សន្តិសុខសង្គម
ឆ្លងចរន្តអគ្គិសនីឆាបឆេះផ្ទះពលរដ្ឋ ២ខ្នងទាំងស្រុង
ភ្នំពេញ ៖ ផ្ទះប្រជាពលរដ្ឋចំនួន ២ខ្នងត្រូវបានអគ្គិភ័យឆាបឆេះយ៉ាងសន្ធោសន្ធៅ បង្កឱ្យមានការភ្ញាក់ផ្អើលដល់ប្រជាពលរដ្ឋ និងសមត្ថកិច្ចរួមទាំងក្រុមរថយន្តពន្លត់ អគ្គិភ័យមកអន្តរាគមន៍។ ហេតុការណ៍នេះ បានកើតឡើងកាលពីវេលាម៉ោង ៨និង៣០នាទីព្រឹក ថ្ងៃទី២៤ ខែមីនា ឆ្នាំ២០២៣ ស្ថិតនៅភូមិភា សង្កាត់ប្រទះឡាង ខណ្ឌកំបូល។


យ៉ាងណាមិញម្ចាស់ផ្ទះទី១ ឈ្មោះ ហេង វី ភេទប្រុស អាយុ ៤១ឆ្នាំ មុខរបរលក់ដូរ ផ្ទះដែលត្រូវអគ្គិភ័យឆាបឆេះនោះមានទំហំ ទទឹង ៦ម៉ែត្រ បណ្ដោយ ៨ម៉ែត្រ ជាប្រភេទផ្ទះឈើលើ ថ្មក្រោម។
ដោយឡែកម្ចាស់ផ្ទះមួយខ្នងទៀតឈ្មោះ ឆន វែង ភេទប្រុស អាយុ ៥២ឆ្នាំ ផ្ទះដែលត្រូវអគ្គិភ័យឆាបឆេះនោះទំហំ ទទឹង ៦ម៉ែត និងមានបណ្ដោយ ៨ម៉ែត្រ ប្រភេទឈើលើ ថ្មក្រោម។


តាមប្រភពព័ត៌មានបានឲ្យដឹងថា មុនពេលកើតហេតុ ខណៈម្ចាស់ផ្ទះកំពុងលក់ដូរនៅខាងក្រោមស្រាប់តែឆ្លងចរន្តអគ្គិសនីឆាបឆេះផ្ទះឈ្មោះ ហេង វី ផ្នែកខាងលើបង្កជាអណ្ដាតភ្លើងឆាបឆេះយ៉ាងសន្ធោសន្ធៅ។ ភ្លាមៗនោះ ប្រជាពលរដ្ឋដែលនៅក្បែរ នាំគ្នាជួយដងទឹកមកជះពន្លត់ ប៉ុន្តែដោយសារភ្លើងបានឆាបឆេះខ្លាំងឡើងៗ ក៏បានរាលដាលដល់ផ្ទះមួយខ្នងទៀតដែលជាប់គ្នា ទើបរាយការណ៍ទៅសមត្ថកិច្ច និងក្រុមពន្លត់អគ្គិភ័យមកអន្តរាគមន៍ភ្លាមៗ។


ក្នុងរង្វង់ប្រតិបត្តិការខាងលើនេះ រថយន្តពន្លត់អគ្គិភ័យចំនួន ៨គ្រឿង ដែលបានមកអន្តរាគមន៍ ក្នុងនោះមានរថយន្តពន្លត់អគ្គិភ័យរបស់កងរាជអាវុធហត្ថ ១គ្រឿង(មិនបានបាញ់) ស្រាបៀរកម្ពុជា ១គ្រឿង(មិនបានបាញ់) ស្នងការនគរបាល រាជធានី ២គ្រឿង(បាញ់អស់) កងពលតូចលេខ៧០ ២គ្រឿង(បាញ់អស់) បុរី សង្ឃឹមថ្មី ២គ្រឿង(បាញ់អស់)។ ហើយបន្ទាប់ពីក្រុមពន្លត់អគ្គីភ័យបានព្យាយាមជួយអន្តរាគមន៍ អគ្គិភ័យបានរលត់ទៅវិញនាវេលាម៉ោង ៩និង៣០នាទី ចំណែកផ្ទះចំនួន ២ខ្នង ត្រូវបានអគ្គិភ័យឆាបឆេះអស់ទាំងស្រុង។



គួរបញ្ជាក់ថា នៅក្នុងហេតុការណ៍គ្រោះអគ្គិភ័យខាងលើនេះមិនមានមនុស្សរងរបួសនោះទេ៕
អត្ថបទ៖ សុខា
-
ព័ត៌មានជាតិ៣ ថ្ងៃ មុន
សម្តេចតេជោ ៖ ខ្ញុំនឹងចុះហត្ថលេខា លើកិច្ចព្រមព្រៀងក្រមខណ្ឌគម្រោង សាងសង់ផ្លូវល្បឿនលឿន ភ្នំពេញ-សៀមរាប-ប៉ោយប៉ែត រសៀលនេះ
-
ជីវិតកម្សាន្ដ១ សប្តាហ៍ មុន
Jisoo តេស្តវិជ្ជមានកូវីដ ក្រោយវិលពីការប្រគំតន្ត្រីនៅថៃវិញ
-
ជីវិតកម្សាន្ដ៥ ថ្ងៃ មុន
ប្រកួតឆ្នាំដំបូង បវរកញ្ញាកម្ពុជា ឈ្នះមកុដ Miss Culture Global នៅឥណ្ឌូនេស៊ី
-
ជីវិតកម្សាន្ដ៦ ថ្ងៃ មុន
ក្រោយលែងលះជាមួយ Angelababy តារាប្រុស Huang Xiaoming មានមិត្តស្រីថ្មីការពារលើសមុន
-
ព័ត៌មានជាតិ៨ ម៉ោង មុន
អ្នកជំនាញអចលនទ្រព្យយល់ឃើញយ៉ាងណា ក្រោយសម្តេចតេជោ ឱ្យម្ចាស់បុរីបញ្ឈប់ការរឹបអូសយកផ្ទះពលរដ្ឋ?
-
ជីវិតកម្សាន្ដ៦ ថ្ងៃ មុន
ម្ចាស់មេដាយមាសស៊ីហ្គេម កូនកាត់ខ្មែរអាមេរិក លេចមុខថតសំអាងការ
-
សន្តិសុខសង្គម១ សប្តាហ៍ មុន
តខ្សែភ្លើងខុសបច្ចេកទេស ឆ្លងចរន្ដឆេះផ្ទះមួយខ្នង និងរថយន្ដមួយគ្រឿងទាំងស្រុង
-
ព័ត៌មានអន្ដរជាតិ៧ ថ្ងៃ មុន
លោក ថាក់ស៊ីន បញ្ជាក់ច្បាស់ៗពីពេលវេលាវិលត្រឡប់ចូលស្រុកវិញ