ ០៦គ្រឿង​ ពុំបានប្រើប្រាស់ទឹក។

សូមព្ជាក់ថា ករណីអគ្គិភ័យបានកើតឡើងកាលពីវេលា៦និង៣០នាទីល្ងាច ថ្ងៃទី១៤​ ខែមីនា ឆ្នាំ២០២៣ នៅចំណុចភូមិឫស្សី​ ក្រុម១៧​ សង្កាត់ស្ទឹងមានជ័យទី២​ ខណ្ឌមានជ័យ​ រាជធានីភ្នំពេញ។ ក្នុងករណីនេះដែរមិនបណ្ដាលឲ្យមានអ្នករងរបួសនោះទេ ចំណែកមូលហេតុនៃការឆាបឆេះនេះ សមត្ថកិច្ចនៅមិនទាន់បញ្ជាក់នៅឡើយ៕

អត្ថបទ៖ សុខុម