សន្តិសុខសង្គម
មូលហេតុ ស្ត្រីយកសពកូនអាយុ ៤ខែក្នុងផ្ទៃដោយទាំងពោះវៀន បាត់បង់ជីវិត
ស្ត្រីម្នាក់ដែលធ្មបខ្វះជំនាញនៃ សម្ភពឯកជន បានកាយយកសពទារកក្នុងផ្ទៃដោយទាំងពោះវៀន បានទទួលមរណភាព នាម៉ោង៣ភ្លឺ ថ្ងៃទី១៦ ខែមីនា ឆ្នាំ២០២៣ នៅមន្ទីរពេទ្យកាល់ម៉ែត។ នេះបើតាមការបញ្ជាក់របស់ស្វាមីជនរងគ្រោះនៅព្រឹកថ្ងៃទី១៦ ខែមីនា ឆ្នាំ២០២៣នេះ។ សពស្ត្រីបានយកមកធ្វេីបុណ្យតាមប្រពៃណីនៅផ្ទះ ភូមិពងទឹក ឃុំស្រែចែង ស្រុកជុំគិរី ខេត្តកំពត។
![](https://www.kampucheathmey.com/wp-content/uploads/2023/03/២៣០៣១៦ក-1024x614.jpg)
ស្ត្រីដែលយកសពកូនក្នុងផ្ទៃអាយុ ៤ខែ ហើយត្រូវក្រុមគ្រូពេទ្យ មន្ទីរសម្រាកព្យាបាល និងសម្ភព សម្ភពដេីមអង្រ្កង ធ្វើការធ្វេសប្រហែសបណ្តាលឱ្យដាច់ពោះវៀននោះ បានទទួលមរណភាព នៅវេលាម៉ោង ២ និង ១០នាទី រំលងអាធ្រាត្រ ថ្ងៃទី១៦ មីនា ២០២៣ នៅមន្ទីពេទ្យកាលម៉ែត ដោយក្រុមគ្រូពេទ្យនៅមន្ទីពេទ្យកាល់ម៉ែត ក៏ដូចជាក្រុមគ្រូពេទ្យនៅប្រទេសថៃ ព្យាយាមអស់ពីសមត្ថភាពហេីយ តែមិនអាចសង្គ្រោះបាន។
![](https://www.kampucheathmey.com/wp-content/uploads/2023/03/335425044_1659361994482089_460431161517095244_n.jpg)
តាំងពីអ្នកជំងឺត្រលប់មកពីថៃវិញ គាត់បានបន្ដមកព្យាបាលនៅមន្ទីរពេទ្យកាល់ម៉ែត ហើយគិតត្រឹមថ្ងៃទី១០ មីនា គ្រូពេទ្យបានបញ្ជូលឈាម ៥ដងជូនដល់គាត់ ដោយសារតែការផលិតគ្រាប់ឈាមរបស់អ្នកជំងឺមិនបានគ្រប់គ្រាន់។ មុនស្ត្រីម្នាក់នេះទទួលមរណភាព លោកសាស្ត្រាចារ្យ ឡឹម តារា អគ្គនាយករងមន្ទីរពេទ្យកាល់ម៉ែត បានបញ្ជាក់ថា វាជាផលលំបាកដោយសារតែអ្នកជំងឺអស់ពោះវៀន ថ្លើមខ្សោយ ការរលាកជាប្រចាំ ដូច្នេះការផលិតគ្រាប់ឈាមរបស់ខួរឆ្អឹងខ្នងក៏មិនបានគ្រប់គ្រាន់ ដែលបណ្ដាលឱ្យស្ថានភាពទូទៅរបស់អ្នកជំងឺខ្សោយចុះជាលំដាប់។
![](https://www.kampucheathmey.com/wp-content/uploads/2023/03/335610437_707628964483591_2836326223236975255_n.jpg)
