សន្តិសុខសង្គម

រថយន្តមួយគ្រឿង បើកបុករថភ្លើងអ្នកដឹកដំណើរពេញទំហឹង

បានផុស

៣ years មុន

នៅ

ថ្ងៃអង្គារ ២១ មីនា ២០២៣

ដោយ

ព្រះសីហនុ ៖ រថយន្តដឹកដីម៉ា ហិយិនដាយ មួយគ្រឿងបើកបុកជាមួយរថភ្លើងអ្នកដឹកដំណើរពេញទំហឹង លាន់ដូចរន្ទះបណ្ដាលឲ្យ អ្នកបើករថយន្ត និងអ្នកបើករថភ្លើងអ្នកដឹកដំណើររងរបួសធ្ងន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះកើតឡើង នាថ្ងៃទី២១ ខែមីនា ឆ្នាំ២០២៣ វេលាម៉ោង១៥និង៤០នាទីរសៀល នៅចំណុច ផ្លូវលំឡើងថ្មដំរី ប្រសព្វជាមួយផ្លូវរថយន្ត ស្ថិតនៅភូមិព្រែកប្រស់ ឃុំទឹកថ្លា ស្រុកព្រៃនប់ ខេត្តព្រះសីហនុ។

ប្រភពព័ត៌មានបានឲ្យដឹងថា រថយន្តដឹកដីម៉ាក ហីយិនដាយនេះ បើកបរដោយឈ្មោះ វើ ជីវ័ន ភេទប្រុស អាយុ៣៣ឆ្នាំ រងរបួសធ្ងន់ បញ្ជូនទៅពេទ្យ ស៊ុនយ៉ាឃៀល បូកគោខេត្តកំពត។ ចំណែកអ្នករួមដំណើរឈ្មោះកែវ ពិសិដ្ឋ ភេទប្រុស អាយុ៤០ ឆ្នាំ របួសស្រាល។

ប្រភពបន្តថា រថភ្លើងដឹកអ្នកដំណើរមានអ្នកជិះចំនួន២២នាក់ ស្រី១១នាក់ សំណាងមិនបណ្ដាលឲ្យមានអ្នករងរបួស ចំណែកអ្នកបើករថភ្លើងឈ្មោះ អ៊ុំ សម្បត្តិ ភេទប្រុស អាយុ៥៥ ឆ្នាំ មានទីលំនៅ ផ្សារដេប៉ូ១ សង្កាត់ផ្សារដេប៉ូ ខណ្ឌទួលគោក រាជធានីភ្នំពេញរបួសបាក់ភ្លៅខាងឆ្វេង ត្រូវបានបញ្ជូនទៅព្យាបាលនៅមន្ទីរពេទ្យភ្នំពេញ។ ចំណែកអ្នកបើកបរម្នាក់ទៀត ឈ្មោះ រុំ ភេទប្រុស អាយុ ៣៩ឆ្នាំ របួសស្រាល។ ក្រោយកើតហេតុរថភ្លើងខូចខាតក្បាលខាងមុខយ៉ាងដំណំទើបមិនអាចបន្តដំណើរទៅមុខបានទៀតទេ៕