សូមរំលឹកថា ស្ដ្រីម្នាក់ដែលរំលូតគភ៌ស្លាប់ក្នុងផ្ទៃ ឈ្មោះ សឿន ស្រីអូន អាយុ២២ឆ្នាំ មានអាសយដ្ឋានភូមិអន្លង់រមៀត ឃុំអន្លង់រមៀត ស្រុកកណ្ដាលស្ទឹង ខេត្តកណ្ដាល បានចូលមកសម្រាកនៅគ្លីនិកដើមអង្គ្រង នៅថ្ងៃទី១០ ខែវិច្ឆិកា ឆ្នាំ២០២២ ដោយរោគវិនិច្ឆ័យមានកូនស្លាប់ក្នុងស្បូនអាយុ ១៨សប្តាហ៍។ ក្រុមគ្រូពេទ្យរបស់គ្លីនិកបានធ្វើការព្យាបាលដោយ រំលូតយកកូនដែលស្លាប់ក្នុងផ្ទៃចេញ និងបន្តសម្រាកនៅគ្លីនិក រយៈពេលមួយយប់ ហើយបានចេញពីគ្លីនិកដើមអង្គ្រងនៅថ្ងៃទី១១ ខែវិច្ឆិកា ឆ្នាំ២០២២។ លុះនៅថ្ងៃទី២២ ខែវិច្ឆិកា ឆ្នាំ២០២២ ស្ត្រីអ្នកជំងឺបានមកគ្លីនិកដដែលម្ដងទៀត ដោយរោគសញ្ញាឈឺពោះខ្លាំងនៅផ្នែកខាងក្រោម បន្ទាប់មកគ្រូពេទ្យក៏បានធ្វើការសំអាតស្បូនឡើងវិញ តែដោយអាការៈធ្ងន់ធ្ងរគ្លីនិកក៏បានបញ្ជូនស្ត្រីអ្នកជំងឺទៅព្យាបាលបន្តនៅរាជធានីភ្នំពេញ។
![](https://www.kampucheathmey.com/wp-content/uploads/2023/03/sbm-EIFOZhbTKUOsUSHZxjgUr.png)
ក្រសួងសុខាភិបាលបានសម្រេចបិទ មន្ទីរសម្រាកព្យាបាល និងសម្ភពដើមអង្គ្រង (ផ្សារព្រៃទទឹង) ស្ថិតក្នុងស្រុកគងពិសី ខេត្តកំពង់ស្ពឺ ជាបណ្ដោះអាសន្ន ព្រោះមិនទទួលបាន ការបណ្ដុះបណ្ដាលត្រឹមត្រូវ និងមិនទទួលបានការអនុញ្ញាតពីក្រសួងសុខាភិបាល។ ដោយឡែកករណីឆ្មប ដែលធ្វើការរំលូតកូននោះ ត្រូវបានផ្អាកការប្រកបវិជ្ជាជីវៈឆ្មប ជាបណ្ដោះអាសន្ន រយៈពេល ២ឆ្នាំ ដោយសារឆ្មបនេះមិនទទួលបានការបណ្ដុះបណ្ដាល ផ្នែករំលូតកូន៕
![](https://www.kampucheathmey.com/wp-content/uploads/2023/03/sbm-Dwlqkw4PATgQu8kcrIm8M-1024x768.png)
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ សប្តាហ៍ ago
ត្រីតុកកែមានតម្លៃថ្លៃតាមហាងចិន កំពុងបង្កាត់ពូជនៅមជ្ឈមណ្ឌលវារីវប្បកម្មនៅខេត្តព្រះសីហនុ
-
ព័ត៌មានជាតិ៦ ថ្ងៃ ago
ក្រុងបាត់ដំបង កំពុងប្រឈមនឹងភក់ជ្រាំ មិនខុសពីទសវត្សរ៍ទី ៨០
-
ព័ត៌មានអន្ដរជាតិ៤ ថ្ងៃ ago
ស្លាប់១១នាក់ បាត់ខ្លួន៣០នាក់ ក្នុងហេតុការណ៍បាក់ស្ពាននៅចិនព្រោះភ្លៀងធ្លាក់ខ្លាំង
-
ព័ត៌មានជាតិ៤ ថ្ងៃ ago
អស់រយៈពេល៨ថ្ងៃហើយ ឧទ្ធម្ភាគចក្រដែលបាត់ដាន ពុំទាន់មានតម្រុយនៅឡើយទេ
-
ព័ត៌មានអន្ដរជាតិ៧ ថ្ងៃ ago
កំណើនកម្តៅផែនដីធ្វើឲ្យពេលថ្ងៃ អូសបន្លាយពេលយូរជាងពេលយប់
-
កីឡា២ ថ្ងៃ ago
ភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ
-
ព័ត៌មានជាតិ១ សប្តាហ៍ ago
UPDATE៖ ជំនន់ទឹកភ្លៀងនៅខេត្តព្រះវិហារ បានស្រកបណ្តើរៗ តែស្ពាននិងថ្នល់មួយចំនួនរងការខូចខាត
-
ព័ត៌មានអន្ដរជាតិ១ ថ្ងៃ ago
មនុស្ស១៤៦នាក់ កប់ស្លាប់ក្រោមបំណាក់ដីភក់ នៅប្រទេស អេត្យូពី